Ætlaði að lesa og prjóna meira á árinu
Dagný Rósa Úlfarsdóttir svarar ársuppgjöri Feykis. Hún starfar sem kennari í Höfðaskóla á Skagaströnd en býr á Ytra-Hóli 1 í Skagabyggð með Birni Björnssyni. „Mér þykir miður að þurfa að vera á neikvæðu nótunum hér en líklegast eru það náttúruhamfarir, stríð og verðbólga,“ segir hún þegar Feykir spyr hvaða þrjú orð lýsi árinu.
Hver er maður ársins? – Þetta er erfitt val, því mörg gætu fengið þennan titil. Við eigum t.d. frábært íþróttafólk hér á Norðurlandi vestra sem ættu tilkall til þessa titils en ég ætla að nefna Karólínu í Hvammshlíð vegna hennar óbilandi seiglu í baráttunni gegn riðuveiki á landinu.
Hver var uppgötvun ársins? – Ætli það hafi ekki verið hversu góðir mér fannst vegirnir á Vestfjörðum vera, þegar ég fór þangað í sumar. Allavegana voru sumir þeirra eins og hraðbraut í samanburði við malarvegina okkar hér á Norðurlandi vestra.
Hvað var lag ársins? – Ég er svo mikill Eurovisionaðdáandi að ég verð að segja Cha Cha Cha með finnska snillingnum Käärijä.
Hvað gerðirðu ekki á árinu sem þú ætlaðir þér að gera? – Örugglega margt sem ég man svo ekki eftir þegar ég ætla að rifja það upp. Ég held samt að ég hafi ætlað mér að lesa fleiri bækur og prjóna fleiri flíkur en ég gerði.
Hvers er eftirminnilegast frá árinu 2023? – Svona á persónulegu nótunum er það ferming yngsta barnsins, útskrift miðbarnsins úr grunnskóla og þess elsta úr háskóla, hér í nærsamfélaginu er það ljósastauravæðing heimreiða í Skagabyggð og opnun nýs Þverárfjallsvegar/Skagastrandarvegar og á landsvísu er það rýming Grindavíkur og ástandið þar í nágrenninu og aðgerðaleysi stjórnvalda gagnvart sjókvíalaxeldi og strokulöxunum.
Hvaða þrjú orð lýsa árinu best? – Mér þykir miður að þurfa að vera á neikvæðu nótunum hér en líklegast eru það náttúruhamfarir, stríð og verðbólga. Þetta segir sig kannski sjálft, náttúran hefur heldur betur minnt á sig, bæði hér á landi og erlendis, hörmuleg stríð úti í heimi sem virðast ekki ætla að taka enda og svo verðbólguástandið hér á landi sem hefur gríðarlegar neikvæðar afleiðingar.
Hverju viltu skella á brennuna og hvers vegna? – Neikvæðum nöldrurum á netmiðlum, held að það segi sig alveg sjálft.
Hvað viltu sjá gerast árið 2024? – Það er ansi margt, t.d. ný störf og fjölbreyttari atvinnutækifæri í A-Hún., fleiri íbúðir hér og í framhaldinu fjölgun íbúa á svæðinu. Svo held ég að við viljum öll heimsfrið og lægri verðbólgu.
Fleiri fréttir
-
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira -
Nýframkvæmdir fyrir einn og hálfan milljarð á árinu
feykir.is Skagafjörður, Mannlíf, Lokað efni 04.05.2024 kl. 13.55Feykir sendi Sigfúsi Inga Sigfússyni, sveitarstjóra Skagafjarðar, spurningar þar sem forvitnast er um nokkur helstu verkefni sveitarfélagsins og mál sem verið hafa í umræðunni, eins og byggingu menningarhúss á Sauðárkróki og íþróttahús við Grunnskólann austan Vatna. „Verkefnin eru mörg og margvísleg en framkvæmdir eru eitthvað sem flestir hafa áhuga á,“ segir Sigfús Ingi þegar hann er spurður út í helstu verkefni ársins hjá Skagafirði...Meira -
Aþena nældi í sigur þrátt fyrir magnaða endurkomu Stólastúlkna
feykir.is Skagafjörður, Íþróttir 04.05.2024 kl. 12.33„Við erum staðráðnar í að svara fyrir okkur á þriðjudaginn og ég skora á alla Tindastólsmenn að mæta í Síkið og fylkja sér að baki okkar og aðstoða okkur við að vinna þann leik svo við getum farið í hreinan úrslitaleik eftir það,“ sagði Helgi þjálfari Margeirs eftir grátlega naumt tap gegn liði Aþenu í Breiðholtinu í gærkvöldi. Eftir magnaða endurkomu Stólastúlkna þar sem þær unnu upp níu stiga mun á 85 sekúndum undir lok leiksins þá var það Sianni Martin sem gerði sigurkörfu Aþenu með erfiðu skoti sem hún setti í. Lokatölur 80-78.Meira -
Minnisvarði um örlög séra Odds og Solveigar afhjúpaður
feykir.is Skagafjörður, Listir og menning 04.05.2024 kl. 11.42Frá því Agnar Gunnarsson flutti í Miklabæ í Blönduhlíð fyrir tæplega fjörtíu árum hafa honum verið hugleikin hin dapurlegu örlög sr. Odds og Solveigar. Agnar segir söguna af þeim hafa á sér þjóðsagnablæ, sem hefur lifað allt frá síðari hluta 18.aldar. Agnari langaði að minningu þeirra yrði haldið á lofti inn í komandi tíma og hefur af því tilefni látið gera minnisvarða sem vígður var við hátíðlega athöfn laugardaginn 27. apríl.Meira -
,,Ég finn alltaf eitthvað fallegt þar sem mér langar til að gera,,
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.05.2024 kl. 09.12Kristín Lind Sigmundsdóttir er 24 ára gömul og er búsett á Króknum ásamt kærastanum sínum honum Hauki Ingva og litlu stelpunni þeirra Kötlu Daðey. Kristín Lind vinnur á Heilbrigðisstofnun Norðurlands vestra og er að klára sjúkraliðanám.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.