Meistarar Vals reyndust Stólastúlkum sterkari
Ekkt tókst liði Tindastóls í Bestu deild kvenna í knattspyrnu að fylgja eftir tveimur flottum sigrum með því að leggja Íslandsmeistara Vals á Hlíðarenda í gær og reyndar að öllum líkindum ekki margir sem reiknuðu með því. Yfirleitt hefur liðið mátt þola stóra skelli gegn Valsliðinu en í gær náðu stelpurnar okkar að gera meira vesen fyrir Val en oftast áður. Við vorum meira að segja með forystuna í rétt tæpan hálftíma en á endanum voru gæði meistaranna augljós og þær unnu sanngjarnan 3-1 sigur.
Það voru fínar aðstæður á Hlíðarenda og veðrið fínt. Líkt og reikna mátti með var heimaliðið meira með boltann en lið Tindastóls gerði ágætlega þegar það vann boltann og reyndi að spila honum. Fyrsta mark leiksins var þó af gamla skólanum; María Dögg tók aukaspyrnu rétt utan vítateigs Stólanna, sendi langan fram á vallarhelming Vals þar sem Jordyn nikkaði boltann aftur fyrir sig, Hugrún náði boltanum, lagði hann fyrir sig og átti frábært skot frá hægra vítateigshorninu. Boltinn sveit í laglegum boga, yfir landsliðsmarkvörðinn og rétt undir þverslána. Frábært mark. Með smá heppni hefðu Stólastúlkur getað tvöfaldað forystuna, fékk til þess nokkur færi og það besta sennilega skalli frá Jordyn sem setti boltann hárfínt yfir af markteig. Það var síðan á 38. mínútu og þeirri 40. sem Fanndís Friðriksdóttir gerði tvö laglegt mörk fyrir Val og staðan 2-1 í hálfleik.
Eftir þriggja mínútna leik í síðari hálfleik skallaði Guðrún Björgvinsdóttir boltann í net Tindastóls og þá voru úrslitin ráðin. Saga Ísey, sem kom inn á í hálfleik fyrir Laufeyju, átti lúmskt skot á 64. mínútu sem Fanney varði vel en nær komust gestirnir ekki og Valskonur í raun nær því að bæta við.
Ágætis leikur Tindastóls en lið Vals er gríðarlega vel skipað og líkt og haft var eftir Donna að leik loknum þá er stundum lítið annað hægt en að dást að og læra af mótherjanum. Hann sagði fyrir leikinn að lið Tindastóls væri mætt til leiks til að gera óskunda eða í það minnsta vera með vesen og sannarlega gáfu Stólastúlkur meisturunum leik og þá sérstaklega í fyrri hálfleik.
Stólastúlkur voru án Gabbie Johnson og Löru Margréti í gær en í byrjunarliðið voru komnar Aldís María og Hugrún sem skoraði þetta fína mark. Það var síðan ánægjulegt að sjá að Kristrún María var komin á bekkinn eftir erfið meiðsli og Krista Sól var komin heim úr háskólaboltanum í USA og fékk hún að spreyta sig síðustu mínúturnar.
Fleiri fréttir
-
Valdís Ósk Óladóttir ráðin í starf ráðgjafa í barnavernd hjá Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 13.07Á vef Skagafjarðar segir að Valdís Ósk Óladóttir hefur verið ráðin í starf ráðgjafa í barnavernd á fjölskyldusviði hjá sveitarfélaginu Skagafirði. Valdís er með BSc. gráðu í viðskiptalögfræði frá Háskólanum á Bifröst og ML gráðu í lögfræði frá Háskólanum í Reykjavík. Valdís Ósk hefur góða þekkingu á barnaverndarlögunum og skrifaði meistaraprófsritgerð sína um réttindi barna og þvingunarúrræði skv. barnaverndarlögum. Samhliða námi sínu hefur Valdís Ósk starfað hjá Barna- og fjölskyldustofu og á meðferðarheimilinu Krýsuvík og öðlast þar reynslu í ráðgjöf og vinnslu barnaverndarmála.Meira -
Forvarnaráætlun fyrir leik/grunn og framhaldsskóla á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.44Félags- og skólaþjónusta Austur-Húnvetninga fékk styrk upp á fjórar milljónir frá Sprotasjóði Rannís í maí 2023 til að vinna að forvarnaráætlun fyrir börn á leik/grunn og framhaldsskólaaldri. Markmið verkefnisins var að búa til sameiginlega forvarnaáætlun fyrir Norðurland vestra til fjögurra ára sem stuðla myndi að farsæld og forvörnum allra barna á svæðinu. Forvarnir eru til alls fyrst og er áætlunin öllum aðgengileg á heimasíðum sveitarfélaganna á Norðurlandi vestra.Meira -
Frítt inn á Byggðasafn Húnvetninga og Strandamanna sunnudaginn 28. júlí
feykir.is Skagafjörður, Austur-Húnavatnssýsla, Vestur-Húnavatnssýsla 26.07.2024 kl. 11.11Í tilefni af hátíðinni Eldur í Húnaþingi sem haldin er þessa dagana verður frítt inn á Byggðasafn Húnvetninga og Strandamanna sunnudaginn 28. júlí. Safnið er opið milli kl. 9-17 og er staðsett á Reykjum í Hrútafirði í Húnaþingi vestra, tæpum kílómeter frá þjóðvegi eitt og leggur safnið áherslu á líf og störf fólks og síðari hluta 19. aldar og byrjun þeirrar 20.Meira -
Andri Már stígur á stokk í Mexíkó
feykir.is Skagafjörður, Listir og menning, Mannlíf 26.07.2024 kl. 10.32Feykir hefur aðeins fylgst með ævintýrum Andra Más Sigurðssonar / Joe Dubious á mexíkanskri grundu. Andra kannast margir við sem tónlistarmann og hann var eftirminnilega í framlínu hljómsveitarinnar dáðu, Contalgen Funeral, sem margir sakna. Andri flutti til Mexíkó árið 2019 og bjó í þorpinu La Erre í Guajajuato-fylki síðast þegar Feykir tók á honum púlsinn. Í fyrra sögðum við frá því að Andri væri farinn að láta á sér kræla í tónlistinni í Mexíkó og nú spilaði hann á virtri menningarstofnun, El Museo de la Independencia en Dolores Hidalgo – hvorki meira né minna!Meira -
Sigtryggur og Þórir boðaðir til æfinga fyrir undankeppni Eurobasket 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 26.07.2024 kl. 10.29Karlalandsliðið Íslands í körfuknattleik verður við æfingar núna síðustu daga júlí mánaðar. Æfingarnar er liður í undirbúningi fyrir síðustu leikina í undankeppni EuroBasket 2025 sem verða spilaðir í nóvember og febrúar. Tveir leikmenn Tindastóls voru boðaðir til æfinga, þeir Sigtryggur Arnar Björnsson og Þórir Þorbjarnarson.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.