Fjölmargir tóku þátt í Fjölskylduhlaupinu
feykir.is
Skagafjörður, Ljósmyndavefur, Mannlíf
11.09.2026
kl. 10.01
Skellt í eina hóp-selfí áður en lagt var í'ann. MYNDIR: ÓAB
Í gær fór fram á Sauðárkróki Fjölskylduhlaup í tilefni af Gulum september en gulur er litur sjálfsvígsforvarna. Hlaupið var frá sundlauginni en einnig máttu þátttakendur ganga eða hjóla. Ágæt þátttaka var í hlaupinu en þó mögulega heldur færri en árið á undan.
Feykir lofaði þátttakendum í gærdag blíðu og stilltu veðri eftir að hafa kíkt á heimasíðu Veðurstofunnar. Það var reyndar sæmilega hlýtt en nánast um leið og þátttakendur þustu af stað þá fór að rigna og bætti um leið í vind. Þó alls ekki þannig að það væri eitthvað ves.
Ágæt stemning var við sundlaugina áður en hlaupið hófst. Margir mættu klæddir í gulan fatnað. Þá var hægt að kaupa gula boli á staðnum til styrktar Píeta samtökunum og einnig var tekið við frjálsum framlögum á staðnum til styrktar samtökunum. Feykir var á staðnum og smellti nokkrum myndum af hlaupagikkum af ýmsu tagi.
Styðjum Píeta-samtökin
Píeta samtökin eru íslensk frjáls félagasamtök sem vinna að sjálfsvígs- og sjálfsskaðaforvörnum og veita fólki í sjálfsvígshættu, aðstandendum og syrgjendum stuðning. Samtökin byggja starf sitt á hugmyndafræði samnefndra samtaka á Írlandi.
Þeir sem vilja koma að því að styrkja þetta góða málefni geta millifært á reikning Píeta: kt. 410416-0690 / 0301-26-041041
Fleiri fréttir
-
Tígris rækjuréttur og sykurpúðasalat | Matgæðingar Feykis
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 11.09.2026 kl. 10.41Það er Anna Birna Björnsdóttir og eiginmaður hennar Egill Birkir Sigurðsson sem eru matgæðingar vikunnar í tbl. 18. Anna Birna og Egill Birkir eiga heima í Kópavoginum ásamt Íslenska fjárhundinum Týru en þar hafa þau búið í 12 ár. Egill er fæddur á Patreksfirði en flutti ungur á Krókinn með móður sinni Rögnu Jóhannsdóttur, stjúpi hans er Pétur Valdimarsson. Anna Birna er einnig fædd og uppalin á Króknum og er dóttir Badda múrara, seinna Baddi í íþróttahúsinu og Siggu Gísla, dóttur Fjólu Sveins og Gísla Gunnars.Meira -
„Þetta eru leikirnir sem allir vilja spila“ segir Konni
feykir.is Skagafjörður, Íþróttir, Lokað efni 11.09.2026 kl. 08.12Síðustu umferðirnar hjá meistaraflokkunum hér á Norðurlandi vestra fara fram á morgun, laugardaginn 12. september. Lið Kormáks/Hvatar mætir Fjölni á Blönduósi og kvennalið Tindastóls hittir fyrir Hauka í Hafnarfirði. Örlög þessara liða eru ráðin en á Króknum er mikið undir þegar Tindastólsmenn taka á móti deildarmeisturum Víðis í Garði. Með sigri eiga Stólarnir séns á að komast upp í 2. deild en þá þarf lið KF að hafa stig af KH á Ólafsfirði. Feykir heyrði í Konna þjálfara.Meira -
Engin verðbólga í Húnaþingi vestra
feykir.is Vestur-Húnavatnssýsla, Mannlíf, Lokað efni 10.09.2026 kl. 13.00Félag eldri borgara í Húnaþingi vestra bauð félögum sínum til fjölmennrar grillveislu í gær. Grillað var úti í hádeginu fyrir utan samfélagsmiðstöðina Glaumbæ sem er til húsa á neðri hæð Félagsheimilisins á Hvammstanga. Á boðstólum var gómsætt lambakjöt frá Sláturhúsi SKVH á Hvammstanga ásamt tilheyrandi meðlæti og drykkjum. Verðið á krásunum var ekki verðbólguhvetjandi því þátttakendur greiddu aðeins 1.000 krónur og gátu etið að vild.Meira -
Myndasyrpa frá Höskuldi B. úr Auðkúlurétt
feykir.is Austur-Húnavatnssýsla, Ljósmyndavefur, Mannlíf 10.09.2026 kl. 12.41Þessar vikurnar er réttað út um víðan völl ef svo má segja. Fjárréttir verða á átta stöðum dagana 12. til 14. september í Skagafirði og réttað verður í Kleifnarétt í Fljótum í dag. Þá verður réttað á sjö stöðum í Húnavatnssýslum 11.-14. september en réttað er í Sveinsstaðarétt í Austur-Hún í dag og hófust réttarstörf þar reyndar kl. 10 í morgun.Meira
