Tap gegn Njarðvík
Þessi frétt verður eflaust ekki lesin af neinum þar sem fyrirsögnin segir allt sem enginn vildi heyra eða sjá eftir gærkvöldið en staðan er því miður þannig að Tindastóll tapaði gegn Njarðvík í furðulegum leik þar sem nokkir dómar voru vafasamir. Þar sem ég er ekki vön að lasta einn né neinn segi ég ekki meir og við leyfum sögusögnum bæjarins bara að fljóta því þær hafa í þessu tilviki sannleiksgildi.
Tölfræði leiksins segir að Drungilas hafi verið með 21 stig, Lawson var með 13 stig, Woods með 12 stig, Geks með átta stig, Tóti með sex stig, Ragnar með fimm stig og Pétur með þrjú stig. Sigtryggur Arnar skoraði ekki eina körfu í þessum leik þrátt fyrir nokkrar tilraunir en fyrir þennan leik var hann búinn að skora þriggja stiga körfu í öllum sínum leikjum síðan sautjánhundruð og súrkál og setti nýtt met fyrir nokkrum leikjum síðan. Þeir sem horfðu á leikinn urðu vitni af því að hann fór út af með svaka skurð eftir nokkrar mínútur en kom samt aftur inn á í seinni hálfleik en náði sér því miður aldrei á strik.
Staðan í deildinni er sú að við erum í 7. sæti en nokkur lið eiga leik á okkur og er líklegt að við föllum eitthvað niður þegar þessi lið hafa spilað sína leiki.
Næsti leikur hjá strákunum er á móti Haukum á Ásvöllum þann 7. mars kl. 19:15.
Fleiri fréttir
-
Ágæt frammistaða en engin stig til Stólastúlkna
feykir.is Skagafjörður, Íþróttir 27.04.2024 kl. 19.03Breiðablik og Tindastóll mættust í dag á Kópavogsvelli í Bestu deild kvenna í knattspyrnu. Blikar unnu góðan sigur í fyrstu umferð á meðan Stólastúlkur máttu sætta sig við svekkjandi tap fyrir FH í leik þar sem þær áttu meira skilið. Eins og reikna mátti með í dag voru heimastúlkur talsvert sterkari í leiknum, fengu mörg færi til að skora en lið Tindastóls fékk sömuleiðis góð færi en fór illa að ráði sínu. Lokatölur urðu 3-0 fyrir Breiðablik og lið Tindastóls því án stiga og marka að loknum tveimur leikjum.Meira -
Lið Aþenu gerði Stólastúlkum grikk
feykir.is Skagafjörður, Íþróttir 27.04.2024 kl. 15.31Einvígi Aþenu og Tindastóls um sæti í Subway-deild kvenna næsta haust hófst í Austurbergi í Breiðholti í gærkvöldi. Lið Tindastóls hafði lagt Subway-deildar lið Snæfells að velli og Aþenu-stúlkur lið KR í undanúrslitum og því búist við spennandi einvígi. Niðurstaðan varð hinsvegar leiðinlega stór sigur Aþenu því eftir ágæta byrjun gestanna tók Breiðholtsliðið öll völd, var 15 stigum yfir í hálfleik og svo versnaði bara vont. Lokatölur 80-45 og ljóst að Stólastúlkur þurfa að sýna annað andlit í Síkinu á mánudaginn.Meira -
Sæluvikan sett á sunnudag í Safnahúsi Skagfirðinga
feykir.is Skagafjörður, Listir og menning 27.04.2024 kl. 15.10Sæluvika Skagfirðinga hefst formlega í Safnahúsinu á Sauðárkróki sunnudaginn 28. apríl kl. 13:00. Á heimasíðu Sæluvikunnar segir að kaffi og terta verði í boði fyrir gesti og því ekki vit í öðru en að skella sér í skárri fötin og mæta í hátíðarskapi í Safnahúsið þar sem við sama tækifæri verður opnuð ljósmyndasýning með myndum úr safni Stefáns Pedersen.Meira -
Munum Stóra plokkdaginn
feykir.is Skagafjörður, Mannlíf 27.04.2024 kl. 13.34Stóri plokkdagurinn er nú á morgun, sunnudaginn 28. apríl, en hann var fyrst haldinn árið 2018. Um er að ræða flott samfélagsverkefni þar sem allir geta látið gott af sér leiða með því að fegra og hreinsa umhverfið í kringum sig.Meira -
Leikstjórinn fullur tilhlökkunar fyrir frumsýningu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 27.04.2024 kl. 13.00Sunnudaginn 28.apríl nk. frumsýnir Leikfélag Sauðárkróks Litlu hryllingsbúðina. „Sívinsælt verk sem sem fólk þreytist seint á að koma í leikhús til að upplifa,“ segir Valgeir Skagfjörð sem leikstýrir verkinu. Feykir heyrði hljóðið í leikstjóranum sem er sagðist vera sultuslakur fyrir frumsýningunni og fullur tilhlökkunar að leyfa áhorfendum að njóta sýningarinnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.