Sviðaveisla í Miðgarði
Karlakórinn Heimir í Skagafirði ætlar að brjóta upp skammdegisdrungann og efna til skemmtikvölds og sviðaveislu í Miðgarði í kvöld kl. 20. Þar verður auk sviðalappa og andlita, söngur og gamanmál eins og Skagfirðingar kannast við og eru þekktir fyrir.
„Söngstjórinn stakk upp á þessu. Við vorum að athuga hvað við gætum gert meira en bara að syngja,“ segir Gísli Árnason formaður kórsins. Þrátt fyrir þessa skemmtun hefur kórinn verið að æfa fyrir sína árlegu tónleika sem oft hafa verið kenndir við þrettándann en Gísli vill kalla þá áramótagleði nú. Þeir fara fram þann 29. desember og verða með hefðbundnu sniði.
Stór tímamót verða hjá kórnum nú í desember þar sem 90 eru liðin síðan hann var stofnaður í lok desember árið 1927. Gísli segir að formleg afmælisdagskrá verði haldin æsta vor.
Vert er að hvetja sem flesta til að mæta í Miðgarð en þar mun Gísli Einarsson, tengdasonur Skagafjarðar og sjónvarpsmaður á RÚV, stýra veislunni af sinni alkunnu snilld. Auk söngs munu hagyrðingar láta gamminn geisa og fluttir verða pistlar sem eflaust eiga eftir að kitla hláturtaugarnar.
Miðapantanir eru í símum: 863 6036 - Hinrik, 865 6064 Jónas og 891 8812 Kristján.
Sjá nánar í Sjónhorninu eða á FB síðu kórsins.
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.