Óvænt brúðkaup á söguslóðum í Húnvatnshreppi
Það gerist ekki oft að brúðguminn mæti til kirkju óafvitandi þess að hann sér að fara að kvænast. En þannig var það svo sannarlega í tilfelli Jökuls Helgasonar er Guðný Elíasdóttir kom honum á óvart með óvæntu brúðkaupi. Giftu þau sig í Þingeyrakirkju í Húnavatnshreppi þann 30. júní síðastliðinn, í miðri hestaferð, og má segja að athöfnin hafi komið brúðgumanum jafn mikið á óvart og gestunum.
Lögðu hjónaleysin af stað í fimm daga hestaferð um söguslóðir í Húnaþingi. Er hópurinn sat í Tjarnarkirkju í einu stoppinu og hlustaði á tónleika með Atla Guðlaugssyni og Helgu Bryndísi Magnúsdóttur leiddi Guðný hugann að því hversu yndislegt það væri að gifta sig við aðstæður sem þessar. Hún lét ekki þar við sitja heldur fékk samferðafólk sitt í lið með sér og á skömmum tíma var búið að skipuleggja brúðkaup í Þingeyrakirkju seinna í ferðinni, án vitundar Jökuls. Giftingarhringana útbjuggu faðir brúðarinnar og systir og voru þeir úr rafmagnsgirðingabandi.
Athöfnin fór svo fram í Þingeyrakirkju þann 30. júní síðastliðinn og gaf sr. Ursula Árnadóttir hjónin saman. Voru gestirnir og Jökull lokkuð til kirkju með það að yfirskyni að halda ætti aðra tónleika þar sem hinir hefðu nú tekist svo vel. „Við vorum nýkomin af baki og höfðum riðið Þingeyrasandana og 30 mínútum fyrir athöfnina var Jökull að járna fyrir fólk sem misst hafði skeifu undan hesti í ferðinni. Því vorum við vel skítug í athöfninni“ segir Guðný er hún rifjar upp daginn.
Hyggjast baða sig fyrir næstu athöfn
Að athöfn lokinni virtist Jökull ekki annað en sáttur við þetta allt saman og nefndi að hann hefði nú allavega þvegið sér um hendur hefði hann vitað hvað til stæði. Guðný og Jökull hafa verið saman í rúmlega fjögur ár og búa á Akranesi. Guðný er þaðan en Jökull er stoltur Snæfellingur. Samtals eiga þau fimm börn, þau Stefaníu, Örnu Jöru, Andreu Ínu, Birtu Kristínu og Elías Marvin. Því miður gat Arna Jara ekki tekið þátt í athöfninni og því ætla þau að vera með aðra athöfn og veislu þegar öll börnin geta verið með þeim og hyggjast vera hrein í það skiptið.
Aðspurð segir Guðný að hún hafi nú verið alveg viss um að Jökull segði já því þau hafi nú verið búin að ræða þetta eitthvað. Hún segir þetta einnig búið að vera mikið grín í fjölskyldunni hennar og mikið rætt af hverju þau væru ekki búin að drífa í þessu fyrir löngu. Nálægðin við Þrístapa hafi nú verið tilviljun og hún hefði síður viljað að pabbi hennar og föðurbróðir hefðu þurft að ríða með Jökul þangað til að verja heiður fjölskyldunnar. „Ég held að vestfirska þrjóskan úr móðurömmu minni, Rut Hallgrímsdóttur, og norðlenska hvatvísin úr föðurömmu minni, Rut Sigurmonsdóttur frá Kolkuósi, hafi rutt mér áfram í þessum gjörningi,“ segir Guðný að lokum.
Óskar Feykir þeim hjónakornum innilega til hamingju með ráðahaginn og alls hins besta í komandi hestaferðum og lífinu sjálfu.
/SHV
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.