ÍR liðið áfram taplaust eftir öruggan sigur á Stólastúlkum
ÍR átti ekki í vandræðum með Stólastúlkur þegar liðin mættust í Seljaskóla í gær. Fyrir leikinn var lið Breiðhyltinga taplaust í efsta sæti 1. deildarinnar og þær bættu sjöunda sigrinum við en úrslitin réðust í öðrum leikhluta þegar þær mokuðu yfir gestina og unnu leikhlutann 21-2. Lokatölur leiksins voru hins vegar 66-38.
Tindastólsliðið gerði vel í fyrsta leikhluta, hélt í við sterkt lið ÍR og komst meira að segja yfir, 9-11, með körfu frá Marínu Lind þegar rúmar sjö mínútur voru liðnar. Staðan var þó 14-13 að fyrsta leikhlutanum loknum en þá tók við erfiður annar leikhluti þar sem Stólastúlkur komust ekki á blað fyrr en eftir átta og hálfa mínútu en þá gerði Inga Sólveig einu körfu sína í leiknum og kom í veg fyrir að Stólastúlkur skoruðu enga körfu í leikhlutanum. Staðan því 35-15 í hálfleik.
Heimastúlkur voru áfram sterkari aðilinn í síðari hálfleik án þess þó að valta eitthvað yfir gestina. Þriðja leikhluta vann ÍR 17-11 og fjórði leikhluti endaði með þekktum tölum úr íþróttasögu Íslands, 14-2.
Báðir þjálfarar nýttu alla leikmenn á skýrslu sem er jákvætt og liðin tóku jafn mörg fráköst í leiknum en bæði lið leika án erlends leikmanns. Fjórar stúlkur í liði ÍR gerðu tíu stig eða meira í leiknum en enginn leikmanna Tindastóls komst yfir tíu stig. Stigahæst í liði Tindastóls var Marín Lind með níu stig en næstar komu Eva Rún og Eva Wium með átta stig hvor en Eva Wium tók að auki sjö fráköst en Eva Rún sex. Karen Lind hirti sjö fráköst. Lið Tindastóls tók 22 3ja stiga skot en setti aðeins tvö niður á meðan heimastúlkur tóku 19 3ja stiga skot og hittu úr sjö.
Þann 19. febrúar spila Stólastúlkur við lið Ármanns á útivelli en stúlkurnar hans Ármanns hafa unnið einn leik af sex. Síðan er heimaleikur gegn liði Fjölnis b þann 27. febrúar. Kannski verður þá leyfilegt að hafa einhverja áhorfendur í Síkinu.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.