Ísak Óli Íslandsmeistari í grindahlaupi
Meistaramót Íslands í frjálsum íþróttum fór fram á Laugardalsvellinum í Reykjavík helgina 13.-14. júlí þar sem besta frjálsíþróttafólk landsins, um 200 talsins, keppti um 37 Íslandsmeistaratitla. Átta Skagfirðingar kepptu fyrir hönd UMSS á mótinu. Meðal þeirra voru tveir af Íslandsmeisturum síðasta árs, þeir Jóhann Björn Sigurbjörnsson í 100 m og 200 m hlaupum og Ísak Óli Traustason í 110 m grindahlaupi.
Ísak Óli Traustason varð Íslandsmeistari í 110 m grindahlaupi þar sem hann hljóp á 15,14 sek. Ísak vann einnig til silfurverðlauna bæði í stangarstökki þar sem hann stökk 4,20 m sem er persónulegt met og í langstökki með stökk upp á 6,81 m.
Jóhann Björn Sigurbjörnsson varð í 3. sæti í 200 m hlaupi en tímataka þar mistókst. Þá náði hann næstbesta tímanum í undanrásum 100 m hlaups, 10,95 sek, en brá því miður of fljótt við í úrslitahlaupinu og var dæmdur úr leik. Sveit UMSS í 4x100m boðhlaupi karla var einnig dæmd úr leik.
Stefanía Hermannsdóttir keppti í spjótkasti þar sem hún lenti í 4. sæti, kastaði 31,89 m sem er hennar besti árangur til þessa. Rúnar Ingi Stefánsson varð í 4. sæti í spjótkasti, kastaði 40,15 m, Ragna Vigdís Vésteinsdóttir varð í 6. sæti í kúluvarpi, kastaði 9,98 m og Andrea Maya Chirikadzi keppti í kúluvarpi þar sem hún bætti árangur sinn með kasti upp á 9,69 m.
Alls tóku 15 lið þátt í mótinu og var ÍR sigurvegari mótsins með 76 stig. Fyrstu sex sætin röðuðust þannig:
1. sæti - ÍR með 76 stig.
2. sæti - FH með 72 stig.
3. sæti – Breiðablik með 27 stig.
4. sæti - KFA með 10 stig.
5. sæti - HSK/Selfoss með 10 stig.
6. sæti - UMSS með 8 stig.
Öll úrslit mótsins má sjá HÉR.
Á morgun mun Frjálsíþróttaráð UMSS og Kraftlyftingafélag Akureyrar - frjálsar, senda sameiginlegt lið á Bikarkeppni FRÍ utanhúss í ár. Bikarkeppni er keppni milli liða og í ár er keppt í eftirfarandi greinum:
Karlar: 100 m hlaup, 400 m hlaup, 1500 m hlaup, 110 m grindahlaup, 1000 m boðhlaup, hástökk, þrístökk, kringlukast og spjótkast.
Konur: 100 m hlaup, 400 m hlaup, 1500 m hlaup, 100 m grindahlaup, 1000 m boðhlaup, langstökk, stangarstökk, kúluvarp og sleggjukast.
Átta lið keppa í ár; Breiðablik, FH-A, FH-B, Fjölelding (Fjölnir - Afturelding), HSK, ÍR-A, ÍR-B og UMSS/KFA. Það lið sem hlýtur flest stig hlýtur sæmdarheitið Bikarmeistari í frjálsíþróttum.
Skráðir keppendur og varamenn frá UMSS eru þau; Andrea Maya Chirikadzi, Aníta Ýr Atladóttir, Daníel Þórarinsson, Guðmundur Smári Guðmundsson, Ísak Óli Traustason, Jóhann Björn Sigurbjörnsson, Ragna Vigdís Vésteinsdóttir, Rúnar Ingi Stefánsson, Stefanía Hermannsdóttir og Sveinbjörn Óli Svavarsson.
Fleiri fréttir
-
Varmahlíðarskóli áfram í úrslit Skólahreysti 2025
feykir.is Skagafjörður, Íþróttir 13.05.2025 kl. 10.35Varmahlíðarskóli tók á dögunum þátt í undankeppni Skólahreysti í riðli 1 á Akureyri. Liðið lenti í 2. sæti riðilsins með jafnmörg stig og sigurvegarar Grunnskóla Húnaþings vestra.Meira -
Bongóblíða um helgina
feykir.is Skagafjörður, Austur-Húnavatnssýsla, Vestur-Húnavatnssýsla 13.05.2025 kl. 10.03Verðurspáin næstu daga er frétt, það þarf nefnilega ekki alltaf bara að skrifa þegar það eru gular viðvaranir. Kannski má samt segja að það sé gul viðvörun í þessari frétt því næstu dagar líta svo sannarlega vel út og samkvæmt spánni verður mjög gott veður um helgina og hægt að segja að það verði bongóblíða um allt land. Hlýindi, birta og lítill vindur.Meira -
Menningarauðlind ferðaþjónustunnar
feykir.is Skagafjörður, Austur-Húnavatnssýsla, Vestur-Húnavatnssýsla 13.05.2025 kl. 09.45Á vef SSNV er verið að minna á spennandi dagskrá ráðstefnunnar Menningarauðlind ferðaþjónustunnar sem sameinar skapandi hugsun og stefnumótandi umræðu sem fram fer í Hofi á Akureyri á morgun 14. maí. Þar sem rýnt verður í framtíð menningar, ferðaþjónustu og stefnumótun. Ekki er lengur laust sæti í sal en hægt er að skrá sig og vera með í streymi HÉRMeira -
Búið að opna fyrir skráningar á námskeiðin á Prjónagleðinni
feykir.is Skagafjörður, Austur-Húnavatnssýsla, Vestur-Húnavatnssýsla 13.05.2025 kl. 08.55Það styttist í Prjónagleðina sem haldin verður í Húnabyggð helgina 30. maí - 1. júní og nú er loksins búið að opna fyrir skráningar á námskeiðin sem verða í boði. Í tilkynningunni frá skipuleggjendum segir að allir ættu að finna eitthvað við sitt hæfi. Námskeiðin fara að mestu leyti fram í Húnaskóla þetta árið en þó eru námskeið sem haldin eru í Kvennaskólanum og Textíl Labinu.Meira -
Beint streymi úr æðarvarpi frá Hrauni á Skaga
feykir.is Skagafjörður 13.05.2025 kl. 07.25Það er eitt og annað sem vekur áhuga fólks fyrir framan skjáinn. Á dögunum var sagt frá því a Svíar fylgjast af áhuga með hreindýrum vaða ár á leið sinni milli svæða í Svíaríki. Gísli Einars var frumkvöðull í þessu svokallaða Slow TV og leyfði þjóðinni að fylgjast með sauðburði hjá Atla og Klöru á Syðri-Hofdölum fyrir fáeinum árum. Nú geta áhugasamir fylgst með beinu streymi úr æðarvarpi á Hrauni á Skaga.Meira
