Ferðamáladeild Háskólans á Hólum stendur fyrir ráðstefnu um viðburðarstjórnun
Ferðamáladeild Háskólans á Hólum stóð sl. fimmtudag fyrir ráðstefnu í Hörpu sem bar titilinn Viðburðalandið Ísland. Háskólinn á Hólum er nú eini háskólinn hérlendis sem býður upp á nám í þessari sívaxandi grein og því var ákveðið að blása til ráðstefnu til að vekja athygli á náminu og mikilvægi þess að skipulag viðburða sé unnið faglega.
Sérstakur gestur ráðstefnunnar var Michelle Lanham kennari við viðburðastjórnunardeild Leeds Beckett háskólans í Englandi, sem er stærsta deild á þessu sviði þar í landi. Skóli þessi er samstarfsskóli Háskólans á Hólum og þangað hafa þegar farið tveir nemendur frá Hólum, en nemendum Ferðamáladeildar er boðið upp á að taka hluta af sínu MA námi í Leeds.
Á ráðstefnunni töluðu auk þess sjö íslenskir viðburðastjórar sem sögðu frá sínum viðburðum og endurspegluðu frásagnir þeirra mikla fjölbreytni í íslensku viðburðaflórunni. Í lokin fóru fram umræður í hópum þar sem frummælendur og ráðstefnugestir krufðu þau mál sem hæst höfðu farið í erindum dagsins.
Að sögn Laufeyjar Haraldsdóttur deildarstjóra Ferðamáladeildar, eru nemendur í viðburðastjórnunarnáminu á Hólum nú 45 talsins, þar af 28 nýnemar. Um er að ræða eins árs hagnýtt nám, með 12 eininga verknámsverkefni í lokin þar sem nemendur taka þátt í að undirbúa og framkvæma raunverulegan viðburð. Útskrifaðir nemendur með diplómagráðu í viðburðastjórnun eru nú orðnir 142 á þeim níu árum sem liðin eru síðan kennsla í greininni hófst á Hólum.
Að sögn Áskells Heiðars Ásgeirssonar, viðburðarstjórnanda og kennara í Ferðamáladeild, sem skipulagði ráðstefnuna í Hörpu, var hún mjög vel heppnuð og mikilvæg í ljósi þess að Ferðamáladeild Háskólans á Hólum leggur mikla áherslu á að tengja námsleiðir deildarinnar við atvinnulíf. Þarna gafst nemendum skólans gott tækifæri til að hlusta á og ræða við fagfólk sem starfar við skipulag viðburða hér á landi. Skipulagðir viðburðir eru orðnir mikilvægur hluti af ferðaþjónustu, sem og samfélaginu í heild og þýðingarmikið að fólk með þekkingu og færni komi að skipulagi og framkvæmd þeirra. Áskell Heiðar segir samstarfið við Hörpu líka vera mikilvægt og áhugi sé fyrir því að endurtaka leikinn að ári og halda þannig áfram samtali um Viðburðalandið Ísland.
Hér fyrir neðan má sjá nokkrar myndir sem þær Laufey Haraldsdóttir og Ingibjörg Sigurðarsdóttir tóku á ráðstefnunni.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.