Reynistaðarbræðrum reistur minnisvarði
Það var vel mætt á Reynistað er minnisvarði um Reynistaðarbræður var vígður sl. sunnudag. Eins og margir kannast við segir sagan að þeir bræður Bjarni 19 ára og Einar 11 ára, auk þriggja annarra, hafi orðið úti á Kili snemma vetrar 1780 eftir fjárkaupaferð á Suðurland.
Lík leiðangursmanna fundust löngu síðar og málaferli urðu í kjölfar þess að talið var að lík einhverra leiðangursmanna hefðu verið rænd. Eins og Sigríður Sigurðardóttir, fv. safnstjóri Byggðasafns Skagfirðinga, kom inn á í erindi sínu við athöfnina á Reynistað urðu þau málaferli engum til góðs. Auk Sigríðar flutti Axel Kristjánsson tölu en hann skrifaði þátt um Jón Austmann og Reynistaðarbræður í nýjustu Skagfirðingabók. Sigurður Hansen flutti frumsamið ljóð um hrakningar bræðranna og sr. Gísli Gunnarsson sagði m.a. frá kynnum síum af Reynistaðarhjónum Guðrúnar Steinsdóttur og Sigurðar Jónssonar sem bjuggu á Reynistað í rúma hálfa öld en bygging minnisvarðans var tileinkuð 100 ára ártíð þeirra.
Beinahóll er lágur hóll á Kili þar sem leiðangursmennirnir urðu úti með fjölda fjár og hesta sem þeir höfðu keypt fyrir sunnan vegna fjárskipta. Hóllinn dregur nafn sitt af miklum fjölda kinda- og hrossabeina sem liggja þar enn. Þar var reistur minnisvarði árið 1971 og hann afhjúpaði afkomandi Halldórs Bjarnasonar og Ragnheiðar Einarsdóttur, ábúenda á Reynistað og foreldra Reynistaðarbræðra, Bjarni Halldórsson frá Uppsölum. Sonur Bjarna og elsti afkomandi þeirra Reynistaðahjóna, Árni Bjarnason á Uppsölum afhjúpaði svo minnisvarðann á Reynistað sl. sunnudag og þótti vel við hæfi.
Fram kom í máli Jóns Sigurðssonar að þeir bræður sem kenna sig við Reynistað nú væru alls óskyldir þeim er lentu í þeim hrakningum sem minnst hefur verið en saga þeirra hefur alla tíð fylgt staðnum og ábúendum og mun svo verða um ókomin ár.
Jón kom inn á það að bygging minnisvarðans væri tileinkuð 100 ára ártíð foreldra núverandi Reynistaðarbræðra, þeirra Guðrúnar Steinsdóttur og Sigurðar Jónssonar eins og áður er getið.
Fleiri fréttir
-
Dreymdi um að vera Tico Torres / VALUR FREYR
feykir.is Vestur-Húnavatnssýsla, Tón-Lystin 28.04.2024 kl. 13.01Það er bara þannig að nýi slökkviliðsstjórinn á Hvammstanga er Hvanndalsbróðir. Við erum sem sagt að tala um Val Frey Halldórsson (árgangur 1974) trommara og söngvara. Hann gengst við því að vera hreinræktaður Akureyringur. „Alinn upp á Brekkunni og síðar Þorpari, stundum KA maður en lang oftast Þórsari. Heimasætan í Lækjarhvammi dró mig á hvítum skóm í sveitina – er enn í hvítum skóm.“ Nú býr Valur á Hvammstanga.Meira -
Ostapasta og hvítlauksbrauð
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 28.04.2024 kl. 13.00Matgæðingar vikunnar í tbl 23, 2023, voru þau Saga Sjöfn Ragnarsdóttir og Sigurður Birkir Gunnarsson. Þau eru bæði fædd á Sauðárkróki og búa þar með dætrum sínum, Bríeti Sunnu (4 ára) og Heklu Björt (1 ½ árs) ásamt kettinum T-800. Saga flutti með mömmu sinni, Evu Árna, til Vestmannaeyja árið 2000 en kom aftur á Krókinn 2007 og hefur sama og ekkert yfirgefið bæinn síðan. Siggi, sem hefur alltaf búið á Króknum að frátöldum tveim vetrum í háskólanum fyrir sunnan, bauð skvís í partý og hafa þau eytt flestum sínum dögum saman síðan 2013.Meira -
Níu stigu á svið á Open Mic kvöldi Leikfélags Blönduóss
feykir.is Austur-Húnavatnssýsla, Listir og menning, Mannlíf 28.04.2024 kl. 10.35Að kvöldi sumardagsins fyrsta stóð Leikfélag Blönduóss fyrir viðburði í fallega leikhúsinu sínu í Félagsheimilinu á Blönduósi. Þar var um að ræða svokallað Open Mic og var öllum velkomið að taka þátt; flytja ljóð, segja skemmtilega sögu, syngja lag, fara með einræðu eða upplestur fyrir framan áhorfendur. Feykir spurði Eva Guðbjartsdóttur, forynju LB, aðeins út í viðburðinn.Meira -
Ágæt frammistaða en engin stig til Stólastúlkna
feykir.is Skagafjörður, Íþróttir 27.04.2024 kl. 19.03Breiðablik og Tindastóll mættust í dag á Kópavogsvelli í Bestu deild kvenna í knattspyrnu. Blikar unnu góðan sigur í fyrstu umferð á meðan Stólastúlkur máttu sætta sig við svekkjandi tap fyrir FH í leik þar sem þær áttu meira skilið. Eins og reikna mátti með í dag voru heimastúlkur talsvert sterkari í leiknum, fengu mörg færi til að skora en lið Tindastóls fékk sömuleiðis góð færi en fór illa að ráði sínu. Lokatölur urðu 3-0 fyrir Breiðablik og lið Tindastóls því án stiga og marka að loknum tveimur leikjum.Meira -
Lið Aþenu gerði Stólastúlkum grikk
feykir.is Skagafjörður, Íþróttir 27.04.2024 kl. 15.31Einvígi Aþenu og Tindastóls um sæti í Subway-deild kvenna næsta haust hófst í Austurbergi í Breiðholti í gærkvöldi. Lið Tindastóls hafði lagt Subway-deildar lið Snæfells að velli og Aþenu-stúlkur lið KR í undanúrslitum og því búist við spennandi einvígi. Niðurstaðan varð hinsvegar leiðinlega stór sigur Aþenu því eftir ágæta byrjun gestanna tók Breiðholtsliðið öll völd, var 15 stigum yfir í hálfleik og svo versnaði bara vont. Lokatölur 80-45 og ljóst að Stólastúlkur þurfa að sýna annað andlit í Síkinu á mánudaginn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.