Framfarir hjá Stólastúlkum en tap gegn ÍR staðreynd
Tindastóll og ÍR mættust í Síkinu í gær í 1. deild kvenna í körfubolta. ÍR hafði fyrir skömmu síðan unnið Stólastúlkur með næstum því helmingsmun en nú mætti lið Tindastóls ákveðið til leiks og þrátt fyrir að í liðið vantaði bæði Marín Lind og Ingu Sólveigu þá varð leikurinn hörkuspennandi. Eftir að hafa verið yfir í hálfleik þá varð þriðji leikhlutinn heimastúlkum að falli að þessu sinni og ÍR fór heim með stigin tvö. Lokatölur 53-69.
Lið ÍR fór betur af stað í leiknum og komst í 2-6 en þá kom flottur 14-2 kafli hjá Stólastúlkum sem voru síðan yfir að loknum fyrsta leihluta, 18-11. Breiðhyltingar komu ákveðnir til leiks i öðrum leikhluta og þær héldu aftur af liði Tindastóls í vörninni. ÍR gerði fyrstu tíu stig leikhlutans en það voru næstum liðnar sex mínútur þegar Telma Ösp gerði fyrstu stig Tindastóls í fjórðungnum og í framhaldinu komust heimastúlkur á ný inn í leikinn, víti frá Evu Wium og karfa frá Berglindi sáu til þess að Tindastólsliðið var með tveggja stiga forystu í hálfleik. Staðan 27-25.
Svo kom annar slæmur kafli og nú áttu Stólastúlkur engin svör við leik ÍR sem vann þriðja leikhluta 9-27 og þrátt fyrir hörkubaráttu í fjórða leikhluta þá tókst liði Tindastóls ekki að brúa bilið. Niðurstaðan 16 stiga tap en engu að síður mikil framför frá fyrri leiknum. Eva Wium var stigahæst í liði Tindastóls með 23 stig en þær Eva Rún og Linda Þórdís, sem var að spila sinn síðasta leik að sinni, gerðu átta stig. Linda tók sjö fráköst líkt og Karen Lind sem gerði sex stig líkt og Telma Ösp.
„Við sýndum hvað við getum í fyrri hálfleik“
Feykir spurði Árna Eggert, þjálfara Tindastóls, hvað honum fannst um leikinn „Þetta var hörkuleikur og við sýndum hvað við getum í fyrri hálfleik þar sem við vorum að yfirspila þær án þess að vera að spila okkar besta leik. Svo misstum við kraftinn aðeins niður í þriðja leikhluta og misstum sjónar á skyttunum þeirra. Þær bjuggu þarna til forskot sem við náðum ekki að vinna niður þegar við náðum okkur aftur á strik,“ sagði Árni. „Við spiluðum við þær fyrir mánuði síðan og sá leikur var hreinlega vandræðalegur fyrir okkur. Það var hinsvegar allt annað í gangi núna og meirihluta leiksins fannst mér við vera betra liðið á vellinum. Nú er bara að halda áfram að vaxa.“
Feykir spurði Árna einnig út í leikmannamál og sagði hann að bæði Marín og Inga hefðu verið í prófi og misstu af leiknum þess vegna. „Linda ákvað að framlengja dvöl sína hjá okkur og óþarfi að tala um hvað það styrkir liðið að fá svona reynslubolta inn. Hún er hinsvegar að fara út á mánudaginn og þetta því hennar seinasti leikur með okkur í bili.“
Næsti leikur Tindastóls er í Njarðvík næstkomandi laugardag.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.