Súrt tap suður með sjó
Stólastúlkur léku við sameinað lið Hamars/Þórs í Icelandic Glacial höllinni í Þorlákshöfn í gærkvöldi og þurftu sigur til að auka möguleika sína á sæti í úrslitakeppni 1. deildar kvenna. Heimastúlkur þurftu sömuleiðis sigur og því útlit fyrir hörkuleik. Sú varð raunin og sérstaklega var síðari hálfleikurinn jafn og spennandi. Síðustu fjórar mínútur leiksins urðu hins vegar Stólastúlkum að falli því þá skoruðu þær ekki eitt einasta stig og lið H/Þ vann leikinn 71-60.
Jafnræði var með liðunum í fyrri hálfleik en körfur frá Fanneyju Maríu og Marín Lind færðu liði Tindastóls sjö stiga forystu í hálfleik, staðan 28-35. Heimastúlkur höfðu jafnað leikinn, 40-40, um miðjan þriðja leikhluta og við tóku mínútur þar sem allt var stál í stál. Eva Wium setti niður þrist undir lok leikhlutans, staðan 49-51, en Ása Lind lagaði stöðuna með því að setja niður eitt víti. Staðan 50-51 þegar lokakaflinn hófst.
Lið Tindastóls var skrefinu á undan framan af fjórða leikhluta en Hrafnhildur kom liði H/Þ yfir, 58-57, þegar rúmar fimm mínútur voru liðnar. Eva Wium svaraði með þriggja stiga skoti og lið Tindastóls yfir þegar fjórar og hálf mínúta var til leiksloka. Við tók tveggja mínútna kafli þar sem liðin gátu hreinlega ekki skorað. Stólastúlkur klikkuðu á skotum og misstu boltann ítrekað en það voru heimastúlkur sem vöknuðu úr dvalanum og settu tvo þrista á skömmum tíma. Þrautaganga Tindastóls hélt áfram allt til leiksloka og það var lið Hamars / Þórs sem vann lokakaflan 13-0 og þar með leikinn.
Svekkjandi úrslit svo ekki sé meira sagt en lið Tindastóls er nú í 4.-6. sæti deildarinnar með átta stig líkt og lið Hamars/Þórs og Stjörnunnar. Marín Lind var atkvæðamest í liði Tindastóls með 21 stig og fimm fráköst, Eva Wium var með 15 stig og sex fráköst og þá var Eva Rún með 11 stig og átta fráköst. Fanney María gerði sex stig á rúmum ellefu mínútu og hitti úr öllum sínum skotum. Í liði heimastúlkna var Fallyn Elizabeth Ann Stephens stigahæst með36 stig og hún hirti einnig 11 fráköst.
Næsti leikur Tindastóls er hér heima á laugardaginn þegar sterkt lið Njarðvíkur kemur í heimsókn.
Fleiri fréttir
-
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.