Vill alþjóðlegan flugvöll á Sauðárkrók
Byggja þyrfti upp fimmta alþjóðlega flugvöllinn á Íslandi til að draga úr notkun flugvallarins í Glasgow sem varaflugvallar og telur formaður Félags íslenskra atvinnuflugmanna Alexandersflugvöll á Sauðárkróki koma þá helst til greina.
Alþjóðlegir varaflugvellir á Íslandi eru fjórir, Keflavík, Reykjavík, Akureyri og Egilsstaðir en flugvöllurinn í Glasgow er notaður sem varaflugvöllur þegar ekki er hægt að lenda á Íslandi vegna veðurs.
Hafsteinn Pálsson, formaður Félags íslenskra atvinnuflugmanna (FÍA), segir í samtali við Rúv.is að það gerist ekki oft að flugvélar þurfi að fara til Glasgow. Völlurinn sé þó varaflugvöllur á pappírunum og því þurfi að setja nægilegt eldsneyti á vélarnar svo að þær komist þangað. Það geti þýtt að flugvélar þurfi að skilja eftir frakt til að geta tekið eldneyti í staðinn í einhverjum tilvikum. Jafnframt segir Hafsteinn að því meira eldsneyti sem vélarnar beri, kosti það yfirleitt um 10% aukalega, og sá kostnaður segir Hafsteinn að hljóti að skila sér í hærra miðaverði.
Hafsteinn lenti sjálfur í því nýlega að þurfa að skilja eftir frakt til að rýma fyrir eldsneyti. „Ég var að koma heim frá New York að morgni Þorláksmessu. Það var það mikið að flytja að við urðum að skilja eftir frakt til að geta sett eldsneyti og notað Glasgow sem varaflugvöll. Við hefðum getað tekið allt með ef við hefðum verið með opinn varaflugvöll á Íslandi,“ segir hann í samtali við Rúv.is. Hafsteinn segir að Icelandair skilji ekki eftir farþega og farangur, heldur sé um að ræða frakt eða póst. Aðrir flugrekendur sem fljúga til og frá Norður-Ameríku hafi þó lent í því að þurfa að skilja eftir farangur.
Telur Alexandersflugvöll vera besti kosturinn
Hafsteinn segir nauðsynlegt að byggja upp fimmta alþjóðlega flugvöllinn á Íslandi og segir Alexandersflugvöll á Sauðárkróki koma helst til greina. Þá hefur snjókoma og vont veður á Akureyri og Egilsstöðum hafi komið í veg fyrir að hægt væri að nota þá staði sem varaflugvelli.
Samkvæmt upplýsingum frá Icelandair hefur Glasgow verið skráður varaflugvöllur á pappírunum í 2,5 prósentum tilvika undanfarin þrjú ár, í flugi til Keflavíkur. Í reynd hafa flugvélar frá Icelandair lent fjórum sinnum í Glasgow á síðustu þremur árum, einu sinni árið 2011, einu sinni 2012 og tvisvar sinnum 2013.
Fleiri fréttir
-
David og Manu framlengja við Tindastól!
feykir.is Skagafjörður, Íþróttir, Lokað efni 19.12.2025 kl. 16.02Tindastóll hefur náð samkomulagi við David Bercedo og Manuel Ferriol um framlengingu á samningum þeirra við félagið til næstu tveggja ára! Í yfirlýsingu frá knattspyrnudeildinni segir að báðir leikmenn hafi verið lykilmenn í Meistaraflokki karla og lagt sitt af mörkum bæði innan vallar sem utan. Framlengingarnar eru liður í áframhaldandi uppbyggingu liðsins og undirstrika metnað félagsins fyrir komandi ár.Meira -
Jákvæð rekstrarniðurstaða í fjárhagsáætlun Húnabyggðar fyrir 2026
feykir.is Austur-Húnavatnssýsla 19.12.2025 kl. 15.07Fjárhagsáætlun Húnabyggðar fyrir árið 2026, sem og þriggja ára áætlun áranna 2027-2029, var samþykkt á sveitarstjórnarfundi á mánudaginn. Í frétt á Húnahorninu segir að áætlað er að heildartekjur A og B hluta verði 2.883 milljónir króna árið 2026, rekstrargjöld 2.423 milljónir og afskriftir rúmar 161 milljón. Rekstrarniðurstaða fyrir fjármagnsliði er áætluð jákvæði um 299 milljónir en að teknu tilliti til þeirra, jákvæð um 124 milljónir. Veltufé frá rekstri er áætlað rúmar 362 milljónir en afborganir langtímalána tæpar 274 milljónir.Meira -
Jólatónleikar í Hóladómkirkju
feykir.is Skagafjörður 19.12.2025 kl. 11.05Föstudaginn 19.desember verða jólatónleikar Skagfirska kammerkórsins í Hóladómkirkju, tónleikarnir hefjast kl.20. Á dagskrá eru gömul og góð jólalög í bland við nýrri, m.a. verður nýtt fallegt jólalag frumflutt sem var samið fyrir kórinn í tilefni af 25 ára afmæli kórsins, lagið er eftir Auði Guðjohnsen og ljóðið eftir okkar ástæla skáld Sigurð Hansen í Kringlumýri Skagafirði.Meira -
Fyrstu meistarar Tindastóls heiðraðir í gærkvöldi
feykir.is Skagafjörður, Íþróttir, Lokað efni 19.12.2025 kl. 10.18Í hálfleik á leik Tindastóls og KR í Síkinu í gærkvöldi var þess minnst að 50 ár eru síðan Tindastóll eignaðist sína fyrstu Íslandsmeistara í körfubolta. Gömlu kempurnar sem áttu heimangengt voru mættir til leiks og kynntir fyrir áhorfendum í hálfleik og veittar viðurkenningar. Ágúst Ingi Ágústsson, sem er manna fróðastur um sögu körfuboltans á Króknum, flutti smá tölu við athöfnina og má lesa hana hér.Meira -
247 stiga jólaveisla í Síkinu
feykir.is Skagafjörður, Íþróttir, Lokað efni 19.12.2025 kl. 09.10Það voru hálfgerð litlujól í Síkinu í gærkvöldi þegar Vesturbæingar mættu vel stemmdir til leiks gegn stigaóðu liði Tindastóls í síðustu umferð Bónus deildar karla fyrir jól. Leikurinn var spilaður á ofsahraða og má eiginlega segja að liðin hafi varla náð að stilla upp í vörn í leiknum – það var bara búið að skjóta áður. Gestirnir byrjuðu leikinn betur en heimamenn tóku völdin þegar á leið og lönduðu öruggum sigri. Lokatölur 130-117 en sjö leikmenn Tindastóls gerðu öll 130 stig liðsins og skoruðu þeir allir meira en tíu stig.Meira
