Stjörnustúlkur höfðu betur gegn liði Tindastóls
Stólastúlkur spiluðu í Umhyggjuhöllinni í Garðabæ í dag í fimmtánda leik sínum í 1. deild kvenna. Heimastúlkur í Stjörnunni hafa á að skipa sterku liði og tróna á toppi deildarinnar með þrettán sigurleiki og aðeins eitt tap. Lið Tindastóls hefur aðeins unnið tvo leiki í vetur en er að reyna að ná að koma fótunum undir sig. Leikurinn í dag var sveiflukenndur en aðeins tveimur stigum munaði í hálfleik. Heimastúlkur byggðu upp forskot í þriðja leikhluta og unnu að lokum sigur, 86-72.
Lið Stjörnunnar hafði forystuna í fyrsta leikhluta, leiddu 11-4 þegar tæpar sex mínútur voru liðnar og voru yfir, 20-9, þegar annar leikhluti hófst. Þá létu gestirnir finna fyrir sér og sýndu góðan leik. Jayla kom Stólastúlkum yfir, 22-23, þegar tæpar þrjár mínútur voru liðnar en um miðjan leikhlutann náðu okkar stúlkur 11-0 kafla og breyttu stöðunni úr 28-25 í 28-36 en þá voru þrjár mínútur fram að hléi. Þann tíma nýtti lið Stjörnunnar vel og gerði tíu stig í röð og leiddu því í hálfleik, staðan 36-38.
Jayla hóf síðari hálfleik vel fyrir Tindastól, jafnaði leikinn 40-40 og Eva Rún kom sínu liði yfir með tveimur vítum en í kjölfarið náði lið Stjörnunnar sterkum kafla og höfðu náð tólf stiga forystu þegar leikhlutinn var hálfnaður. Þetta bil gekk Stólastúlkum illa að minnka en staðan að loknum þriðja leikhluta var 69-55. Um miðjan fjórða leikhluta náðu gestirnir smá áhlaupi og Emma Katrín minnkaði muninn í sjö stig þegar fjórar mínútur voru til leiksloka. Stuttu síðar náði lið Stjörnunnar 9-0 kafla og gerði þar með út um leikinn.
Jayla Johnson var stigahæst í liði Tindastóls með 36 stig en mestu framlagi skilaði Emese en hún gerði 13 stig og tók 24 fráköst. Eva Rún gerði síðan níu stig en hún tók sjö fráköst og átti sex stoðsendingar. Tvær ungar og efnilegar stúlkur í liði Stjörnunnar drógu vagninn fyrir Garðbæinga; Diljá Ögn Lárusdóttir var með 35 stig og Vestfirðingurinn Kolbrún Ármannsdóttir 27 stig og níu fráköst en hún er aðeins 15 ára.
Lið Tindastóls rústaði Stjörnunni í fráköstum, hirtu 61 frákast á meðan heimastúlkur tóku 41. Lið Tindastóls hitti betur innan 3ja stiga línunnar en ógnin var lítil sem engin utan hennar. Liðið tók aðeins 12 3ja stiga skot og hitti tveimur á meðan Stjarnan setti niður átta í 35 tilraunum sem er reyndar ekkert til að hrópa húrra yfir. Tvær 3ja stiga körfur skila hins vegar aðeins sex stigum á töfluna en átta stykki 24 stigum. Heimastúlkur tóku síðan 30 víti en lið Tindastóls 16.
Þá voru Stólastúlkur – ótrúlegt og getur varla verið satt – með 32 tapaða bolta en lið Stjörnunnar níu.
Næst eiga stelpurnar heimaleik 1. febrúar en þá kemur lið KR í heimsókn sem er um miðja deild. Þá væri nú gaman að taka tvö stig. Áfram Tindastóll!
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.