Fréttir

„Unglingalandsmótin eru fjölskylduhátíð þar sem alls konar íþróttir eru í fyrsta sæti. Mótin eru haldin árlega og að þessu sinni er mótið á Sauðárkróki,“ segir Ómar Bragi Stefánsson, framkvæmdastjóri Landsmóta UMFÍ, þegar Feykir forvitnast um Unglingalandsmót UMFÍ sem fram fer um verslunarmannahelgina. Ómar Bragi hefur fengið liðsstyrk en Pálína Ósk Hraundal er verkefnastjóri mótsins en þetta er í þriðja sinn sem þau vinna saman að ULM á Króknum.

Brynja Líf Júlíusdóttir hefur skrifað undir hjá Körfuknattleiksdeild Tindastóls um að spila með Stólastúlkum í 1. deildinni. Í tilkynningu frá körfuknattleiksdeildinni segst Helgi Freyr Margeirsson, nýráðinn þjálfari meistaraflokks kvenna, mjög ánægður að fá Brynju Líf, einn efnilegasta leikmann landsins til liðs við Tindastól og í körfuboltaakademíu FNV.

Bjórhátíðin á Hólum var haldin í ellefta sinn sl. laugardag, 1. júlí. Að venju mættu helstu bjórframleiðendur landsins heim að Hólum og kynntu fjölbreytt úrval gæðabjóra.

Tindastóll sótti þrjú stig á Próbygg-völlinn á Flúðum í dag en þar spila Uppsveitarmenn heimaleiki sína. Eitt mark dugði til að næla í stigin og með sigrinum þokaðist lið Tindastóls upp í fjórða sæti 4. deildarinnar. Lokatölur 0-1.

Húnavökuleikurinn fór fram á Blönduósvelli í dag en þá tók lið Kormáks/Hvatar á móti Víði í Garði. Liðin eru bæði í töppbaráttunni í 3. deild en lið gestanna var í öðru sæti fyrir leik en heimamenn í fjórða sæti. Það var því mikið undir og úr varð töluverð veisla, boðið upp á fimm mörk og sem betur fer gerði lið Kormáks/Hvatar fleiri en andstæðingurinn og skaust upp í annað sæti deildarinnar. Lokatölur 3-2.

Lið Kormáks/Hvatar er nú á öðru ári sínu í 3. deild Íslandsmótsins í knattspyrnu. Lið Húnvetninga vann sér sæti í deildinni haustið 2021 og náði fínum árangri síðastliðið sumar undir stjórn Aco Pandurevic þó þunnskipaður hópur og meiðsli hafi næstum kostað liðið sætið. Aco yfirgaf Kormák/Hvöt eftir þrjá leiki og erfiða byrjun í sumar og Ingvi Rafn Ingvarsson tók við stýrinu en hann var einmitt við stjórnvölinn þegar liðið vann sér sæti í 3. deildinni.

Á dögunum fagnaði Róar Jónsson á Sauðárkrói aldarafmæli sínu en hann má efalaust telja með hressari mönnum á hans aldri, býr enn heima og sér um sig og heimilið sjálfur. Feykir reyndi að ná á honum á sjálfan afmælisdaginn en greip í tómt þar sem hann hafði brugðið sér í næstu sýslu og þegið heimboð dóttur sinnar og fjölskyldu. Var hann fús til að veita viðtal daginn eftir.

Það er Hörður Gunnar Ólafsson sem svarar „Hljóðfærinu mínu“ að þessu sinni. Frá Sauðárkróki kemur hann og hefur verið tónlistarmaður frá fyrstu framkomu í barnaskólanum árið 1965 og síðan verið viðloðandi tónlistarflutning og tónsmíðar alla tíð. Hörður lærði tannsmíðar í Tannsmíðaskóla Íslands árin 1972-1975, rak tannsmíðastofu á Sauðárkróki frá 1976-2005 og vann síðan í Reykjavík við tannsmíðar til 2020 eða 48 ár með vinnunni á námstímanum.

Nú er það Pétur Arason, sveitarstjóri Húnabyggðar, sem hleypir lesendum Feykis að sínum innsta kjarna og tekst á við Rabb-a-babbið. Pétur er fæddur á því herrans ári 1970, er giftur og á þrjú börn og tvö barnabörn að auki. Hann segist búa á Blönduósi – miðju alheimsins!

Það er búið að auka öryggi á skólalóðinni á Blönduósi með því að setja nýja snyrtilega girðingu meðfram henni. Á Húnahorninu segir að girðingin afmarki nú skólalóðina frá Húnabraut og Norðurlandsvegi (þjóðvegi 1) og umlykur þannig sparkvöllinn, ærslabelginn, rampana og leiksvæðið við skólann.