„Það þýðir ekkert annað en að vera bjartsýn!“
Á síðasta ári urðu tveir leikmanna kvennaliðs Tindastóls fyrir því að elta leiðinlegasta tískufyrirbærið í fótboltanum; krossbandsslit. Fyrst var það Kristrún María Magnúsdóttir sem lenti í þessum óskunda á slitinni gervimottunni í Boganum á Akureyri og síðan lenti Bergljót Ásta Pétursdóttir í þessum hremmingum í Garðabænum um mitt síðasta sumar. Krossbandsslit eru með ólíkindum algeng í kvennaboltanum og óskaplega erfið meiðsli með langri endurhæfingu. Það þarf bein í nefinu til að ganga í gegnum þetta ferli.
Í gær var sagt frá því að Bergljót væri búin að endurnýja samning sinn við lið Tindastóls þannig að Feykir hafði samband við Donna þjálfara Stólastúlkna og spurði aðeins út í stöðuna á stúlkunum.
Donni segist vonast til þess að Kristrún geti aðeins farið að sparka í bolta á næstunni. „Hún er búin að vera alveg svakalega dugleg i sinni endurhæfingu og ef allt gengur eftir þá sjáum við hana vonandi inni á vellinum í sumar,“ segir hann en meiðsli Kristrúnar voru slæm, slit á fremra krossbandi og hliðarliðbandi innanvert á hnénu, einnig skaði á aftara krossbandi eins og lesa mátti í viðtali við hana í Feyki fyrir tæpu ári.
„Bergljótu gengur lika mjög vel i sinni endurhæfingu og við vonumst svo sannarlega lika eftir henni í sumar,“ segir Donni og það var því ekki úr vegi að heyra aðeins hljóðið í henni.
Hvað kom fyrir í sumar Bergljót? „Ég sleit fremra krossband á hægri fæti í leik á móti Stjörnunni síðasta sumar. En það er víst orðin einhver tíska í kvenna fótbolta.“
Hvernig gekk aðgerðin? „Aðgerðin gekk mjög vel. Ég er byrjuð að skokka aftur ásamt því að gera styrktaræfingar og svo fer að styttast í að ég fái að sparka í bolta.“
Hvernig ferli tekur við eftir aðgerð og er mikil vinna í að ná sér aftur í Bestu deildar form eftir krossbandsslit? „Fyrstu vikurnar eftir aðgerð ertu bara að reyna stiga aftur í fótinn og æfa þig að rétta úr honum. Eftir að það er komið þá byrjarðu að gera léttar styrktaræfingar til að vinna upp styrkinn sem þú ert búin að missa. Svo eru það bara endalausar æfingar og tímar hjá sjúkraþjálfara. Þannig að það má segja að þetta sé mikil vinna og krefjandi verkefni sem reynir heldur betur á þolinmæðina en svo er þetta auðvitað misjafnt hjá hverjum og einum sem lendir í þessu,“ segir Bergljót Ásta sem er bjartsýn á að ná að spila í sumar. „Það þýðir ekkert annað en að vera bjartsýn!“
Fleiri fréttir
-
Sæluvikan var sett í dag
feykir.is Skagafjörður, Listir og menning, Mannlíf 28.04.2024 kl. 23.07Sæluvikan var sett í dag við athöfn í Safnahúsi Skagfirðinga við Faxatorgið á Króknum, Það var fullur salur og góð stemning. Á samkomunni var tilkynnt um hverjir hlutu Samfélagsverðlaun Skagafjarðar 2024 og úrslit í Vísnakeppni Safnahússins. Nemendur í Tónlistarskóla Skagafjarðar léku við hvurn sinn fingur og opnuð var ljósmyndasýning með myndum Stefáns heitins Pedersen.Meira -
„Þau eru ein af ástæðum þess að það er gott að búa í Skagafirði“
feykir.is Skagafjörður, Listir og menning, Mannlíf 28.04.2024 kl. 20.02Við setningu Sæluvikunnar í dag voru afhent Samfélagsverðlaun Skagafjarðar 2024 en verðlaunin eru þakklætisvottur samfélagsins til einstaklinga, fyrirtækja stofnana eða félagasamtaka sem þykja hafa staðið sig vel í eða efla skagfirskt samfélag. Að þessu sinni voru það hjónin Ragnheiður Ásta Jóhannsdóttir og Árni Björn Björnsson, oft kenndur við Hard Wok Café, sem hlutu viðurkenninguna.Meira -
Frumsýningu á Litlu hryllingsbúðinni frestað
feykir.is Skagafjörður, Listir og menning 28.04.2024 kl. 19.02Það var mikil eftirvænting eftir frumsýningu Leikfélags Sauðárkróks á Litlu hryllingsbúðinni í leikstjórn Valgeirs Skagfjörð. Frumsýna átti að hefjast kl. 20 í kvöld en eins og alltaf getur gerst þá komu upp veikindi í leikarahópnum og því hefur þurft að fresta sýningu. Samkvæmt upplýsingum Feykis verður staðan tekin að nýju á þriðjudag og þá kemur í ljós hvort hægt verið að frumsýna á miðvikudag.Meira -
Dreymdi um að vera Tico Torres / VALUR FREYR
feykir.is Vestur-Húnavatnssýsla, Tón-Lystin 28.04.2024 kl. 13.01Það er bara þannig að nýi slökkviliðsstjórinn á Hvammstanga er Hvanndalsbróðir. Við erum sem sagt að tala um Val Frey Halldórsson (árgangur 1974) trommara og söngvara. Hann gengst við því að vera hreinræktaður Akureyringur. „Alinn upp á Brekkunni og síðar Þorpari, stundum KA maður en lang oftast Þórsari. Heimasætan í Lækjarhvammi dró mig á hvítum skóm í sveitina – er enn í hvítum skóm.“ Nú býr Valur á Hvammstanga.Meira -
Ostapasta og hvítlauksbrauð
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 28.04.2024 kl. 13.00Matgæðingar vikunnar í tbl 23, 2023, voru þau Saga Sjöfn Ragnarsdóttir og Sigurður Birkir Gunnarsson. Þau eru bæði fædd á Sauðárkróki og búa þar með dætrum sínum, Bríeti Sunnu (4 ára) og Heklu Björt (1 ½ árs) ásamt kettinum T-800. Saga flutti með mömmu sinni, Evu Árna, til Vestmannaeyja árið 2000 en kom aftur á Krókinn 2007 og hefur sama og ekkert yfirgefið bæinn síðan. Siggi, sem hefur alltaf búið á Króknum að frátöldum tveim vetrum í háskólanum fyrir sunnan, bauð skvís í partý og hafa þau eytt flestum sínum dögum saman síðan 2013.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.