Baldur Þór nýr þjálfari Tindastóls
Körfuknattleiksdeild Tindastóls hefur ráðið Baldur Þór Ragnarsson sem þjálfara meistaraflokks karla til næstu þriggja ára en jafnframt mun hann hafa yfirumsjón með styrktarþjálfun beggja meistaraflokka, kvenna og karla. Baldur kemur til Tindastóls frá Þór Þorlákshöfn, þar sem hann náði mjög góðum árangri með liðið á síðasta tímabili.
„Körfuknattleiksdeild Tindastóls lítur björtum augum á framtíðina með góðan kjarna af heimamönnum og ferskan andblæ frá nýjum ungum þjálfara. Erum við mjög ánægð að fá Baldur í hópinn. Hann er klár, ákveðinn og gríðarlega metnaðarfullur þjálfari sem hefur skýra sýn á stefnu og framtíð Tindastóls,” sagði Ingólfur Jón Geirsson, formaður deildarinnar við undirritun samningsins. Baldur var jafnframt spenntur fyrir komandi tímabili og nýju verkefni
„Það er mjög spennandi og krefjandi verkefni að taka við Tindastóls liðinu. Hér hefur verið vandað til verka í mörg ár og hlakka ég til að setja minn brag á liðið. Góðir leikmenn hafa komið upp í gegnum starfið hér seinustu ár og það verður gaman að vinna að því að koma fleiri leikmönnum upp í meistaraflokkinn í samvinnu við þjálfara yngri flokkana. Þjálfun meistaraflokks Tindastóls verður bæði krefjandi og skemmtilegt. Ég hef mína hugmyndafræði sem ég vil koma í framkvæmd. Við viljum leggja mikið á okkur, búa til sterka menningu innan liðsins, vera einbeittir, ákveðnir en jafnframt óeigingjarnir og setja liðið og liðsheildina framar öllu. Það er mikil tilhlökkun að koma inn í þetta körfuboltasamfélag sem Sauðárkrókur er og hlakka ég mikið til samstarfsins með leikmönnum, sjálfboðaliðum og ekki síst stuðningsmönnum.“ sagði Baldur Þór við undirritun samningsins.
Baldur Þór verður í veigamiklu hlutverki hjá Tindastól þar sem hann verður yfirþjálfari yngri flokka Tindastóls ásamt því að stýra Körfuboltaakademíu Tindastóls og Fjölbrautaskóla Norðurlands vestra.
Markmið deildarinnar er að bjóða upp á bestu þjálfun sem völ er á fyrir yngri iðkendur, móta þjálfunarstefnu félagsins og leiðbeina þjálfurum yngri flokka. Baldur mun einnig sjá um styrktarþjálfun fyrir yngri flokka körfuknattleiksdeildar Tindastóls.
„Körfuboltaakademía Tindastóls og Fjölbrautaskóla Norðurlands vestra hefur notið mikilla vinsælla meðal nemenda á framhaldsskólastigi og er mikill styrkur að fá Baldur Þór til að stýra þjálfun í Akademíunni. Stjórn KKD Tindastóls býður Baldur Þór velkominn í Skagafjörðinn og ríkir mikil tilhlökkun að fá hann starfa,“ segir Ingólfur Jón.
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.