Gengum úteftir til Búbba og keyptum Lindubuff
Hver er maðurinn? Sigurlaug Margrét Bragadóttir ( Magga Braga )- Hverra manna ertu? Dóttir Laugu Sveins og Braga Sig
Árgangur? Er svo heppin að tilheyra “59 árgangnum, þessum eina sanna
Hvar elur þú manninn í dag? Ég bý á Borgarfirði eystri í húsi sem heitir Vörðubrún og er í þorpinu Bakkagerði.
Fjölskylduhagir? Er í sambúð með Karli einum Sveinssyni og á með honum tvær dætur Kolbrúnu og Hallveigu
Helstu áhugamál? Öll útivist svo sem fjallgöngur, reiðmennska, hundatúrar og gönguskíði, smíðar, garðvinna, ömmuhlutverkið og áfram mætti telja
Við hvað starfar þú? Ég er grunnskólakennari og kenni hér við skólann og rek Álfacafé á sumrin
Hraðaspurningar, þær virka þannig að þú botnar upphaf setninga með því fyrsta sem þér dettur í hug.
Heima er ..notarlegt
Það er gaman... þegar Árni Egils mætir með hattinn á Bræðsluna
Ég man þá daga er ... við Maja Bödda gengum úteftir til Búbba og keyptum Lindubuff
Ein gömul og góð sönn saga.............
Það er nú það ég glími við óskaplega mikið minnisleysi frá þessum árum, nema hvað ég man hrekkina hennar Helgu nokkuð vel. Einhvern tímann hafði ég sagt krökkunum að ég ætlaði hvorki að gifta mig né eiga börn heldur búa út í Noregi með norskum greifa og hafa það gott og ég gæti alveg passað krakkana sem þau ætluðu að eiga. Ívar póstur var í sérlegu uppáhaldi hjá mér enda var maðurinn iðinn við að færa mér bréf. Þetta voru hin skrautlegustu umslög frá hinum ýmsu löndum því það var mjög vinsælt að eiga útlenska pennavini. Einn daginn kom hann með bréf sem prentað var utan á, ákaflega dularfullt og inn í því var ljóð um mig og norska greifann sem átti að syngjast við lagið Játning eftir Sigfús Halldórsson. Strax grunaði mig nú að þarna væri Helga á ferð en hún vildi nú ekki kannast við það blessunin en játaði síðar að hún og Maja hefðu verið í skáldastuði. Vísurnar á ég ennþá vel geymdar heima á Krók og hef nú hugsað mér að sýna þeim stöllum þær við gott tækifæri.
Spurning Helgu Stefaníu........
Spurning: Af hverju gaf Yngvi Geirmunds þér nafnið ,,Magga persóna,,?
Það er nú það. Ég held að það hafi verið vegna þess að það fór ferlega í taugarnar á mér þegar verið var að segja að þessir og hinir væru ljótir. Og ég benti kurteisislega á að það ætti að dæma fólk eftir persónu þess en ekki útliti, það var náttúrlega alveg eftir Yngva að kalla mig svo ,,Möggu persónu,, eftir það
Hvern vilt þú sjá svara þessum spurningum og hvaða spurningu mundir þú leggja fyrir viðkomandi?
Nafn.... Sigríði Sigmundsdóttur (Siggu Simma)
Hvað gerir þú til að viðhalda þínu góða minni ?
(og endilega leiðréttu mig ef persónusagan er vitlaus þú mannst þetta betur en ég)
Fleiri fréttir
-
Ótrúlegur lokakafli færði Stólunum sigur í leik eitt
feykir.is Skagafjörður, Íþróttir, Lokað efni 09.05.2025 kl. 02.10Ef einhverntíann Síkið hefur sótt sigur fyrir lið Tindastóls þá var það í gærkvöldi. Þá tóku Stólarnir á móti grjóthörðum Garðbæingum í fyrsta leik úrslitaseríunnar um Íslandsmeistaratitilinn. Lið Tindastóls virtist í hálf vonlausri stöðu þegar lítið var eftir af leiknum en það var ekki að sjá að nokkur maður á pöllunum hengdi haus. Stuðningurinn var óbilandi og virtist hreinlega smitast í leikmenn okkar liðs sem gerði átta síðustu stig leiksins á 36 síðustu sekúndunum. Það dugði til sigurs, 93-90, og hafa Stólarnir því náð 1-0 forystu í einvíginu.Meira -
Íslandsmeistarar Blika höfðu betur gegn Stólastúlkum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 23.58Bestu deildar lið Tindastóls fékk Íslandsmeistara Breiðabliks í heimsókn á Krókinn í dag í 5. umferð deildarinnar. Það mátti reikna með erfiðum leik en Stólastúlkur náðu engu að síður forystunni í leiknum. Blikar voru aftur á móti ekki lengi að kvitta fyrir sig og unnu á endanum öruggan 5-1 sigur.Meira -
Hæfileikabúnt frá Húnaþingi vestra sigruðu í Fiðringi 2025
feykir.is Vestur-Húnavatnssýsla, Listir og menning, Lokað efni 08.05.2025 kl. 14.38Þeim er margt til lista lagt nemendunum í Grunnskóla Húnaþiings vestra og þessi vetur hlýtur að verða þeim mörgum minnistæður. Fyrir jól áttu nemendur eitt af þeim þremur lögum sem þóttu skara fram úr í Málæði, í síðustu viku tryggði lið skólans sér sæti í úrslitum í Skólahreysti og í gær sigraði atriði skólans í Fiðringi 2025, hæfileikakeppni fyrir nemendur í 8.-10. bekk, sem haldin var á Akureyri.Meira -
Nýsköpun sem drifkraftur | Freyja Rut Emilsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.05.2025 kl. 14.18Nýsköpun er ekki bara orð til að nota á tyllidögum og í kosningabaráttu, nýsköpun er drifkraftur framþróunar, hvort sem það er í litlum fyrirtækjum á landsbyggðinni eða stórum alþjóðlegum fyrirtækjasamsteypum. Nýsköpun opnar nýjar leiðir, skapar ný störf, eykur hagkvæmni og gerir okkur – bæði sem einstaklinga og samfélög, betur í stakk búin til að takast á við þær áskoranir sem blasa við, grípa þau tækifæri sem bjóðast og skapa ný. Fyrirtæki og samfélög sem fóstra og næra nýsköpunarhugsun og nýsköpunarverkefni eru lykillinn að sjálfbærum vexti, bættum lífsgæðum og framþróun sama hvaða atvinnugreinar horft er til.Meira -
Innlyksa á Húsabakka í Skagafirði
feykir.is Skagafjörður 08.05.2025 kl. 12.37Í gær kom tilkynning frá Almannavarnadeild Ríkislögreglustjóra um mikla vatnavextir í Austari Jökulsá og Héraðsvötnum. Ábúendur á Syðri og Ytri Húsabakka hafa fundið vel fyrir þessum vatnavöxtum enda innlyksa og skemmdir á vegum og túnum ekki skýr að svo stöddu.Meira
