Tap í síðasta leik vetrarins hjá Stólastúlkum
Lið Tindastóls sótti Þórs-stúlkur heim í Höllina á Akureyri í gær í síðasta leik liðsins í 1. deild kvenna þennan veturinn. Stólastúlkur höfðu tapað fyrri tveimur leikjum liðanna í vetur en báðir voru þeir jafnir og spennandi en í gær náði lið Þórs upp mikilli baráttu og tóku völdin snemma leiks. Á enda hömpuðu þær 28 stiga sigri, lokatölur 86-58, og náðu því þrennunni gegn nýliðum Tindastóls í vetur.
Tindastóll hafði unnið útileik gegn Njarðvík fyrir viku og vildu enda tímabilið sterkt og þær fóru vel af stað, komust í 2-7 með körfum frá Tess og Marín Lind. Næstu þrettán stig voru hins vegar Þórsara og þær tóku völdin á vellinum. Marín minnkaði muninn skömmu fyrir lok fyrsta leikhluta með þristi, 19-14, þannig að Stólastúlkur voru ekki alveg á því að gefast upp. Hart var barist í upphafi annars leikhluta og aftur setti Marín þrist og staðan 23-17. Næstu fjórar mínútur gerðu liðin ekki stig en síðustu mínútur annars leikhluta voru Þórsarar sterkari og staðan í hálfleik 38-24.
Jafnræði var með liðunum í þriðja leikhluta en liði Tindastóls gekk ekkert að saxa á forskot heimastúlkna. Munurinn var yfirleitt 15-20 stig og lið Þórs komst mest 21 stigi yfir þegar skammt var eftir af þriðja leikhluta, eftir körfu frá Sylvíu Rún sem átti enn einn stórleikinn gegn Stólunum. Tess, Rakel og Marín svöruðu fyrir lið Tindastóls og staðan 57-43 fyrir lokaátökin. Í fjórða leikhlutanum keyrðu Þórsstúlkur yfir lið Tindastóls, unnu leikhlutann 29-15, og leikinn því 86-58.
Enn voru það fráköstin sem léku Stólastúlkur grátt en lið Þórs vann þann slag 67/39. Þá voru þær Sylvía Rún (25 stig, 13 fráköst, 9 stoðsendingar) og Rut Herner (29 stig, 21 frákast, 46 í framlag) í banastuði fyrir heimastúlkur. Tess Williams var atkvæðamest í liði Tindastóls með 24 stig og níu fráköst. Eva Rún var sömuleiðis með níu fráköst og ansi magnað að þær tvær hafi frákastað mest í liði Tindastóls því ekki er hæðin að þvælast fyrir þeim. Marín Lind var drjúg að venju með 18 stig, Rakel Rós systir hennar með sex stig en aðrar minna.
Það er ljóst að lið Tindastóls endar tímabilið í sjötta og næstneðsta sæti í 1. deild kvenna með 12 stig, sex sigra í átján leikjum. Liðinu var spáð sæti um miðja deild en eftir ágæta spretti í vetur þá var það endalaust akkilesarhæll liðsins að tapa frákastabaráttunni, yfirleitt stórt, og því við ramman reip að draga í leikjum vetrarins.
Fleiri fréttir
-
Helgi stoltur af öllum stelpunum
feykir.is Skagafjörður, Íþróttir 08.05.2024 kl. 12.11„Ég veit ekki með lukku en það munaði allavega ótrúlega mjóu í síðustu tveimur leikjum að sigurinn hefði verið okkar,“ sagði Helgi þjálfari Margeirsson þegar Feykir spurði hann hvort það hefði bara verið lukkan sem réð úrslitum í viðureign Tindastóls og Aþenu í gærkvöldi. Aþena hafði betur eftir hnífjafnan leik og tryggði sér því sæti í Subway-deildinni, sigraði einvígi liðanna 3-1.Meira -
Skagstrendingar plokka á uppstigningardag
feykir.is Austur-Húnavatnssýsla, Mannlíf 08.05.2024 kl. 11.48Fimmtudaginn 9. maí, á sjálfan uppstigningardag, stendur Sveitarfélagið Skagaströnd fyrir umhverfis- og plokkdegi. Því eru íbúar hvattir til þess að stökkva út í sumarið og plokka rusl á opnum svæðum í sveitarfélaginu og fegra sitt helsta nærumhverfi.Meira -
Draumur Stólastúlkna varð ekki að veruleika þetta vorið
feykir.is Skagafjörður, Íþróttir 08.05.2024 kl. 09.43Draumur Stólastúlkna um sæti í Subway-deildinni í haust rættist ekki þetta vorið en mikið óskaplega voru þessir síðustu þrír leikir gegn liði Aþenu spennandi. Fjórði leikur liðanna fór fram í Síkinu í gærkvöldi og lið Tindastóls varð að næla í sigur til að tryggja sér oddaleik. Leikurinn var hnífjafn – þá erum við að tala um að hann var HNÍFJAFN allan tímann – og staðan til dæmis 72-72 þegar tvær mínútur voru til leiksloka. Eins og í þriðja leiknum reyndist Sianni Martin það sem skildi á milli á lokasekúndunum og lið Aþenu gerði fimm síðustu stig leiksins. Lokatölur 72-77 og Aþena vann þar með einvígið 3-1.Meira -
Leikjum ýmist frestað eða þeir færðir til
feykir.is Skagafjörður, Íþróttir 08.05.2024 kl. 09.04Sauðárkróksvöllur er í lamasessi líkt og flestum ætti að vera kunnugt. Meistaraflokkur karla hjá Tindastóli átti að hefja keppni í 4. deild í kvöld og spila heima gegn liði Skallagríms. Leiknum hefur hins vegar verið frestað og færður aftur í júníbyrjun. Þá átti Bestu deildar lið Tindastóls að spila við Fylki á Króknum á morgun, fimmtudag, en sá leikur verður spilaður á Akureyri.Meira -
Blanda og Svartá til leigu frá og með sumrinu 2025
feykir.is Austur-Húnavatnssýsla 07.05.2024 kl. 19.52Húnahornið greinir frá því að laxveiðiárnar Blanda og Svartá hafi verið auglýstar til leigu frá og með sumrinu 2025. Einkahlutafélagið Starir er með vatnasvæðið á leigu í dag en núgildandi leigusamningur rennur út í haust. Því óskar Veiðifélag Blöndu og Svartár eftir tilboðum í leigu eða umboðssölu á öllum veiðirétti félagsins í laxveiðiánum frá og með sumrinu 2025 til og með 2029 með almennu útboði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.