Ísak Óli varð Íslandsmeistari í sjöþraut í dag
Á síðu Frjálsíþróttasambands Íslands segir frá því að Ísak Óli Traustason, UMSS, hafi sigrað í sjöþrautarkeppninni á Meistaramóti Íslands í fjölþrautum sem lauk í Laugardalshölinni í dag. Ísak Óli, sem kjörinn var Íþróttamaður Skagafjarðar í þriðja sinn nú um áramótin, átti frábæra þraut og hlaut 5355 stig sem færði honum gullið en var einnig persónuleg bæting.
„Hann sigraði sex af sjö greinum og var með stórkostlega bætingu í kúluvarpi. Hann var við sitt besta í öllum greinum nema í hástökki en hástökkið hefur litið vel út á síðustu æfingum og verður gaman þegar það smellur hjá honum,“ segir í frétt á FRÍ.is.
ÍR-ingurinn Benjamín Jóhann Johnsen varð annar í keppninni en hann hlaut 4174 stig og sigur Ísaks Óla því augljóslega öruggur.
Ísak Óli hljóp 60 metrana á 7,07 (858 stig), hann sveif 6,91m í langstökki (792 stig), kastaði kúlunni 14,14m (737 stig), fór 1,76m í hástökki (593 stig), hljóp 60m grind á 8,37 sek (891 stig), stökk 4,30m í stangarstökki (702 stig) og hljóp loks 1000m á 2:48,41 mín (782 stig).
Glæsilegt mót hjá Skagfirðingnum og óskar Feykir honum til hamingju með árangurinn.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.