Bikarævintýrið á enda
Á föstudagskvöldið fór Tindastóll í Vesturbæinn og mætti þar KR í átta liða úrslitum Mjólkurbikarsins kvenna. KR-ingarnir byrjuðu af miklum krafti en þetta jafnaðist út í seinni hálfleiknum, en eina mark leiksins kom á 9. mínútu og voru það KR sem skoruðu það og urðu lokaúrslitin 1-0 fyrir KR. Bikarævintýrinu lokið hjá Tindastólsstelpum en KR komið í undanúrslit.
Átta liða úrslitin byrjuðu á föstudagskvöldið 28. júní klukkan 18:00 á Meistaravöllum þegar Tindastóll heimsótti KR. KR byrjaði leikinn mjög vel og voru komnar yfir í leiknum á 9. mínútu eftir mark frá Betsy Doon Hassett. KR voru líklegri að bæta við en náðu ekki setja boltann í markið, Stólarnir náðu að vinna sig í leikinn og var mikið jafnræði en staðan 1-0 fyrir KR í hálfleik.
Seinni hálfleikurinn var mjög jafn og voru nokkur góð færi í þeim seinni hjá báðum liðum. Undir lokin tók KR öll völd inn á vellinum og átti Lauren stórleik á milli stanganna þegar KR óð í færum en náðu ekki að skora en ekki voru fleiri mörk gerð í leiknum og úrslitin 1-0 fyrir KR sem þýðir að bikarævintýrið hjá Tindastól er lokið.
Þetta er flottur árangur hjá stelpunum í Tindastól og geta þær borið höfuðið hátt. Nú er bara að halda áfram í deildinni. Næsti leikur er á móti Aftureldingu og verður leikurinn spilaður á Varmárvelli klukkan 18:00 föstudaginn 5. júlí, Áfram Tindastóll.
/EÍG
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.