Glötuð byrjun reyndist Stólastúlkum dýrkeypt
Það mátti reikna með spennuleik þegar Stólastúlkur heimsóttu Hveragerði þar sem sameinað lið Hamars/Þórs beið eftir þeim. Leikurinn var mikilvægur báðum liðum, fyrir Tindastólsliðið í spennunni á toppnum en með sigri hefðu heimastúlkur náð að blanda sér í toppbaráttuna. Afleit byrjun í leiknum þýddi að Stólastúlkur voru allan leikinn að grafa sig upp úr þeirri holu en þrátt fyrir það voru þær hársbreidd frá því að ná í sigur. Tap þó staðreynd, lokatölur 80-76.
Það var nú ekki ljóst í hvað stefndi á fyrstu mínútunum. Heimastúlkur höfðu þó yfirhöndina frá byrjun og voru yfir 9-6 að loknum tveimur og hálfri mínútu. Þá kom hins vegar 16-0 kafli og heimastúlkur leiddu 30-8 að loknum fyrsta leikhluta. Það gekk hægt að brúa bilið í öðrum leikhluta og lið Hamars/Þórs var þá yfir, 45-29.
Hart var barist í þriðja leikhluta en að honum loknum munaði tíu stigum, staðan 61-51 og tíu stiga munur sagði manni að það væri von. Stólastúlkur minnkuðu muninn í sex stig fyrir miðjan fjórða leikhluta en heimastúlkur svöruðu og voru yfir 74-61 þegar tæpar þrjár mínútur voru til leiksloka. Gestirnir gáfust ekki upp og minnkuðu muninn í fjögur stig, 74-70, heimastúlkur bættu tveimur stigum á töfluna en Emese Vida skellti í þrist og minnkaði bilið í þrjú stig. Thomas setti eitt víti fyrir H/Þ en Klara Sólveig minnkaði muninn í eitt stig með þristi og 22 sekúndur voru eftir. Óíþóttamannsleg villa sem Okoro fékk á sig skömmu síðar reyndir vendipunktur og heimastúlkur fögnuðu sigri.
Emese Vida átti frábæran leik fyrir Stólastúlkur, gerði 29 stig og hirti 20 fráköst en hún gerði þrjár 3ja stiga körfur í þremur tilraunum. Okoro var með 22 stig en aðrar minna. Lið Tindastóls er nú í fjórða sæti 1. deildar með 16 stig en þrjú lið eru efst og jöfn með 18 stig. Ef stelpurnar ætla sér upp í Subway-deildina þá má ekki misstíga sig oft á lokakafla mótsins.
Fleiri fréttir
-
Frumsýningu á Litlu hryllingsbúðinni frestað
feykir.is Skagafjörður, Listir og menning 28.04.2024 kl. 19.02Það var mikil eftirvænting eftir frumsýningu Leikfélags Sauðárkróks á Litlu hryllingsbúðinni í leikstjórn Valgeirs Skagfjörð. Frumsýna átti að hefjast kl. 20 í kvöld en eins og alltaf getur gerst þá komu upp veikindi í leikarahópnum og því hefur þurft að fresta sýningu. Samkvæmt upplýsingum Feykis verður staðan tekin að nýju á þriðjudag og þá kemur í ljós hvort hægt verið að frumsýna á miðvikudag.Meira -
Dreymdi um að vera Tico Torres / VALUR FREYR
feykir.is Vestur-Húnavatnssýsla, Tón-Lystin 28.04.2024 kl. 13.01Það er bara þannig að nýi slökkviliðsstjórinn á Hvammstanga er Hvanndalsbróðir. Við erum sem sagt að tala um Val Frey Halldórsson (árgangur 1974) trommara og söngvara. Hann gengst við því að vera hreinræktaður Akureyringur. „Alinn upp á Brekkunni og síðar Þorpari, stundum KA maður en lang oftast Þórsari. Heimasætan í Lækjarhvammi dró mig á hvítum skóm í sveitina – er enn í hvítum skóm.“ Nú býr Valur á Hvammstanga.Meira -
Ostapasta og hvítlauksbrauð
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 28.04.2024 kl. 13.00Matgæðingar vikunnar í tbl 23, 2023, voru þau Saga Sjöfn Ragnarsdóttir og Sigurður Birkir Gunnarsson. Þau eru bæði fædd á Sauðárkróki og búa þar með dætrum sínum, Bríeti Sunnu (4 ára) og Heklu Björt (1 ½ árs) ásamt kettinum T-800. Saga flutti með mömmu sinni, Evu Árna, til Vestmannaeyja árið 2000 en kom aftur á Krókinn 2007 og hefur sama og ekkert yfirgefið bæinn síðan. Siggi, sem hefur alltaf búið á Króknum að frátöldum tveim vetrum í háskólanum fyrir sunnan, bauð skvís í partý og hafa þau eytt flestum sínum dögum saman síðan 2013.Meira -
Níu stigu á svið á Open Mic kvöldi Leikfélags Blönduóss
feykir.is Austur-Húnavatnssýsla, Listir og menning, Mannlíf 28.04.2024 kl. 10.35Að kvöldi sumardagsins fyrsta stóð Leikfélag Blönduóss fyrir viðburði í fallega leikhúsinu sínu í Félagsheimilinu á Blönduósi. Þar var um að ræða svokallað Open Mic og var öllum velkomið að taka þátt; flytja ljóð, segja skemmtilega sögu, syngja lag, fara með einræðu eða upplestur fyrir framan áhorfendur. Feykir spurði Eva Guðbjartsdóttur, forynju LB, aðeins út í viðburðinn.Meira -
Ágæt frammistaða en engin stig til Stólastúlkna
feykir.is Skagafjörður, Íþróttir 27.04.2024 kl. 19.03Breiðablik og Tindastóll mættust í dag á Kópavogsvelli í Bestu deild kvenna í knattspyrnu. Blikar unnu góðan sigur í fyrstu umferð á meðan Stólastúlkur máttu sætta sig við svekkjandi tap fyrir FH í leik þar sem þær áttu meira skilið. Eins og reikna mátti með í dag voru heimastúlkur talsvert sterkari í leiknum, fengu mörg færi til að skora en lið Tindastóls fékk sömuleiðis góð færi en fór illa að ráði sínu. Lokatölur urðu 3-0 fyrir Breiðablik og lið Tindastóls því án stiga og marka að loknum tveimur leikjum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.