Hafsteinsstaðir sigruðu símakosningu ræktunarbúa á Landsmóti hestamanna
Á nýliðnu Landsmóti hestamanna á Hólum var haldin sýning ræktunarbúa en alls tóku tíu bú þátt. Áhorfendur völdu sitt uppáhaldsbú í símakosningu eftir sýningu og urðu Hafsteinsstaðir fyrir valinu þetta árið.
Samkvæmt frétt á www.landsmot.is var hestakostur þeirra ræktunarbúa sem tóku þátt, hver öðrum glæsilegri og þar segir ennfremur að áhorfendabrekkan hafi verið eitt ánægjubros með aðdáum í augum þegar hver gæðingurinn á fætur öðrum fór um brautina.
Áhorfendur fengu að lokum að velja sitt uppáhaldsbú með símakosningu og það var Hafsteinsstaðir sem varð hlutskarpast og er það í 4. sinn sem búið sigrar áhorfendakosninguna á landsmóti.
Sigurbúið mætti aftur á braut á laugardagskvöldið, ásamt hrossaræktarbúi síðasta árs, Gangmyllunni (Ketilstaðir/Syðri-Gegnishólar) og „tóku gæðingana til kostanna sem aldrei fyrr“ líkt og það er orðað á Landsmótsvefnum.
Skapti Steinbjörnsson og Hildur Claessen reka ræktunarbúið á Hafsteinsstöðum en Skapti segir í samtali við Feyki að þessi heiður, að vera valið besta búið sé mjög gott fyrir búið því að þetta sýni stöðu búsins meðal hrossaræktenda, það hafi verið mörg góð bú sem tóku þátt að þessu sinni. „þetta er góð auglýsing og sýnir hvers konar hestakost við höfum upp á að bjóða,“ sagði Skapti við Feyki.
Beðist er velvirðingar á að í nýjasta blaði Feykis kom ekki fram í þessari frétt að Hildur Claessen reki ræktunarbúið með Skapta Steinbjörnssyni.
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.