Góður árangur á Norðurlandamóti í Álaborg
Um síðustu helgi tóku fjórir keppendur frá Skotfélaginu Markviss þátt fyrir hönd Íslands á Norðurlandamóti í haglagreininni Norrænt Trapp (Nordisk Trap) sem fram fór á skotsvæði eins skotfélaganna í Álaborg (Aalborg flugtskydningsforening). Er þetta í fyrsta skipti sem Íslendingum er boðið að taka þátt í þessu móti en auk íslands mættu Færeyingar einnig til keppni, ásamt Norðmönnum, Svíum og Dönum.
Um er að ræða árlegt mót sem hingað til hefur verið keppni milli Danmerkur, Svíþjóðar og Noregs, en Nordisk trap er stærsta haglagreinin í Skandinavíu. Sem dæmi má taka þá halda Norðmenn fjögur úrtökumót til að velja sína 25 keppendur úr rúmlega 400 keppendahópi.
Keppt er í karla, kvenna og unglingaflokkum, auk V50 (50-60 ára) og V60 (60 ára og eldri). Keppendur að þessu sinni voru 90 talsins. Keppendur Íslands í þessari frumraun voru Guðmann Jónasson, Snjólaug M.Jónsdóttir (liðstjóri), Elyass Kristinn Bouanba og Haraldur Holti Líndal, en þeir tveir síðastnefndu kepptu í unglingaflokki. Aðstæður og öll umgjörð var til fyrirmyndar hjá frændum vorum Dönum.
Árangur íslensku keppendanna var framar björtustu vonum en unglingarnir tvíbættu Íslandsmet í sínum flokki, Elyass Kristinn skaut 108 dúfur og bætti Íslandsmet Haraldar Holtasem sett var hér á Blönduósi í sumar um eina dúfu. Haraldur sem var í seinni riðli skaut svo 123 dúfur og náði metinu á nýjan leik. Guðmann skaut 130 dúfur sem er þriðja hæsta skor sem Íslendingur hefur náð í greininni hingað til og Snjólaug endaði á fínu skori eða120 dúfum sem er aðeins 5 dúfum frá hennar besta skori.
Uppgangur Nordisk Trap íþróttarinnar hjá Skotfélaginu Markviss undanfarin ár hefur ekki farið framhjá nágrannaþjóðum okkar og lýstu margir keppendur yfir miklum áhuga á að sækja okkur heim á komandi árum, hvort sem væri til æfinga eða keppni hér á skotsvæði Markviss.
Umfjöllun frá Markviss, af huni.is
Fleiri fréttir
-
Allt frá sumarkaffi í Árskóla til súpermanna á hestbaki í Sæluvikunni
feykir.is Skagafjörður, Ljósmyndavefur, Listir og menning 05.05.2024 kl. 15.28Sæluvikunni lýkur í dag þó svo enn eigi eftir að frumsýna Sæluvikustykki Leikfélags Sauðárkróks af ástæðum sem ættu nú að vera flestum kunnar. Einn stærsti viðburður Sælunnar var í gærkvöldi en þá fór Tekið til kostanna fram í Svaðastaðahöllinni þar sem frábær hross og knapar létu ljós sín skína.Meira -
Keppt í tölti og flugskeiði á lokamóti Meistaradeildar KS
feykir.is Skagafjörður, Íþróttir, Hestar 05.05.2024 kl. 14.30Lokamót Meistaradeildar KS í hestaíþróttum var haldið sl. föstudagskvöld í boði Fóðurblöndunnar. Á þessu síðasta keppniskvöld deildarinnar var keppt í tölti og skeiði en kvöldið hófst á forkeppni í Tölti T1. Það voru þeir félagar, villiköttur Hrímnis-Hestkletts, Páll Bragi Hólmarsson og Vísir frá Kagaðarhóli, sem stóðu uppi sem sigurvegarar í tölti með einkunnina 8.83. Agnar Þór Magnússon og Stirnir frá Laugavöllum reyndust fremstir í flokk í flugskeiðinu.Meira -
Undirbúningur að uppsetningu á nýstárlegri gróðurstöð í Miðfirði í fullum gangi
feykir.is Vestur-Húnavatnssýsla 05.05.2024 kl. 10.29Fulltrúar frá Skógarplöntum ehf. ásamt Magnúsi Barðdal verkefnastjóra frá SSNV vinna nú að uppsetningu á nýstárlegri gróðurstöð til framleiðslu á skógarplöntum í Miðfirði í Húnaþingi vestra. Sagt er frá því á FB síðu SSNV að í tengslum við verkefnið hafi hópurinn farið til Svíþjóðar og Hollands á dögunum til að kynna sér aðrar sambærilegar gróðurstöðvar og skoða búnað frá framleiðendum. Verkefnið hefur verið í undirbúningi í um tvö ár og standa vonir til að framkvæmdir hefjist á árinu.Meira -
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira -
Nýframkvæmdir fyrir einn og hálfan milljarð á árinu
feykir.is Skagafjörður, Mannlíf, Lokað efni 04.05.2024 kl. 13.55Feykir sendi Sigfúsi Inga Sigfússyni, sveitarstjóra Skagafjarðar, spurningar þar sem forvitnast er um nokkur helstu verkefni sveitarfélagsins og mál sem verið hafa í umræðunni, eins og byggingu menningarhúss á Sauðárkróki og íþróttahús við Grunnskólann austan Vatna. „Verkefnin eru mörg og margvísleg en framkvæmdir eru eitthvað sem flestir hafa áhuga á,“ segir Sigfús Ingi þegar hann er spurður út í helstu verkefni ársins hjá Skagafirði...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.