Vill nýta sína reynslu til góðs | Ásdís Rán
Laugardaginn 1. júní stingum við Íslendingar okkur inn í kjörklefa og setjum x við þann frambjóðanda sem við viljum sjá sem forseta þjóðarinnar næstu fjögur árin. Aldrei áður í sögu lýðveldisins hafa jafn margir einstaklingar skreytt kjörseðilinn eða hvorki fleiri né færri en tólf. Feykir lagði nokkrar spurningar fyrir forsetaefnin og gáfu þau sér öll tíma til að svara. Hér að neðan má lesa svörin sem Ásdís Rán Gunnarsdóttir gaf Feyki.
Hvers vegna á fólk að kjósa þig? - Ef horft er til almennrar reynslu minnar og þess að ég hef ekki haft nein bein tengsl hvort sem horft er til stjórnmála, stofnana, hagsmunahópa eða sérstakra baráttumála þá held ég að þetta samanlagt gefi mér mikilvægt hlutleysi og þar með styrk til að gegna embættinu. Ég tel mig hafa margt gott upp á að bjóða til að þjóna þjóðinni vel og hef mikla reynslu af því að koma fram opin-berlega fyrir hönd þjóðarinnar bæði erlendis og hérlendis.
Af hverju langar þig að verða forseti Íslands? - Ég hef mikinn áhuga á því að hvetja til góðra verka í samfélaginu og nýta mína reynslu til góðs. Forsetastarfið eflist ekki nema því þjóni fólk með ólíkan bakgrunn, mismunandi áherslur og leiðtogafærni. Svo finnst mér vera kominn tími fyrir drottningu á Bessastaði!
Hvað hefur komið þér mest á óvart í baráttunni um Bessastaði? - Það er það kannski hvað þessari baráttu er stjórnað algjörlega af fjölmiðlum og skoðanakönnunum. Þetta er risa afl sem er erfitt að eiga við og því er stýrt hverju sinni hver kemst áfram eða verður forseti.
En nú er komið að því að fagna uppskeru af kosningabaráttu síðustu mánaða og ég er mjög stolt af því að hafa komið með ferskan og jákvæðan blæ inn í framboðsferlið fyrir forsetakosningarnar að þessu sinni. Hversu mörg atkvæði koma í hús á laugardaginn breytir engu þar um. Við höfum skapað fordæmi sem felur í sér hvatningu til fólks um að losa sig undan fjötrum staðnaðra viðhorfa og láta reyna á hið ómögulega sem við trúum að oftar en ekki sé upphaf á farsælli vegferð. Barátta okkar er og verður sigur í kosningunum því okkur tókst það ógerlega að koma úr óvæntri átt askvaðandi inn á svið þjóðmála og mála bæinn rauðan. Tefla fram kynþokka og frösum sem lifa, krydda tilveruna með glaðværð og léttleika og síðast en ekki síst vekja fólk til umhugsunar og þar með að hafa okkar áhrif á samtímann. Þetta er það sem stendur eftir um ókomin ár.
Hver hefur verið stærsta áskorunin í þínu lífi? - Ég hef verið frekar dugleg að skora á sjálfa mig í hinum ýmsu verk-efnum í lífinu en mér finnst nú líklegt að það að fara í forsetaframboð hafi verið ein af þeim stærstu hingað til! Það er gífurleg áskorun að taka þessa ákvörðun og líka áhætta, sérstaklega þegar þú ert þjóðþekkt persona og það er algjörlega dulið hvort þessi vegferð eigi eftir að koma sér vel eða illa. Þannig að þetta er svolítið eins og rússnesk rúlletta.
Hvar og hvenær sástu núverandi maka þinn fyrst? - Nú er ég bara makalaus og hann ófundinn.
Hvað ætlaðir þú að verða þegar þú yrðir stór? - Ég hef mikið dálæti af dýrum og eitt af því fyrsta sem ég ætlaði að verða var dýralæknir, ég endaði með því að fara allt aðra leið og sé svolítið eftir því í dag að hafa ekki látið verða af þessum draum :D
Bessastaðir eru ágæt búskaparjörð, til dæmis er þar ágæt fjörubeit fyrir sauðfé meira og minna allan veturinn. Hefur þú í hyggju að stunda búskap á Bessastöðum ef þú verður forseti? - Ég myndi líklega láta húsdýrin duga en ég gæti alveg hugsað mér að vera með 2-3 hesta, svo fylgja mér kettir og mjög líklegt að ég bæti við nokkrum varðhundum.
