Fann taktinn þegar leið á kvöldið
„Mér fannst ganga vel, ég var að skora vel og leið vel með hvernig ég var að spila,“ segir Arnar Geir Hjartarson, pílukastari frá Pílukastfélagi Skagafjarðar, þegar Feykir spyr hvernig honum hafi fundist ganga hjá sér í riðlakeppni Meistaradeildarinnar í pílu en hann var mættur í Bullseye sl. miðvikudagskvöld. „Ég var nokkuð stöðugur í gegnum alla leikina og náði að spila betur þegar á reyndi á móti sterkari andstæðing. Útskotin gengu ekki alveg nógu vel í byrjun, smá stress og spenna, en svo fann ég taktinn þegar leið á kvöldið,“ sagði kappinn.
Arnar Geir varð að bíta í það súra epli að detta úr leik, lenti í öðru sæti í sínum riðli og komst því ekki í undanúrslitin sem verða þegar nær dregur jólum. Hann vann fyrstu tvær viðureignirnar en varð að lúta í gras fyrir Arngrími Antoni Ólafssyni frá Pílufélagi Reykjanesbæjar.
Var mikið svekkelsi að komast ekki áfram? Auðvitað vill maður alltaf vinna en ég spilaði vel allt kvöldið og sérstaklega í úrslitaleiknum og hefði hann getað dottið öðru hvoru megin fannst mér.
Hvað heldurðu að þú sért að stunda pílu í marga klukkutíma á viku og er einhver spes undirbúningur fyrir mót eins og þetta ? Ég spila í kringum tíu tíma í hverri viku. En undirbúningurinn er ekki mikið frábrugðin öðrum mótum, kannski meira að undirbúa andlegu hliðina að spila uppi á sviði fyrir framan fullt af myndavélum og fólki.
Finnst þér mikill gæðamunur á pílukösturum í ár eða fyrra, hefur orðið algjör sprenging í ástundun íþróttarinnar? Mér finnst aðalmunurinn að það eru fleiri efnilegir og góðir spilarar að stíga upp. Afrekshópurinn er samt mjög svipaður og ekki mikið um ný andlit þar. Ég er nátturulega partur af þessum "nýju" pílukösturum sem hóf að stunda þetta fyrir stuttu síðan og kannski finn ekki eins fyrir þessari sprengingu sem orðið hefur. En tölurnar tala sínu máli og mikill fjöldi er alltaf skráður í öll mót sem haldin eru. Það er ekki mikil aukning milli 2023 og 2022 en aukningin er mikil ef litið er 5 ár aftur í tímann.
Hvað tekur nú við? Bara áframhaldandi æfingar og keppni í mótum. Það er yfirleitt allavega eitt mót á vegum íslenska Pílusambandsins í hverjum mánuði og reyni ég að taka þátt í þeim. Svo er starfið hjá Pílukastfélagi Skagafjarðar að fara í gang eftir sumarið og er ég á fullu í undirbúningi og skipulagningu þar ásamt fleirum.
Það má svo í lokin geta þess að tveir liðsmenn Pílukastfélags Skagafjarðar, þeir Jón Oddur Hjálmtýsson og Júlíus Helgi Bjarnason, kepptu í 301 tvímenningi á móti í Grindavík í gær – mekka pílunnar á Íslandi. Þeir gerðu sér lítið fyrir of höfnuðu í 3.-4. sæti á mótinu.
Fleiri fréttir
-
Undirbúningur að uppsetningu á nýstárleg gróðurstöð í Miðfirði í fullum gangi
feykir.is Vestur-Húnavatnssýsla 05.05.2024 kl. 10.29Fulltrúar frá Skógarplöntum ehf. ásamt Magnúsi Barðdal verkefnastjóra frá SSNV vinna nú að uppsetningu á nýstárlegri gróðurstöð til framleiðslu á skógarplöntum í Miðfirði í Húnaþingi vestra. Sagt er frá því á FB síðu SSNV að í tengslum við verkefnið hafi hópurinn farið til Svíþjóðar og Hollands á dögunum til að kynna sér aðrar sambærilegar gróðurstöðvar og skoða búnað frá framleiðendum. Verkefnið hefur verið í undirbúningi í um tvö ár og standa vonir til að framkvæmdir hefjist á árinu.Meira -
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira -
Nýframkvæmdir fyrir einn og hálfan milljarð á árinu
feykir.is Skagafjörður, Mannlíf, Lokað efni 04.05.2024 kl. 13.55Feykir sendi Sigfúsi Inga Sigfússyni, sveitarstjóra Skagafjarðar, spurningar þar sem forvitnast er um nokkur helstu verkefni sveitarfélagsins og mál sem verið hafa í umræðunni, eins og byggingu menningarhúss á Sauðárkróki og íþróttahús við Grunnskólann austan Vatna. „Verkefnin eru mörg og margvísleg en framkvæmdir eru eitthvað sem flestir hafa áhuga á,“ segir Sigfús Ingi þegar hann er spurður út í helstu verkefni ársins hjá Skagafirði...Meira -
Aþena nældi í sigur þrátt fyrir magnaða endurkomu Stólastúlkna
feykir.is Skagafjörður, Íþróttir 04.05.2024 kl. 12.33„Við erum staðráðnar í að svara fyrir okkur á þriðjudaginn og ég skora á alla Tindastólsmenn að mæta í Síkið og fylkja sér að baki okkar og aðstoða okkur við að vinna þann leik svo við getum farið í hreinan úrslitaleik eftir það,“ sagði Helgi þjálfari Margeirs eftir grátlega naumt tap gegn liði Aþenu í Breiðholtinu í gærkvöldi. Eftir magnaða endurkomu Stólastúlkna þar sem þær unnu upp níu stiga mun á 85 sekúndum undir lok leiksins þá var það Sianni Martin sem gerði sigurkörfu Aþenu með erfiðu skoti sem hún setti í. Lokatölur 80-78.Meira -
Minnisvarði um örlög séra Odds og Solveigar afhjúpaður
feykir.is Skagafjörður, Listir og menning 04.05.2024 kl. 11.42Frá því Agnar Gunnarsson flutti í Miklabæ í Blönduhlíð fyrir tæplega fjörtíu árum hafa honum verið hugleikin hin dapurlegu örlög sr. Odds og Solveigar. Agnar segir söguna af þeim hafa á sér þjóðsagnablæ, sem hefur lifað allt frá síðari hluta 18.aldar. Agnari langaði að minningu þeirra yrði haldið á lofti inn í komandi tíma og hefur af því tilefni látið gera minnisvarða sem vígður var við hátíðlega athöfn laugardaginn 27. apríl.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.