Flottur sigur hjá fótboltastelpunum
Það er talsverð eftirvænting fyrir komandi knattspyrnusumri hjá kvennaliði Tindastóls í fótboltanum en þær munu taka þátt í Inkasso-deildinni í sumar. Líkt og strákarnir þá taka stelpurnar nú þátt í Lengjubikarnum, leika þar í riðli 1 í C-deild kvenna, og þær gerðu sér lítið fyrir og sigruðu sameinað lið Aftureldingar/Fram í sínum fyrsta leik í gær. Lokatölur 1-3.
Leikið var á gervigrasi á Varmárvelli í Mosfellsbæ. Það var Guðrún Jenný Ágústsdóttir sem gerði fyrsta mark leiksins á 32. mínútu og hún bætti síðan við marki á markamínútunni og staðan 0-2 í hálfleik. María Dögg Jóhannesdóttir gerði síðan þriðja mark Tindastóls þegar um stundarfjórðungur var til leiksloka. Hafrún Halldórsdóttir setti smá spennu í leikinn með því að minnka muninn fjórum mínútum síðar en fleiri urðu mörkin ekki.
Lið Tindastól spilar tvo leiki hér heima í Lengjubikarnum en alls spilar liðið fjóra leiki í riðlinum. Næsti leikur er einmitt á Króknum en hann verður spilarður 31. mars.
Skallagrímur - Tindastóll 2-1
Daginn áður mættu strákarnir 3. deildar liði Skallagríms í Akraneshöllinni í þriðja leik sínum í Lengjubikarnum. Ekki reyndist það ferð til fjár en Borgnesingar gerðu sér lítið fyrir og lögðu Konna-lausa Tindastólsmenn 2-1.
Elvar Óli Marinósson stóð í marki Tindastóls í fjarveru Ástralans sem var fjarri góðu gamni að þessu sinni. Sigurjón Guðmundsson kom Sköllunum yfir eftir um stundarfjórðung og staðan 1-0 í hálfleik. Jón Grétar Guðmundsson varð fyrir því óláni að skora í eigið mark á 65. mínútu en það var síðan Jónas Aron Ólafsson sem lagfærði stöðuna fyrir Stólana með marki í uppbótartíma. Lið Tindastóls var ekki á spari-takka-skónum að þessu og áttu ekki mikið skilið úr leiknum.
Næsti leikur Tindastóls verður á gervigrasinu á Króknum 23. mars en þá mæta grannar okkar úr Fjallabyggð til leiks.
Fleiri fréttir
-
Blanda og Svartá til leigu frá og með sumrinu 2025
feykir.is Austur-Húnavatnssýsla 07.05.2024 kl. 19.52Húnahornið greinir frá því að laxveiðiárnar Blanda og Svartá hafi verið auglýstar til leigu frá og með sumrinu 2025. Einkahlutafélagið Starir er með vatnasvæðið á leigu í dag en núgildandi leigusamningur rennur út í haust. Því óskar Veiðifélag Blöndu og Svartár eftir tilboðum í leigu eða umboðssölu á öllum veiðirétti félagsins í laxveiðiánum frá og með sumrinu 2025 til og með 2029 með almennu útboði.Meira -
Sr. Guðrún Karls Helgudóttir næsti biskup Íslands
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 07.05.2024 kl. 15.15Nú liggur það ljóst fyrir hver verður biskup Íslands eftir síðari umferð biskupskosninganna lauk á hádegi í dag 7. maí og hlaut Sr. Guðrún Karls Helgudóttir flest atkvæði 1060 eða 52,19%. Sr. Guðmundur Karl Brynjarsson fékk 954 atkvæði eða 46,97%.Meira -
Katrín heimsækir Norðurland vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 07.05.2024 kl. 14.40Fyrstu kappræður þeirra tólf frambjóðenda sem stefna á Bessastaði fóru fram í Sjónvarpinu sl. föstudag og vöktu talsverða athygli og gott áhorf. Nú eru tæpar fjórar vikur til kjördags og því eru forsetaefnin komin á fulla ferð í eltingaleiknum um atkvæði kjósenda. Katrín Jakobsdóttir er mætt til leiks og er á ferð um landið en næstu tvo daga verður hún á Norðurlandi vestra; fundar á Blönduósi og Sauðárkróki miðvikudaginn 8. maí og á Hvammstanga degi síðar.Meira -
Hryllingsbúðin fer alveg að opna
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 07.05.2024 kl. 14.13Nú er útlit fyrir að að Litla hryllingsbúðin fari að opna. Stefnt er að frumsýningu föstudaginn 10. maí. Sýningin sem átti að fara fram miðvikudaginn 8. maí fellur hinsvegar niður.Meira -
Hópslysaæfing við Blönduós á laugardaginn
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 07.05.2024 kl. 11.37Nú laugardaginn 11. maí verður haldin stór hópslysaæfing í umdæmi lögreglustjórans á Norðurlandi vestra. Fram kemur í tilkynningu á FB-síðu LNV að vettvangur æfingarinnar/slyssins verður ofan Blönduóss eða á gatnamótum Ennisbrautar og Neðribyggðarvegar. Af þeim sökum verður Ennisbraut lokuð við Mýrarbraut og Þverárfjallsveg frá kl.11:00 og fram eftir degi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.