Folaldafille með brokkolísalati og sveppasósu
Matgæðingur í tbl 7 á þessu ári var Friðrik Már Sigurðsson en hann býr á Lækjamóti í Húnaþingi vestra ásamt eiginkonu sinni, Sonju Líndal Þórisdóttur, og tveimur börnum. Friðrik situr í sveitarstjórn og í byggðarráði í Húnaþingi vestra og er einnig meistaranemi í verkefnastjórnun við Háskólann í Reykjavík. Ekki nóg með það þá eru bústörfin, tamningar og þjálfun hesta eitthvað sem hann sinnir ásamt öllu hinu.
„Framundan hjá mér er póstkosning hjá Framsóknarflokknum en ég gef kost á mér í 3.-4. sæti á lista hans í Norðvesturkjördæmi fyrir alþingiskosningarnar í haust. Ástæða þess er sú að mig langar að fá tækifæri til þess að gera gott samfélag enn betra og vera virkur þátttakandi í mótun þess,“ segir Friðrik. Friðrik segist vera mjög virkur í eldhúsinu á heimilinu og hefur gaman af því að elda góðan mat. Eldamennskan snýst um að koma með mest af smjöri og rjóma í allar máltíðir. Friðrik langar að gefa ykkur uppskrift að þeirri máltíð sem í dag er í uppáhaldi og hann eldar þegar hann vill gera vel við fjölskylduna.
AÐALRÉTTUR
Steikt folaldafille
800 g folaldafille, hreinsa burtu himnur ef þær eru til staðar
40 g smjör
1 hvítlauksrif, smátt saxað
salt
pipar
rósmarín
Aðferð: Byrjið á að krydda kjötið með salti, pipar og rósmarín eftir smekk. Hitið smá olíu á pönnu og setjið um 40 g af smjöri og eitt smátt saxað hvítlauksrif á pönnuna. Þegar fer að krauma á pönnunni þá brúnið þið kjötið á öllum hliðum þannig að það sé lokað og fallega gullið. Setjið kjötið í eldfast mót og hellið
olíunni/smjörinu yfir. Setjið kjötið í heitan ofn við 200°C og steikið í um 10-12 mínútur. Það er gott að snúa kjötinu við þegar eldunartíminn er hálfnaður og setja smjörklípu ofan á það. Látið svo standa í fimm mínútur áður en kjötið er skorið og borið fram. Athugið að eldunartími fer eftir stærðinni á kjötinu og smekk hvers og eins. Sjálfum finnst mér best að taka kjötið úr ofninum þegar það er komið í um 57°C kjarnahita og láta það svo standa smá stund
áður en það er borið fram.
Brokkolísalat:
1 brokkolíhaus
1/2 rauðlaukur
um 300 g beikon
majónes og/eða 36% sýrður rjómi eftir smekk
pipar
sletta hvítvínsedik
Aðferð: Byrjið á að skera brokkólíið í fremur smáa bita, hellið sjóðandi vatni yfir og látið standa í fimm til sjö mínútur, hellið þá vatninu af. Skerið beikonið í bita og steikið á pönnu. Bætið beikoninu við brokkolíið og kælið í ísskáp. Þegar þetta er orðið kalt þá saxið þið rauðlaukinn fremur fínt og bætið útí. Bætið við majónesi og/eða 30% sýrðum rjóma, a.m.k. fjórum msk. eða eftir smekk og kryddið með svörtum pipar. Smá sletta af hvítvínsediki getur líka gert gæfumuninn. Geymið í kæli því þetta smakkast best kalt.
Sveppasósa:
olía
smjör
8-10 sveppir
1 hvítlauksrif
½ l rjómi
1 villisveppaostur
2 teningar sveppakraftur
gamli rjómaosturinn
salt og pipar
og meira smjör
Aðferð: Setjið smá af olíu í pott og bætið 30 g af smjöri við ásamt einu smátt skornu hvítlauksrifi. Bætið við niðurskornum sveppum og steikið í smá stund. Bætið rjómanum, sveppakrafti og smátt skornum villisveppaostinum við og hitið. Smakkið til með salti og pipar og bætið endilega rjómaosti við eftir ykkar smekk. Svo er mjög gott að setja góða klípu af smjöri út í sósuna stuttu áður en hún er borin fram.
Verði ykkur að góðu!
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.