Guðjón Baldur og Inga Jóna unnu í Borgarnesi
Skagfirðingamótið í golfi fór fram í Borgarnesi um síðustu helgi. Hátt í 80 kylfingar, jafnt sunnan sem norðan heiðar, mættu til leiks í blíðskaparveðri. Um punktakeppni er að ræða og flesta punkta í karlaflokki fékk Guðjón Baldur Gunnarsson (Gunna bakara og Sólrúnar Steindórs), eða 39 stykki, og fremst í kvennaflokki varð Fljótakonan Inga Jóna Stefánsdóttir með 34 punkta. Guðjón fór glæsilegan Hamarsvöllinn einnig á fæstum höggum, 73, eða tveimur yfir pari vallarins.
Skagfirðingamótið fagnaði 20 ára afmæli að þessu sinni og var hið glæsilegasta. Fyrsta mótið var haldið á Nesvelli á Seltjarnarnesi árið 1998. Síðan þá hefur verið leikið á nokkrum völlum sunnan heiðar, en í Borgarnesi hefur mótið verið haldið mörg undanfarin ár. Ekki stendur til að breyta því, enda aðstaðan við Hótel Hamar með því besta sem þekkist hér á landi. Hefur laugardagurinn 24. ágúst 2019 þegar verið bókaður af mótsnefnd.
Í næstu sætum í karlaflokki komu Kristinn Viðar Sveinbjörnsson (systursonur Gunna P), Garðar Jóhannsson (tengdasonur Ragga Marteins og fv. atvinnumaður í knattspyrnu),og séra Hjálmar Jónsson, sem hefur verið sjóðheitur í golfinu í sumar. Unnið fjögur mót, hreppt silfur í einu og farið holu í höggi, öðru sinni á tíu ára ferli. Geri aðrir betur!
Í kvennaflokki röðuðu GSS-konur af Hlíðarenda sér í næstu sæti á eftir Ingu Jónu, sem er í GR. Sólborg Björg Hermundsdóttir varð í öðru sæti, Ingileif Oddsdóttir, rektor FNV, í þriðja sæti, Ingibjörg Ólöf Guðjónsdóttir Ingimundar í fjórða sæti og systir Sólborgar, Dagbjört Rós Hermundsdóttir, varð í fimmta sæti.
Að vanda voru veitt ýmis aukaverðlaun, bæði í karla- og kvennaflokki. Næst holu á 2. braut voru Guðrún Björg Guðmundsdóttir og Haffi Begga. Haffi var einnig næstur holu á 8. braut, og Ella Sigga hjá konunum. Á 6. braut voru Ingileif rektor og Hallgrímur Rögnvaldsson næst holunni. Arndís Berndsen og Raggi Marteins fengu nándarverðlaun á 12. braut og á 18. braut voru Ingibjörg Stefánsdóttir Árnasonar og Sæi Steingríms næst holu.
Lengsta upphafshögg kvenna á 1. braut átti Sólborg Hermunds og Halldór Heiðar Halldórs og Ólu sló lengst meðal karla.
Einnig fékk punktahæsta parið sérstök verðlaun, þau Imba Guðjóns og Bjössi, en þar var keppnin hnífjöfn og þurfti að kalla til fremstu talnaspekinga Borgarfjarðar til að finna fremsta parið.
Mótsnefndin vill koma á framfæri þökkum til keppenda fyrir að mæta og sérstakar þakkir fá þeir fjölmörgu styrktaraðilar sem lögðu til verðlaun.
/Fréttatilkynning
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.