Stór gangna- og réttahelgi framundan
Það er útlit fyrir kalda og blauta smala- og réttahelgi hjá okkur hér á Noðurlandi vestra, um helgina. Þegar litið er yfir gangnaseðla í fjórðungnum má sjá að mjög margir hafa verið við smölun síðustu daga eða eru í þann mund að reima á sig gangnaskóna. Það eru flestir dagar helgarinnar undir en nær þó aðeins fram yfir þessa helgina því ekki er réttað fyrr en á mánudag í Silfrastaðarétt í Blönduhlíð í Skagafirði.
Það mæðir ekki bara á gangnamönnunum sjálfum þessa helgina því allt sem við kemur sauðfjárrækt er yfirleitt ekki á herðum eins manns og þegar mikið liggur við, eins og að heimta fé af fjalli, þarf að kalla til allan þann auka mannskap sem fjárbændur hafa tök á að kalla til, til að aðstoða í réttum. Einhverjir þurfa svo að vera í því að nesta allan mannskapinn, því nestið er eins og hitt – partur af prógramminu.
Hjá mörgum er mikil hefð í kringum göngur og réttir. Leyfist mér að fullyrða að þetta eru dagarnir sem ansi margir hafa fest í sínu dagatali, jafnvel ef litið yrði mörg ár aftur í tímann. Ég ætla að leyfa mér að vera með aðra fullyrðingu þegar ég segi að kjötsúpa verður sennilega soðin í ansi mörgum pottum víða þessa helgina. Með von um góðar heimtur, þokulaus fjöll, dali og heiðar, óska ég gangna og réttarfólki góðs gengis og munið að ganga hægt um gleðinnar dyr og farið varlega.
Hér er rétt að enda á lista yfir réttir helgarinnar.
Fjárréttir í Húnavatnssýslum þessa helgina:
- Auðkúlurétt við Svínavatn, A.-Hún. laugardaginn 9. september kl. 9.00.
- Fossárrétt í A.-Hún. laugardaginn 9. september.
- Hlíðarrétt / Bólstaðarhlíðarrétt, A.-Hún. laugardaginn 9. september kl. 16.00.
- Hrútatungurétt í Hrútafirði, V.-Hún. laugardaginn 9. september kl. 9.00.
- Kjalarlandsrétt, A.-Hún. laugardaginn 9. september.
- Miðfjarðarrétt í Miðfirði, V.-Hún. laugardaginn 9. september.
- Skrapatungurétt í Laxárdal, A.-Hún. sunnudaginn 10. september kl. 9.00.
- Stafnsrétt í Svartárdal, A.-Hún. laugardaginn 9. september kl. 8.30.
- Sveinsstaðarétt, A.-Hún. sunnudaginn 10. september kl. 10.00.
- Undirfellsrétt í Vatnsdal, A.-Hún. föstudaginn 8. september kl. 13.00 og laugardaginn 9. september kl. 8.00.
- Valdarásrétt í Fitjárdal, V.-Hún. föstudaginn 8. september kl. 9.00.
- Víðidalstungurétt í Víðidal, V.-Hún. laugardaginn 9. september kl. 10.00.
Fjárréttir í Skagafirði þessa helgina:
- Deildardalsrétt í Deildardal, laugardaginn 9. september.
- Hraunarétt í Fljótum, föstudaginn 8. september.
- Laufskálarétt í Hjaltadal, sunnudaginn 10. september.
- Mælifellsrétt, sunnudaginn 10. september.
- Sauðárkróksrétt (Króksrétt), laugardaginn 9. september.
- Selnesrétt á Skaga, Skagabyggð, laugardaginn 9. september.
- Silfrastaðarétt í Blönduhlíð, mánudaginn 11. september.
- Skarðarétt í Gönguskörðum, sunnudaginn 10. september.
- Skarðsárrétt, sunnudaginn 10. september.
- Staðarrétt (Reynisstaðarrétt), sunnudaginn 10. september.
Fleiri fréttir
-
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira -
Nýframkvæmdir fyrir einn og hálfan milljarð á árinu
feykir.is Skagafjörður, Mannlíf, Lokað efni 04.05.2024 kl. 13.55Feykir sendi Sigfúsi Inga Sigfússyni, sveitarstjóra Skagafjarðar, spurningar þar sem forvitnast er um nokkur helstu verkefni sveitarfélagsins og mál sem verið hafa í umræðunni, eins og byggingu menningarhúss á Sauðárkróki og íþróttahús við Grunnskólann austan Vatna. „Verkefnin eru mörg og margvísleg en framkvæmdir eru eitthvað sem flestir hafa áhuga á,“ segir Sigfús Ingi þegar hann er spurður út í helstu verkefni ársins hjá Skagafirði...Meira -
Aþena nældi í sigur þrátt fyrir magnaða endurkomu Stólastúlkna
feykir.is Skagafjörður, Íþróttir 04.05.2024 kl. 12.33„Við erum staðráðnar í að svara fyrir okkur á þriðjudaginn og ég skora á alla Tindastólsmenn að mæta í Síkið og fylkja sér að baki okkar og aðstoða okkur við að vinna þann leik svo við getum farið í hreinan úrslitaleik eftir það,“ sagði Helgi þjálfari Margeirs eftir grátlega naumt tap gegn liði Aþenu í Breiðholtinu í gærkvöldi. Eftir magnaða endurkomu Stólastúlkna þar sem þær unnu upp níu stiga mun á 85 sekúndum undir lok leiksins þá var það Sianni Martin sem gerði sigurkörfu Aþenu með erfiðu skoti sem hún setti í. Lokatölur 80-78.Meira -
Minnisvarði um örlög séra Odds og Solveigar afhjúpaður
feykir.is Skagafjörður, Listir og menning 04.05.2024 kl. 11.42Frá því Agnar Gunnarsson flutti í Miklabæ í Blönduhlíð fyrir tæplega fjörtíu árum hafa honum verið hugleikin hin dapurlegu örlög sr. Odds og Solveigar. Agnar segir söguna af þeim hafa á sér þjóðsagnablæ, sem hefur lifað allt frá síðari hluta 18.aldar. Agnari langaði að minningu þeirra yrði haldið á lofti inn í komandi tíma og hefur af því tilefni látið gera minnisvarða sem vígður var við hátíðlega athöfn laugardaginn 27. apríl.Meira -
,,Ég finn alltaf eitthvað fallegt þar sem mér langar til að gera,,
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.05.2024 kl. 09.12Kristín Lind Sigmundsdóttir er 24 ára gömul og er búsett á Króknum ásamt kærastanum sínum honum Hauki Ingva og litlu stelpunni þeirra Kötlu Daðey. Kristín Lind vinnur á Heilbrigðisstofnun Norðurlands vestra og er að klára sjúkraliðanám.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.