Tap gegn Íslandsmeisturum Blika
Kvennalið Tindastóls í fótboltanum mætti Íslandsmeisturum Breiðabliks í Lengjubikarnum í hádeginu í gær en spilað var í Kópavogi. Það kom svo sem ekki á óvart að meistaraliðið var töluvert sterkara liðið í leiknum en eftir erfiða byrjun í leiknum náðu Stólastúlkur áttum og vörðust ágætlega í síðari hálfleik. Lokatölur voru 4-1 fyrir Breiðablik.
Mörk frá Áslaugu Mundu, Öglu Maríu og Hildi Þóru á fyrsta hálftímanum gerðu í raun út um leikinn en staðan var 3-0 í hálfleik. Agla María bætti við fjórða marki Blika á 68. mínútu en í uppbótartíma minnkaði Mur bilið eftir að Kristjana Sigurz hafði fengið að líta rauða spjaldið stuttu áður.
Að mati Guðna Þórs Einarssonar, annars þjálfara Tindastóls, var lið Tindastóls pínu stressað til að byrja með og gaf meisturunum full mikinn tíma á boltanum. „Við drógumst full neðarlega á völlinn og áttum í erfiðleikum með að halda boltanum innan liðsins, sérstaklega í fyrri hálfleik Mér fannst annar bragur á síðari hálfleiknum og við mættum af meiri krafti og um leið vörðumst mun betur. Stelpurnar fengu meira sjálfstraust og réðu betur við hraðann í leiknum. Ég er bara nokkuð sáttur við leikinn. Við erum að fara spila leiki á töluvert hærra tempói og mér finnst liðið vera að þróast í rétta átt að því. Við stóðum vel í Íslandsmeisturum Blika í seinni hálfleik og það tökum við með okkur í næsta leik gegn Fylki.
Aðspurður um ástandið á hópnum sagði Guðni að Laufey hefði verið fjarverandi vegna veikinda, Aldís að glíma við smávægileg meiðsli og Jenný að ná sér eftir höfuðhögg. „Við erum að vinna í að styrkja hópinn okkar fyrir sumarið. Krista er að koma aftur eftir meiðsli og ungu stelpurnar, Magnea, Marsilia og Magga hafa átt flottar innkomur,“ sagði Guðni.
Leikurinn var sýndur í beinni á Stöð2Sport. Þegar blm. Feykis settist niður til að horfa á leikinn í endursýningu í gærkvöldi þá kom í ljós að það hafði klippst aftan af leiknum og mark Tindastóls því ekki sjáanlegt. Bömmer.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.