Vill að komið verði til móts við óskir heimamanna
Kerfisáætlun Landsnets 2015 til 2024 var til umfjöllunar á fundi byggðarráðs Sveitarfélagsins Skagafjarðar sl. miðvikudag. Í kerfisáætluninni er gert ráð fyrir tveimur framkvæmdum á umræddu tímabili í sveitarfélaginu, Blöndulínu 3, 220 kV lína frá Blöndu til Akureyrar og ný 66 kV lína frá tengivirkinu í Varmahlíð á Sauðárkrók. Eru báðar þessar framkvæmdir á áætlun árið 2018.
Blöndulína 3 hefur verið afar umdeild en skemmst er að minnast þess að í síðasta mánuði var haldinn var opinn fundur í Varmahlíð þar sem landeigendur gáfu skýrt fram að þeir myndu aldrei samþykkja lagningu loftlínu um lönd sín. Byggðarráð undirstrikar mikilvægi þess að taka tillit til sjónarmiða heimamanna og vilja skoða hvort og með hvaða hætti hægt sé að koma til móts við þá.
„Hvað varðar Blöndulínu 3 er ljóst að línan er mikilvægur þáttur í að styrkja flutningskerfið á Norðurlandi enda núverandi flutningskerfi komið að þolmörkum. Við lagningu Blöndulínu í gegn um Skagafjörð vill byggðarráð benda á að mikilvægt er að taka tillit til sjónarmiða heimamanna og skoða hvort og þá með hvaða hætti hægt sé að koma til móts við kröfu um línulögn í jörð á hluta leiðarinnar. Byggðarráð vill hnykkja á því að skipulagsvald er í höndum sveitarfélagsins,“ segir í fundargerðinni.
Einnig kemur fram að byggðarráð fagni því að styrkja eigi tengingar inn á Sauðárkrók enda beri sú lína sem fyrir er ekki meiri orku og er þar að auki eina línan sem tengir Sauðárkrók við dreifikerfið. Það er sagt ekki vera boðlegt og hafi valdið verulegu fjárhagstjóni fyrir fyrirtæki á svæðinu. Byggðarráð óskar þess að þeirri framkvæmd verði flýtt sem kostur er í áætlunum Landsnets.
Fleiri fréttir
-
Góður árangur hefur alltaf áhrif
feykir.is Vestur-Húnavatnssýsla, Mannlíf, Lokað efni 09.06.2025 kl. 12.43Feykir sagði í síðustu viku frá úrslitum í Skólahreysti en skólarnir tveir af Norðurlandi vestra sem komust í úrslitakeppni þeirra tólf skóla sem bestum árangri náðu í undanriðlum náðu prýðilegum árangri í úrslitunum. Þó ekki jafn góðum og Feykir sagði frá því fullorðna fólkið sem sá um að leggja saman stigin féll á prófinu – og ekki í fyrsta sinn. Varmahlíðarskóli, sem fagnaði vel og innilega þriðja sætinu, féll niður um sæti og sömuleiðis Grunnskóli Húnaþings vestra sem endaði í fimmta sæti. Engu að síður flottur árangur.Meira -
Húnabyggðarsólin víðfræg
feykir.is Austur-Húnavatnssýsla, Lokað efni 09.06.2025 kl. 12.37Þórarinn Bjarki Benediktsson býr á Breiðavaði í Austur-Hún. og er giftur Stefaníu Egilsdóttur.Segist sjálfur vera illa grunnskólagenginn með tæplega 600 fjár, 18 geitur11 Border collie hunda, kött og eina gyltu. Bjarki starfar við rúning í félagi við Þorstein vin sinn á Auðólfsstöðumog tekur stundum að sér tamningu á Border collie hundum. Þegar Bjarki er spurður hvernig gangi í sveitinni segir hann það í raun ganga aldeilis ljómandi vel, skepnur og menn hress og kát í góðri tíð.Meira -
Smjörkjúllinn hans Einars | Matgæðingur Feykis
feykir.is Skagafjörður, Í matinn er þetta helst, Lokað efni 09.06.2025 kl. 11.51Matgæðingurinn í tbl 5 á þessu ár var Einar Helgi Guðlaugsson en hann er fæddur og uppalinn á Króknum. Foreldrar hans eru Bryndís Aðalsteinsdóttir og Guðlaugur Elinn Einarsson og áttu þau heima í Furuhlíðinni lengi vel. Kærasta Einars er Rósbjörg Jenný Magnúsdóttir sem er Siglfirðingur og eru foreldrar hennar Hrönn Fanndal og Magnús Stefán Jónasson og ólst hún upp á Hvanneyrabrautinni.Meira -
FNV er fjölbreyttur og vinalegur skóli
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 09.06.2025 kl. 11.30Kristján Bjarni hefur verið áfangastjóri við FNV um árabil en nú lætur hann af störfum þar en fer ekki langt, bara rétt norður yfir Sauðána og tekur við starfi skólastjóra Árskóla. Þar tekur hann við af Óskari G. Björnssyni sem hefur stýrt þeim skóla síðan Gagnfræðaskóli og Barnaskóli Sauðárkróks voru sameinaðir skömmu fyrir aldamót. En hvað ætli Kristjáni hafi þótt skemmtilegast við að starfa við FNV?Meira -
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira
