Fyrsta tap Stólastúlkna síðan í október
Keppni í 1. deild kvenna í körfunni harðnar enn og baráttan á toppnum stefnir í eitthvað sögulegt. Í kvöld lék lið Tindastóls við Ármann í Laugardalshöllinni en liðin eru bæði í bullandi séns með sæti í Subway-deildinni næsta haust. Stólastúlkur höfðu ekki tapað leik í deildinni síðan 15. október en í kvöld reyndust heimastúlkur sterkari á lokakaflanum og hirtu stigin sem í boði voru. Lokatölur 71-64.
Gestirnir að norðan fóru vel af stað og gerðu níu fyrstu stig leiksins. Lið Ármanns er með öflugan mannskap og hafa daðrað við sæti í efstu deild síðustu vetur og þær komu snöggt til baka, jöfnuðu 12-12 og voru síðan yfir, 22-16, að loknum fyrsta leikhluta. Þær héldu frumkvæðinu framan af öðrum leikhluta en Kasapi minnkaði muninn í eitt stig þegar rúmar þrjár mínútur voru til hálfleiks og Eva Rún jafnaði metin, 35-35, með sjaldgæfum þristi. Staðan 39-37 í hálfleik.
Okoro kom liði Tindastóls yfir um miðjan þriðja leikhluta, 45-46, hún bætti svo við einu stigi af vítalínunni og Birna skellti í þrist og staðan 45-50. Síðan var bara stál í stál út leikhlutann en Elfa Falsdóttir átti síðasta orðið, þrist, og lið Ármanns með eins stigs forystu fyrir lokahnikkinn, staðan 55-54. Byrjun fjórða leikhluta lofaði góðu fyrir gestina, Emese gerði fjögur stig og Okoro tvö, staðan 55-60 og tæpar átta mínútur til leiksloka. Þá sögðu stúlkur Ármanns – hingað og ekki lengra – og eftir þetta gerðu Stólastúlkur aðeins fjögur stig á meðan andstæðingurinn gerði 16.
Helsti munurinn á liðunum var að heimastúlkur tóku 48 fráköst gegn 40 og settu heldur fleiri þrista niður þó hittni beggja liða hafi verið slök utan þeirrar töfralínu. Stólastúlkur gerðu þrjár 3ja stiga körfur í 25 tilraunum en heimaliðið sjö í 29 tilraunum. Okoro var stigahæst með 21 stig í liði Tindastóls og hún hirti níu fráköst, Emese Vida gerði 14 stig og tók 12 fráköst, Kasapi var með 13 stig, Birna Líf níu og Eva fimm stig.
KR og Ármann eru nú efst í 1. deildinni með 16 stig að loknum ellefu leikjum en Aþena og Tindastóll eru bæði með 14 stig en hafa spilað leik minna. Það er því allt í klessu á toppnum!
Fleiri fréttir
-
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira -
Nýframkvæmdir fyrir einn og hálfan milljarð á árinu
feykir.is Skagafjörður, Mannlíf, Lokað efni 04.05.2024 kl. 13.55Feykir sendi Sigfúsi Inga Sigfússyni, sveitarstjóra Skagafjarðar, spurningar þar sem forvitnast er um nokkur helstu verkefni sveitarfélagsins og mál sem verið hafa í umræðunni, eins og byggingu menningarhúss á Sauðárkróki og íþróttahús við Grunnskólann austan Vatna. „Verkefnin eru mörg og margvísleg en framkvæmdir eru eitthvað sem flestir hafa áhuga á,“ segir Sigfús Ingi þegar hann er spurður út í helstu verkefni ársins hjá Skagafirði...Meira -
Aþena nældi í sigur þrátt fyrir magnaða endurkomu Stólastúlkna
feykir.is Skagafjörður, Íþróttir 04.05.2024 kl. 12.33„Við erum staðráðnar í að svara fyrir okkur á þriðjudaginn og ég skora á alla Tindastólsmenn að mæta í Síkið og fylkja sér að baki okkar og aðstoða okkur við að vinna þann leik svo við getum farið í hreinan úrslitaleik eftir það,“ sagði Helgi þjálfari Margeirs eftir grátlega naumt tap gegn liði Aþenu í Breiðholtinu í gærkvöldi. Eftir magnaða endurkomu Stólastúlkna þar sem þær unnu upp níu stiga mun á 85 sekúndum undir lok leiksins þá var það Sianni Martin sem gerði sigurkörfu Aþenu með erfiðu skoti sem hún setti í. Lokatölur 80-78.Meira -
Minnisvarði um örlög séra Odds og Solveigar afhjúpaður
feykir.is Skagafjörður, Listir og menning 04.05.2024 kl. 11.42Frá því Agnar Gunnarsson flutti í Miklabæ í Blönduhlíð fyrir tæplega fjörtíu árum hafa honum verið hugleikin hin dapurlegu örlög sr. Odds og Solveigar. Agnar segir söguna af þeim hafa á sér þjóðsagnablæ, sem hefur lifað allt frá síðari hluta 18.aldar. Agnari langaði að minningu þeirra yrði haldið á lofti inn í komandi tíma og hefur af því tilefni látið gera minnisvarða sem vígður var við hátíðlega athöfn laugardaginn 27. apríl.Meira -
,,Ég finn alltaf eitthvað fallegt þar sem mér langar til að gera,,
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.05.2024 kl. 09.12Kristín Lind Sigmundsdóttir er 24 ára gömul og er búsett á Króknum ásamt kærastanum sínum honum Hauki Ingva og litlu stelpunni þeirra Kötlu Daðey. Kristín Lind vinnur á Heilbrigðisstofnun Norðurlands vestra og er að klára sjúkraliðanám.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.