Lið KR fór illa með Stólastúlkur í þriðja leikhluta
Kvennalið Tindastóls í körfunni heimsótti lið KR á Meistaravelli í gærkvöldi í 1. deildinni. Leikurinn fór ágætlega af stað og lið Tindastóls tveimur stigum yfir að loknum fyrri hálfleik. Heimastúlkur bitu hinsvegar duglega frá sér í þriðja leikhluta og náðu góðri forystu fyrir lokafjórðunginn. Stólastúlkur sýndu karakter og náðu að klóra í bakkann en lokatölur voru 80-71 fyrir KR.
Maddie Sutton var atkvæðamest Stólastúlkna með 24 stig og 17 fráköst en í liði KR stóð Hulda Ósk Bergsteinsdóttir upp úr með 27 stig og fimm fráköst.
Feykir hafði samband við Jan Bezica, þjálfara Tindastóls, og spurði hvað hvað honum hefði fundist um leikinn. „Mér fannst við byrja leikinn vel og spila vel í fyrri hálfleik. Í þriðja leikhluta byrjuðum við ágætlega, gerðum sjö stig á þremur mínútum en lentum svo í vandræðum með varnarleik KR – ekkert dæmt.
Hvað varstu helst ánægður með í leiknum? „Þegar ég lít til baka þá fannst mér við spila vel í fyrri hálfleik og í lokafjórðungnum, við gáfumst ekki upp, jafnvel ekki eftir að Ksenju var vísað úr húsi. Ég var mjög ánægður með að við skildum vinna frákastabaráttuna og að við sýndum karakter og spiluðum allt til enda – við gáfumst ekki upp. Ég er mjög ánægður með að yngri stelpurnar; Anna Karen, Rebekka Hólm og Klara Sólveig eru að nota sínar mínútur á vellinum vel, rétt eins og allar hinar stelpurnar. En við höldum áfram að bæta okkur og leggja mikla vinnu á okkur sem mun skila sér í því að við mætum með meira sjálfstraust til leiks.
Aftur var þriðji leikhluti slakur; er það bara tilvijun eða er þetta eitthvað sem hægt er að laga? „Byrjun síðari hálfleiks, eða eigum við að segja þriðji leikhluti, var ekki góður hvað varðar að skora en við fengum opin skot sem við eigum að setja niður. Við munum verða betri og við munum vinna í að laga þetta,“ segir Jan Bezica.
Enga tölfræði frá leiknum var að finna á vef KKÍ sem er miður þegar spilað er á Meistaravöllum.
Fleiri fréttir
-
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira -
Það verður hasar í Síkinu í kvöld
feykir.is Skagafjörður, Íþróttir 18.04.2024 kl. 11.29Það er stórleikur í Síkinu í kvöld því þá fer fram fjórði leikurinn í einvígi Tindastóls og Snæfells í baráttunni um sæti í efstu deild. Stólastúlkur standa vel að vígi, eiga heimaleikinn í kvöld þar sem liðið getur tryggt sér 3-1 sigur í einvíginu. Það væri því vel við hæfi að sýna liðinu alvöru stuðning og fjölmenna í Síkið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.