Fálki gerir sig heimakominn í Gilstúninu á Króknum
Það er alltaf skemmtilegt að sjá sjaldgæfa gesti úr dýraríkinu í garðinum hjá sér og það fengu íbúar í Gilstúninu á Sauðárkróki að upplifa í gær er myndarlegu fálki mætti á svæðið. Fuglinn kom ekki tóm“hentur“ þar sem ungur máfur hafði orðið hans nesti.
„Fuglinn kom um tvö leytið í gær og hefur líklega verið í korter til tuttugu mínútur,“ segir Sveinn Brynjar Pálmason, íbúi í Gilstúni 12 sem fagnaði komu gestsins. „Það er gaman að sjá svona fugl í návígi en ætli ég hafi ekki verið í svona 5-7 metra frá honum. Það er ekki á hverjum degi sem maður sér svona fugl í garðinum hjá sér.“
Sveinn segir að að hann hafi séð fiður svífa framhjá glugganum á húsinu sínu og haldið að Hákon bróðir hans væri eitthvað að brasa en hann býr í næstu íbúð í parhúsi þeirra bræðra. Hann veitti þessu ekki meiri athygli fyrr en Hákon hringdi og segir honum frá gestinum. Þeir fóru svo báðir út, vopnaðir myndavélum og freistuðu þess að ná góðum myndum. Sveinn segir að fálkinn hafi svo flögrað í burtu þegar fleiri áhorfendur bættust í hópinn og gerðust full nærgöngulir.
Samkvæmt heimildum Feykis er hér um kvenfugl að ræða og bráðin líklega ungur mávur.
Á Fuglavefnum segir að aðalfæða fálkans sé rjúpa, sem hann slær með klónum á flugi eða grípur á jörðu niðri en hann veiði flestar tegundir fugla. Fer það talsvert eftir veiðilendum hvaða bráð verður fyrir valinu, allt frá fullorðnum heiðagæsum niður í þúfutittlinga og auðnutittlinga, einnig hagamýs.
Hér fyrir neðan má sjá nokkrar myndir sem þeir bræður Sveinn Brynjar og Hákon Frosti tóku af gestinum í garði þeirra.
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.