Ásdís Brynja er Íþróttamaður USAH 2023
Í gær var tilkynnt um valið á Íþróttamanni USAH 2023 við hátíðlega athöfn í íþróttamiðstöðinni á Blönduósi. Fyrir valinu að þessu sinni varð Ásdís Brynja Jónsdóttir knapi frá Hestamannafélaginu Neista.
Auk hennar voru Sigurður Bjarni Aadnegard fyrirliði Kormáks/Hvatar í fótboltanum en liðið tryggði sér í sumar sæti í 2. deild, Haraldur Holti Líndal frá Markviss en hann er ungur og bráðefnilegur skotmaður sem var að gera góða hluti á árinu, Kristinn Bjarni Andrason er mjög efnilegur knattspyrnumaður en þrátt fyrir að vera aðeins 17 ára spilaði hann alla leiki Kormáks/Hvatar á sögulegu tímabili liðsins, Elyass Kristinn Bouanba frá Markviss er líkt og Haraldur Holti bráðefnilegur skotmaður sem átt hefur góðu gengi að fagna í ár.
Í rökstuðningi með tilnefningu Ásdísar Brynju, sem hlaut titilinn Íþróttamaður USAH 2023, segir: „Ásdís Brynja gerði það virkilega gott í keppni á árinu en hún var staðsett á Suðurlandi og keppti því aðallega þar sem félagi Neista. Hún keppti á Hátíð frá Söðulsholti. Hún tók þátt í parafimi í Suðurlandsdeildinni og enduðu þær í 7. sæti. Á WR móti Sleipnis tók hún þátt í fimmgangi F2 og lenti í 8. sæti. Á WR íþróttamóti Geysis tóku þær stöllur þátt í fimmgangi F2 og enduðu í 10. sæti. Á opnu gæðingamóti Geysis tóku þær þátt í A-flokki og enduðu í 15. sæti með einkunnina 8,21. Á WR Suðurlandsmóti Geysis tóku þær þátt í gæðingaskeiði PP1 1. flokk og enduðu í 3. sæti.
Þetta er aðeins brot af keppnisárangri þeirra Hátíðar en þær stóðu sig virkilega vel á síðasta keppnisári.“
Feykir óskar Ásdísi Brynju til hamingju með heiðurinn. Nánar má lesa rökstuðning með þeim sem tilnefndir voru á Facebook-síðu USAH og þar má einnig finna fjölda mynda frá athöfninni í gær.
Fleiri fréttir
-
Aþena nældi í sigur þrátt fyrir magnaða endurkomu Stólastúlkna
feykir.is Skagafjörður, Íþróttir 04.05.2024 kl. 12.33„Við erum staðráðnar í að svara fyrir okkur á þriðjudaginn og ég skora á alla Tindastólsmenn að mæta í Síkið og fylkja sér að baki okkar og aðstoða okkur við að vinna þann leik svo við getum farið í hreinan úrslitaleik eftir það,“ sagði Helgi þjálfari Margeirs eftir grátlega naumt tap gegn liði Aþenu í Breiðholtinu í gærkvöldi. Eftir magnaða endurkomu Stólastúlkna þar sem þær unnu upp níu stiga mun á 85 sekúndum undir lok leiksins þá var það Sianni Martin sem gerði sigurkörfu Aþenu með erfiðu skoti sem hún setti í. Lokatölur 80-78.Meira -
Minnisvarði um örlög séra Odds og Solveigar afhjúpaður
feykir.is Skagafjörður, Listir og menning 04.05.2024 kl. 11.42Frá því Agnar Gunnarsson flutti í Miklabæ í Blönduhlíð fyrir tæplega fjörtíu árum hafa honum verið hugleikin hin dapurlegu örlög sr. Odds og Solveigar. Agnar segir söguna af þeim hafa á sér þjóðsagnablæ, sem hefur lifað allt frá síðari hluta 18.aldar. Agnari langaði að minningu þeirra yrði haldið á lofti inn í komandi tíma og hefur af því tilefni látið gera minnisvarða sem vígður var við hátíðlega athöfn laugardaginn 27. apríl.Meira -
,,Ég finn alltaf eitthvað fallegt þar sem mér langar til að gera,,
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.05.2024 kl. 09.12Kristín Lind Sigmundsdóttir er 24 ára gömul og er búsett á Króknum ásamt kærastanum sínum honum Hauki Ingva og litlu stelpunni þeirra Kötlu Daðey. Kristín Lind vinnur á Heilbrigðisstofnun Norðurlands vestra og er að klára sjúkraliðanám.Meira -
Stór sigur á Stjörnunni í Garðabænum
feykir.is Skagafjörður, Íþróttir 03.05.2024 kl. 22.10Eftir tvo tapleiki í byrjun móts var pínu presssa á liði Tindastóls að krækja í stig í Garðabænum í kvöld þegar Stólastúlkur sóttu lið Stjörnunnar heim. Eins og reikna mátti með sat lið Tindastóls aftarlega á vellinum en beitti snörpum skyndisóknum þegar boltinn vannst. Þrátt fyrir að heimastúlkur hafi verið talsvert meira með boltann í kvöld þá unnu gestirnir sanngjarnan sigur, gerðu eitt mark í hvorum hálfleik og hefðu hæglega getað unnið stærra. Lokatölur 0-2.Meira -
Kosið um sameiningu Húna- og Skagabyggðar í júní
feykir.is Austur-Húnavatnssýsla 03.05.2024 kl. 21.45„Við erum bjartsýn en nú er þetta í höndum íbúa,“ er haft eftir oddvitum Húnabyggðar og Skagabyggðar á Facebook-síðu Húnabyggðar í kvöld en sveitarfélögin hafa samþykkt samhljóða að setja sameiningu sveitarfélaganna í íbúakosningu í júní.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.