Grafin gæs í forrétt, lambalundir og file í aðalrétt og bláberjaostakaka í eftirrétt

feykir.is Í matinn er þetta helst 01.12.2013 kl. 12.30
Gunnlaugur og Helga Sjöfn bjóða upp á grafna gæsabringu, file og lundir af lambahrygg og bláberjaostaköku í eftirrétt.
Gunnlaugur og Helga Sjöfn bjóða upp á grafna gæsabringu, file og lundir af lambahrygg og bláberjaostaköku í eftirrétt.

Kúabændurnir Gunnlaugur Hrafn Jónsson og Helga Sjöfn Helgadóttir voru matgæðingar Feykis árið 2010 þegar haustið skartaði sínu fegursta. En ekki er verra að njóta þessara rétta í upphafi aðventu.  

Forréttur:

Grafin gæsabringa

  • 1 msk fínt salt
  • 1 ½ msk sykur
  • 2 msk mulin einiber
  • 1 tsk rósmarín
  • 1 tsk pipar

Bringunni velt upp úr kryddblöndu og sett í kæliskáp í 3-4 sólarhringa, snúið reglulega.

Sósa með gæsabringunni

  • púrtvín
  • rifsberjahlaup
  • fersk steinselja, smátt skorin
  • hvítur pipar

Öllu blandað saman eftir smekk. Bringan skorin mjög þunnt og gott að bera fram með ristuðu brauði eða maltbrauði.

Aðalréttur:

File og lundir af einum lambahrygg

  • 1 bréf beikon
  • 1 laukur
  • Sveppir eftir smekk
  • Olía til steikingar
  • ½ l rjómi

File og lundir snöggsteiktar í olíu og kryddaðar með salti og pipar. Sett í eldfast mót. Beikon, laukur og sveppir brytjaðir og steikt í olíu á pönnu. Sett yfir kjötið í eldfasta mótið. Að lokum er rjóma hellt yfir, sett í ofn í 180 gráður í 1 klst. Mjög gott að bera fram með nýjum kartöflum, hrísgrjónum og salati.

Eftirréttur:

Bláberjaostakaka

  • 250 gr. makkarónukökur
  • 125 gr. smjör
  • 300 gr. rjómaostur
  • 200 gr. flórsykur
  • ½ l rjómi
  • 1 bolli bláber, fersk eða frosin

Súkkulaðikrem:

  • 200 gr. suðusúkkulaði
  • 1 msk. rjómi
  • 1 ds. sýrður rjómi

Suðusúkkulaði og rjómi hitað saman, sýrðum rjóma bætt út í. Smjörið brætt og makkarónukökum bætt út í, látið blotna vel og sett í form. Rjómaostur og flórsykur þeytt saman. Rjómi þeyttur og blandað saman við ostablönduna ásamt bláberjunum. Kakan fryst, tekin úr frysti og súkkulaðikreminu smurt yfir. Skreytt með ferskum eða frosnum íslenskum bláberjum. Best er að láta kökuna þiðna aðeins áður en hún er borin fram.

Verði ykkur að góðu!

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Lið Grunnskóla Húnaþings vestra. MYND AF FACEBOOK

    Lið Grunnskóla Húnaþings vestra komið í úrslit Skólahreysti

    feykir.is Íþróttir, Vestur-Húnavatnssýsla, Mannlíf 17.04.2024 kl. 18.40 oli@feykir.is
    Í dag tók lið Grunnskóla Húnaþings vestra þátt í hasarnum sem Skólhreysti er en keppnin fór fram í Laugardagshöll og var sýnd í beinni útsendingu á RÚV. Það var ekki að spyrja að því að Húnvetningarnir komu, sáu og sigruðu sinn riðil og hafa því tryggt sér sæti í úrslitum keppninnar sem fara fram 25. maí.
    Meira

  • Stólarnir ráðast ekki á garðinn þar sem hann er lægstur

    feykir.is Skagafjörður, Íþróttir 17.04.2024 kl. 16.41 oli@feykir.is
    „Þetta er spennandi leikur sem allir strákarnir hlakka til!“ sagði Dominic Furness, þjálfari karlalið Tindastóls, en dregið var í 32 liða úrslitum Mjólkurbikars karla í knattspyrnu nú í vikunni. Verkefnið sem Stólarnir fengu var ekki það þægilegasta, útileikur á Akranesi gegn Bestu deildar liði ÍA.
    Meira
  • Frá orðæfingu viðbragðsaðila á Blönduósi í gær. Sjá má fleiri myndir á síðu LNV. MYND AF FACEBOOK LNV

    Samvinna er lykillinn að góðri útkomu

    feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 14.01 oli@feykir.is
    Viðbragðsaðilar á Norðurlandi vestra stefna á hópslysaæfingu þann 11. maí næstkomandi. Í gær hittist hluti hópsins í húsnæði Krútt á Blönduósi og æfði viðbragð annars vegar við flugslysi og hins vegar rútuslysi þar sem settar voru upp tvær borðæfingar. Frá því segir á Facebook-síðu Lögreglunnar á Norðurlandi vestra að æfingar gærdagsins hafi verið undirbúningur fyrir stóru æfinguna í maí en samvinna er að sjálfsögðu lykilinn að góðri útkomu. „Samhæft viðbragð skilar betri þjónustu til borgaranna,“ segir í færslunni. Feykir forvitnaðist aðeins um æfinguna hjá Ásdísi Ýr Arnardóttur, sérfræðingi hjá LNV.
    Meira
  • Það var ekkert gefið eftir í boltanum.MYND GG

    Vel heppnaður dagur og söfnun gengur vel

    feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 17.04.2024 kl. 13.24 gunnhildur@feykir.is
    Fjölskyldufjör var haldið föstudaginn 12. apríl sl. í Varmahlíð þegar Ungmenna- og íþróttafélagið Smári, Foreldrafélag Varmahlíðarskóla og Kvenfélög Seyluhrepps, Lýtingsstaðahrepps, Akrahrepps og Staðarhrepps tóku höndum saman og hófu söfnun fyrir leik- og íþróttatækjum í Varmahlíð. Með söfnuninni var verið að svara kalli nemenda miðstigs Varmahlíðarskóla við erindi þar sem þau bentu á þörfina fyrir bættri aðstöðu til útiveru og hreyfingar.
    Meira
  • Þórdís Kolbrún utanríkisráðherra og Sigríður formaður kjördæmisráðs. MYND: XD.IS

    Sigríður áfram formaður kjördæmisráðs Sjálfstæðisflokksins

    feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 11.22 oli@feykir.is
    Aðalfundur kjördæmisráðs Sjálfstæðisflokksins í Norðvesturkjördæmi var haldinn á Laugum í Sælingsdag um nýliðna helgi. Á fundinum var Sigríður Ólafsdóttir, Húnaþingi vestra, endurkjörin formaður kjördæmisráðs.
    Meira
Yfirlit frétta