Farsæld og vellíðan barna var þema fræðsludags skólanna í Skagafirði
Fræðsludagur skóla í Skagafirði var haldinn í Miðgarði í Varmahlíð sl. þriðjudag. Þar kom saman starfsfólk leik-, grunn-, tónlistar- og framhaldsskóla, starfsmenn á fjölskyldusviði og kjörnir fulltrúar fræðslunefndar. Fram kemur í frétt á vef Skagafjarðar að fræðsludagurinn er árlegur viðburður í Skagafirði og er þetta í tólfta sinn sem slíkur dagur er haldinn hátíðlegur. Tilgangur fræðsludags er fyrst og fremst að hefja nýtt skólaár á samveru og samtali um áherslur í skólamálum hverju sinni. Starfsfólk sem tók þátt í fræðsludeginum í ár var um 240 talsins.
Þema dagsins var farsæld og vellíðan barna en ný lög um farsæld tóku gildi þann 1. janúar 2022. Meginmarkmið nýrra laga er að sjá til þess að öll börn og foreldrar sem á þurfa að halda hafi aðgang að samþættri þjónustu við hæfi án hindrana og er sveitarfélögum ætlað þrjú ár til að innleiða slíkt fyrirkomulag.
Selma Barðdal, fræðslustjóri, og Rakel Kemp, uppeldis- og fjölskylduráðgjafi, fóru yfir stöðu innleiðingar farsældarlaganna í Skagafirði og næstu skref í þeirri vinnu. Einnig sögðu þær frá ráðningu Margrétar Petru Ragnarsdóttur í starf tengiliðar farsældar en hún mun hafa viðveru í grunnskólunum. Margrét Petra hefur störf sem tengiliður þann 1. október nk.
Sigrún Daníelsdóttir, sálfræðingur og verkefnisstjóri hjá mennta – og barnamálaráðuneyti fjallaði um mikilvægi geðræktar í skólum og sagði frá vinnu sem snýr að því að skoða hvernig geðræktarstarfi er háttað í skólum landsins og hversu vel skólar eru í stakk búnir til þess að sinna slíku starfi.
Fjalar Freyr Einarsson og Ásgeir Beinteinsson, ráðgjafar hjá austurmiðstöð í Reykjavík fjölluðu um skólaforðun nemenda og leiðir til þess að bregðast við slíkum vanda. Niðurstöður ýmssa rannsókna hafa sýnt fram á að afleiðingar skólaforðunar geta verið alvarlegar og að mikilvægt sé að bregðast við þeim á fyrstu stigum.
Fjalar Freyr fjallaði sömuleiðis um hegðun barna og ungmenna, áskoranir og úrræði í skólum. Hann sagði samræmi aðgerða innan skóla skipta máli og að samvinna og samtal væri á meðal fagfólks. Lögð var áhersla á skýr fyrirmæli og eftirfylgni, virðingu í samskiptum og væntumþykju.
Ásmundur Einar Daðason, mennta og barnamálaráðherra lauk dagskrá með umfjöllun um farsæld barna og hvatningarorðum til skólasamfélagsins í Skagafirði um áframhaldandi innleiðingu og velgengni í störfum sínum.“ segir í fréttinni.
Bryndís Lilja Hallsdóttir, nýr sviðsstjóri fjölskyldusviðs Skagafjarðar, sleit dagskrá fræðsludagsins með því að taka undir orð ráðherra og þakka starfsfólki skólanna fagleg og góð störf.
- - - - -
Heimild: Skagafjörður.is
Fleiri fréttir
-
Hugvekja í Sauðárkrókskirkju 29. apríl 2024 | Óli Björn Kárason skrifar
feykir.is Skagafjörður, Listir og menning, Mannlíf 06.05.2024 kl. 16.48Kirkjukvöld Kirkjukórs Sauðárkróks er fastur liður í Sæluviku. Þar er eðlilega mikið sungið og vel vandað til. Þá er jafnan fenginn ræðumaður til að brjóta upp söngskemmtunina og oftar en ekki eru sóttir til verksins brottfluttir Skagfirðingar. Og þá er ekki ólíklegt að rifjaðir séu upp sögur frá eldri tímum. Að þessu sinni var það Óli Björn Kárason, þingmaður og blaðamaður, sem kveikt upp minningabál meðal kirkjugesta.Meira -
Hjólað í vinnuna
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 06.05.2024 kl. 15.10Hjólað í vinnuna 2024 fer fram 8. - 28. maí. Skráning er nú þegar hafin og hægt er að skrá sig á hjoladivinnuna.isMeira -
Framkvæmdir hafnar við Flúðabakka á Blönduósi
feykir.is Austur-Húnavatnssýsla 06.05.2024 kl. 10.01Framkvæmdir eru hafnar við byggingu sex íbúða raðhúss við Flúðabakka á Blönduósi. Samkvæmt frétt Húnahornsins er stefnt að því að íbúðirnar verði tilbúnar í haust en þær munu hugsaðar fyrir fólk eldra en 60 ára .Meira -
Mette Mannseth var sigurvegari Meistaradeildar KS 2024
feykir.is Skagafjörður, Íþróttir, Hestar 06.05.2024 kl. 08.45Skemmtilegu tímabili Meistaradeildar KS 2024 er nú lokið en síðasta mót tímabilsins fór fram sl. föstudagskvöld þegar keppt var í tölti og flugskeiði. Í einstaklingskeppni Meistaradeildar KS var það Mette Mannseth sem fór með sigur af hólmi en hún hélt forystu allt tímabilið og endaði með 172 stig. Þá var það lið Hrímnis - Hestkletts sem sigraði í liðakeppni Meistaradeildar KS 2024 með 443.5 stig.Meira -
Neytendasamtökin efna til samtals á Kaffi Krók í hádeginu
feykir.is Skagafjörður, Austur-Húnavatnssýsla, Vestur-Húnavatnssýsla 06.05.2024 kl. 08.30Neytendasamtökin efna til samtals um neytendamál við neytendur og sveitarstjórnir vítt og breitt um landið. Samtökin kynna sér helstu mál sem brenna á fólki á landsbyggðinni og segja frá baráttumálum sínum og þann ávinning sem sterkur hagur neytenda færir fólki, fyrirtækjum og samfélaginu öllu. Í hádeginu í dag heimsækja samtökin Sauðárkrók en fundað verður á Kaffi Krók og hefst fundurinn kl. 12.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.