Pavel segir einvígið við Keflavík kalla á sterka liðsheild
Úrslitakeppnin í körfunni hófst í gærkvöldi með tveimur leikjum. Njarðvíkingar unnu nauman sigur á ólíkindatólum Grindvíkinga og Stjörnumenn komu á óvart og lögðu Valsmenn að Hlíðarenda. Í kvöld mætast síðan Haukar og Þór Þorlákshöfn og það sem mestu skiptir; Keflavík og Tindastóll. Feykir lagði nokkrar spurningar fyrir Pavel Ermolinski, þjálfara Tindastóls.
Hvernig leggjast leikir gegn liði Keflavíkur í þig, hvers megum við vænta? „Þetta verða hörkuleikir. Keflavík hefur verið eitt besta lið deildarinnar í mörg ár núna. Það er mikil hefð þarna og alltaf gaman að mæta þeim.“
Ertu ánægður með lið Tindastóls eftir síðustu leiki? „Liðið okkar er á góðum stað. Ég finn fyrir sjálfstrausti hjá strákunum með bæði sjálfa sig og það sem við erum að gera. Það er fyrir öllu. Það mega ekki vera neinar efasemdir á þessum tímapunkti. Svo mætum við bara með það okkar og berum það á borð.“
Hverjir eru styrkleikar Keflavíkur og hvað þurfa Stólarnir að varast? „Keflavík er með stóran hóp af góðum leikmönnum. Þessi sería kallar á að liðsheildin sé sterk. Verðum að mæta þeim sem lið en ekki einstaklingar.“
Er eitthvað sem hefur komið þér á óvart frá því að þú tókst við liði Tindastóls í janúar? „Það er fátt sem hefur komið mér á óvart. Ég hafði mjög skýra sýn á hvað þetta lið væri. Það kom mér eignilega mest á óvart hvað það kom mér lítið á óvart. Ég hlakka til að upplifa úrslitakeppni Tindastólsmegin. Við lofum í það minnsta að leggja okkur alla fram og fáum vonandi það sama frá stuðningsfólkinu,“ segir Pavel að lokum.
Leikurinn í Keflavík hefst kl. 20:15 og rúta fer frá Króknum kl. 13:00 á morgun fyrir áhugasama. Það þarfekki að efast um að Grettismenn og félagar þeirra muni fjölmenna í Blue-höllina en þeir sem ekki eiga heimangegnt geta horft á leikinn á Stöð2Sport.
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.