Tían, Bifhjólaklúbbur Norðuramts, sótti Skagfirðinga heim á sumardeginum fyrsta
Þó að nokkuð sé liðið frá sumardeginum fyrsta er gaman að segja frá því að Tían, Bifhjólaklúbbur Norðuramts, safnaði saman, þann daginn, virkum hjólurum á Ráðhústorgið á Akureyri og brunuðu yfir 30 mótorhjól út úr bænum og yfir í Skagafjörð og gerði stans í Varmahlíð. Alvöru sumardagur 12-17 stiga hiti og sól.
Á Facebook-síðu Tíunnar kemur fram að upp undir 15 manna mótorhjólahópur frá Smaladrengjum í Skagafirði, ásamt einum sem kom að sunnan, en Smalarnir voru þá í sinni árlegu ferð að Fallinu, listaverki því sem ætlað er að minnast fórnarlamba mótorhjólslysa. Verkið er eftir Heidda, Snigil no. 10, gefið af Sniglum-Bifhjólasamtökum Lýðveldisins, í tilefni 100 ára afmælis mótorhjólsins á Íslandi 2005.
„Allt í einu flaug yfir okkur flugvél í lágflugi og flautaði hún á okkur. Var þar mættur þúsundþjalasmiðurinn og mótorhjólagúrúinn Steini Tótu og lét hann sig ekki vanta heldur, því hann lenti flugvélinni á túninu fyrir neðan Varmahlíð og kom til okkar á rafmagnshlaupahjóli sem hann tók með sér í flygildið,“ segir í færslu Tíunnar.
Eftir samfundinn í Varmahlíð héldu hjólarar hver í sína áttina, sumir brunuðu á Krókinn en aðrir heimsóttu Kvenfélag Lýtingsstaðahrepps sem buðu til kaffisamsætis í tilefni sumarkomunnar í Árgarði við Steinstaði. „Fór nokkuð stór hópur þangað og fengu þvílíkar veitingar upp á gamla mátann, smurbrauðstertur, pönnukökur, kakó og annað bakkelsi, sem var alveg frábært. Eins og áður sagði þá var veðrið alveg frábært, og tvístraðist hópurinn í minni hópa og hjóluðu allir glaðir heim á leið, sumir lengri leiðina Tröllaskagann en aðrir bara heiðin aftur heim. Takk fyrir okkur, vá hvað það var gott að komast á þjóðveginn aftur á hjóli. og takk fyrir okkur Smaladrengir.“
Meðfylgjandi eru myndir frá deginum góða og eru fengnar af Facebook-síðu Tíunnar
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.