Skriðþunginn er meiri hjá Sigga bróður
Hver er maðurinn? - Torfi Jóhannesson
Hverra manna ertu ? -Ég er sonur Jóhannesar Torfasonar og Elínar Sigurðardóttur á Torfalæk
Árgangur? -1969
Hvar elur þú manninn í dag ? -Ég bý á Hvanneyri í Borgarfirði, en vinn í Borgarnesi.
Fjölskylduhagir? - Giftur Þórunni Pétursdóttur, héraðsfulltrúa Landgræðslu ríkisins á Vesturlandi
Afkomendur? - Við hjónin eigum samtals 5 börn og eitt barnabarn.
Helstu áhugamál? -Ég á fáar eiginlegar frístundir, en hef gaman að lestri góðra bóka, ljósmyndun og útivist.
Við hvað starfar þú? -Ég er verkefnisstjóri Vaxtarsamnings Vesturlands og sit sveitarstjórn Borgarbyggðar.
Hraðaspurningar, þær virka þannig að þú botnar upphaf setninga með því fyrsta sem þér dettur í hug.
Heima er ... þar sem ég bý hverju sinni..................
Það er gaman... að uppskera......................
Ég man þá daga er...maður svitnaði í heyskap.....................
Ein gömul og góð sönn saga..................
Sigurður afi minn var mikill hagleiksmaður og hafði meðal annars mikið yndi af smíði hliða. Þannig smíðaði hann mörg hlið á girðingar í kring um húsin á Torfalæk og lagði þannig sitt af mörkum til garðræktar. Afi var ástríðufullur kartöfluræktandi og ég minnist þess að hafa aðstoðað hann við að setja niður í leirkenndan garð áður en frost var að fullu farið úr jörðu; ég með járnkarlinn að gera holur og hann með útsæði af rauðum íslenskum. Uppskera var með ágætum!
Spurt frá síðasta viðmælanda
Hvor er sterkari, þú eða Siggi bróðir þinn?
-Við erum báðir orðnir of bakveikir til að geta látið reyna á það, en hann hefur meiri skriðþunga...
Hvern villt þú sjá svara þessum spurningum og hvaða spurningu myndir þú leggja fyrir viðkomandi?
-Minn gamla bekkjarbróður frá Flóðvangi, Húnavöllum og MA, Magnús Björnsson Kínafara. Spurningin sem ég legg fyrir hann er þessi: Hvað er líkt með Kína og Húnaþingi?
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.