- - - - -
Allir fengu frambjóðendurnir sömu spurningarnar. Tilviljun og rými réðu því í hvaða röð forsetaefnin fóru á síður pappírsútgáfu Feykis. Birtingartíminn hér á Feykir.is er öfug röð miðað við blaðið en viðtölin munu birtast frá miðvikudegi til föstudags. Feykir þakkar forsetaefnunum fyrir að gefa sér tíma til að svara.
Fleiri fréttir
-
Valdís Ósk Óladóttir ráðin í starf ráðgjafa í barnavernd hjá Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 13.07Á vef Skagafjarðar segir að Valdís Ósk Óladóttir hefur verið ráðin í starf ráðgjafa í barnavernd á fjölskyldusviði hjá sveitarfélaginu Skagafirði. Valdís er með BSc. gráðu í viðskiptalögfræði frá Háskólanum á Bifröst og ML gráðu í lögfræði frá Háskólanum í Reykjavík. Valdís Ósk hefur góða þekkingu á barnaverndarlögunum og skrifaði meistaraprófsritgerð sína um réttindi barna og þvingunarúrræði skv. barnaverndarlögum. Samhliða námi sínu hefur Valdís Ósk starfað hjá Barna- og fjölskyldustofu og á meðferðarheimilinu Krýsuvík og öðlast þar reynslu í ráðgjöf og vinnslu barnaverndarmála.Meira -
Forvarnaráætlun fyrir leik/grunn og framhaldsskóla á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.44Félags- og skólaþjónusta Austur-Húnvetninga fékk styrk upp á fjórar milljónir frá Sprotasjóði Rannís í maí 2023 til að vinna að forvarnaráætlun fyrir börn á leik/grunn og framhaldsskólaaldri. Markmið verkefnisins var að búa til sameiginlega forvarnaáætlun fyrir Norðurland vestra til fjögurra ára sem stuðla myndi að farsæld og forvörnum allra barna á svæðinu. Forvarnir eru til alls fyrst og er áætlunin öllum aðgengileg á heimasíðum sveitarfélaganna á Norðurlandi vestra.Meira -
Frítt inn á Byggðasafn Húnvetninga og Strandamanna sunnudaginn 28. júlí
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.11Í tilefni af hátíðinni Eldur í Húnaþingi sem haldin er þessa dagana verður frítt inn á Byggðasafn Húnvetninga og Strandamanna sunnudaginn 28. júlí. Safnið er opið milli kl. 9-17 og er staðsett á Reykjum í Hrútafirði í Húnaþingi vestra, tæpum kílómeter frá þjóðvegi eitt og leggur safnið áherslu á líf og störf fólks og síðari hluta 19. aldar og byrjun þeirrar 20.Meira -
Andri Már stígur á stokk í Mexíkó
feykir.is Skagafjörður, Listir og menning, Mannlíf 26.07.2024 kl. 10.32Feykir hefur aðeins fylgst með ævintýrum Andra Más Sigurðssonar / Joe Dubious á mexíkanskri grundu. Andra kannast margir við sem tónlistarmann og hann var eftirminnilega í framlínu hljómsveitarinnar dáðu, Contalgen Funeral, sem margir sakna. Andri flutti til Mexíkó árið 2019 og bjó í þorpinu La Erre í Guajajuato-fylki síðast þegar Feykir tók á honum púlsinn. Í fyrra sögðum við frá því að Andri væri farinn að láta á sér kræla í tónlistinni í Mexíkó og nú spilaði hann á virtri menningarstofnun, El Museo de la Independencia en Dolores Hidalgo – hvorki meira né minna!Meira -
Sigtryggur og Þórir boðaðir til æfinga fyrir undankeppni Eurobasket 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 26.07.2024 kl. 10.29Karlalandsliðið Íslands í körfuknattleik verður við æfingar núna síðustu daga júlí mánaðar. Æfingarnar er liður í undirbúningi fyrir síðustu leikina í undankeppni EuroBasket 2025 sem verða spilaðir í nóvember og febrúar. Tveir leikmenn Tindastóls voru boðaðir til æfinga, þeir Sigtryggur Arnar Björnsson og Þórir Þorbjarnarson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.