Penninn á lofti hjá körfuknattleiksdeild Tindastóls. Tess áfram í Síkinu og fleiri heimastúlkur
Körfuknattleiksdeild Tindastóls hefur samið við fjóra leikmenn til viðbótar hjá meistaraflokki kvenna sem munu spila með liðinu á næsta tímabili.
Í síðustu viku kom inn fréttatilkynning hjá Kkd. Tindastóls um að 4 aðrar stúlkur höfðu skrifað undir nýjan samning. 10 aðrir leikmenn höfðu skrifað undir nýjan samning hjá Tindastól fyrr í maí mánuði og spiluðu þær allar fyrir Stólana á síðustu leiktíð.
Í þessum hóp eru þrjár heimastúlkur þær Hildur Heba Einarsdóttir, Eva Rún Dagsdóttir og Erna Rut Kristjánsdóttir. Síðan hefur hún Tessondra Williams einnig tekið ákvörðun um að koma aftur og taka annað ár með Tindastól. Tessondra Williams var valin besti erlendi leikmaðurinn í 1 deild kvenna á lokahófi KKÍ á síðustu leiktíð. Hún var að skila 29,6 stigum, 8,8 fráköstum og 3,8 stoðsendingum í meðaltali í leik á síðasta tímabili.
Tindastóll endaði í 6.sæti í 1. deild kvenna á síðasta tímabili og verður gaman að sjá stelpurnar etja kappi á næsta tímabili.
/EÍG
Fleiri fréttir
-
Þegar fyrsti leikur fer í gang er sumarið komið!
feykir.is Skagafjörður, Íþróttir 20.04.2024 kl. 14.37Það kemur sjálfsagt engum á óvart sem þekkir Bryndísi Rut Haraldsdóttur, fyrirliða kvennaliðs Tindastóls í Bestu deildinni í knattspyrnu, að sumarið leggst alveg rosalega vel í hana. „Ég er orðin mjög spennt að byrja tímabilið eftir langan vetur og held að þetta verði alveg ótrúlega gaman – eins og þetta er nú alltaf!“ segir hún hress og jákvæð. Feykir lagði nokkrar spurningar fyrir fyrirliðann en fyrsti leikur Stólastúlkna í Bestu deildinni er á morgun, sunnudag kl. 16, og er frítt á völlinn í boði Uppsteypu.Meira -
Skemmtileg stund og sérlega þjóðleg
feykir.is Austur-Húnavatnssýsla, Ljósmyndavefur, Listir og menning, Mannlíf 20.04.2024 kl. 13.10Laugardaginn 6. apríl sl. var boðað til mikillar og þjóðlegrar menningarveislu í gamla fjósinu í Bólstaðarhlíð í Húnavatnssýslu þar sem fram fór viðburðurinn Hrossakjöt og kvæðaraus. Undirritaður var gestur þeirra hjóna, og ferðaþjónustubænda, Freyju Ólafsdóttur og Einars Kolbeinssonar og í stuttu máli sagt var þetta einstaklega skemmtileg stund og sérlega þjóðleg.Meira -
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.