Meistari meistaranna
Nú verður hitað upp fyrir veturinn með körfuboltaveislu í Síkinu, sunnudaginn 24.september, þegar Íslandsmeistararnir í Tindastól bjóða bikarmeistarana í Val í heimsókn og spila um titilinn Meistari meistaranna. Dómarar verða væntanlega mættir með nýja samninga uppá vasann til að blása í flautur 19:15. Hamborgararnir, Tindastólsvarningurinn og árskortin verða til sölu á staðnum.
Vonandi verða allir leikmenn komnir í skó og tilbúnir á parketið, það er ennþá aðeins spurning með þann allra nýjasta, Stephen Domingo. Leikurinn verður sýndur á Stöð 2 Sport, en það þarf enginn að velta því fyrir sér sem á heimangengt í Síkið.
Það er stanslaust stuð framundan því í dag klukkan 17:30-19:00 er Tindastólsdagur körfuknattleiksdeildarinnar þar sem fram fer kynning á meistarflokkum kvenna og karla. Búningamátun fyrir iðkendur, stingerkeppni, þrautabraut, 3x3 útsláttarkeppni og að sjálfsögðu árskortasala.
Ef þið hélduð að þetta væri allt þá er ekki svo því á laugardaginn 23.september klukkan 21:00 verður stuðningamannakvöld körfuknattleiksdeildarinnar haldið á Kaffi Krók. Þar mæta þeir Pavel Ermolinskij, þjálfari meistaraflokks karla, og Helgi Freyr Margeirsson, þjálfari meistaraflokks kvenna, og fara yfir plan vetrarins. Pubquiz, uppboð, árskortasala og að sjálfsögðu stuð og almenn gleði. Svo er hægt að gera bara ráð fyrir að okkar kona, Sigríður Inga, verði ekki langt undan með varninginn. Það þarf ekki að taka fram við stuðningsmenn Tindastóls að fjölmenna á þessa viðburði, því þið að sjálfsögðu mætið!
Fleiri fréttir
-
Styttist vonandi í frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 14.15Það hefur sennilega ekki farið framhjá mörgum að Leikfélag Sauðárkróks þurfti að fresta frumsýningu vegna veikina í leikhópnum. Fjölmargir voru þegar búnir að kaupa sér miða á sýninguna og ljóst að Litla hryllingsbúðin verður sýnd það er bara ekki alveg komið á hreint hvenær.Meira -
Atkvæðagreiðsla utan kjörfundar vegna forsetakjörs 1. júní 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 03.05.2024 kl. 13.45Í tilkynningu frá Sýslumanninum á Norðurlandi vestra eru hér upplýsingar um utankjörfundaratkvæðagreiðsla vegna forsetakjörs þann 1. júní 2024 er hafin.Meira -
F. Jónsson stækka trésmíðaverkstæði sitt um ríflega helming
feykir.is Skagafjörður 03.05.2024 kl. 13.32Talsvert hefur verið byggt af iðnaðarhúsnæði á Sauðárkróki nú í vetur og þar á meðal má nefna að F. Jónsson byggingaverktakar hafa verið að stækka við sig. Friðrik Þór Ólafsson, starfsmaður F. Jónsson, segir að með byggingunni sé verið að rúmlega tvöfalda stærð aðstöðu þeirra en við eldra húsnæðið bætast nú 800 m2. „Innan þessarar nýbyggingar eru aðallega geymslur fyrir ýmisleg tengt okkar stafsemi en þar að auki er gert ráð fyrir vélskemmu og nýrri skrifstofu og aðstöðu starfmanna,“ segir Friðrik.Meira -
Tvöfaldur skammtur af Stólastúlkum í kvöld
feykir.is Skagafjörður, Íþróttir 03.05.2024 kl. 13.22Stuðningsfólk Tindastóls gæti lent í smá veseni í kvöld þegar ákveða þarf hvar skal koma sínum Stólarassi fyrir á höfuðborgarsvæðinu. Ástæðan er sú að Stólastúlkur verða bæði í eldlínunni í Bestu deild kvenna í knattspyrnu á Samsung-vellinum í Garðabæ en í Austurbergi í Breiðholti Reykjavíkur spila körfuboltastelpurnar þriðja leikinn í einvígi sínu við lið Aþenu um sæti í Subway-deildinni.Meira -
Tólf í framboði til embættis forseta Íslands
feykir.is Skagafjörður, Austur-Húnavatnssýsla, Vestur-Húnavatnssýsla 03.05.2024 kl. 09.14Tólf verða í framboði til forseta Íslands í kosningunum 1. júní næstkomandi en þá ræðst hver verður sjöundi forseti lýðveldisins. Landskjörstjórn fór yfir öll framboð sem bárust og úrskurðað um gildi þeirra. Tvö framboð voru úrskurðuð ógild en Viktor Traustason kærði úrskurðinn og fékk tækifæri til að lagfæra undirskriftalistann sinn sem hann og gerði. Fyrsti sjónvarpsfundur frambjóðanda í Sjónvarpi allra landsmanna verður í kvöld og hefst kl. 19:40.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.