Humarsúpa, lambahryggur og rabarbarabaka

feykir.is Í matinn er þetta helst 21.10.2012 kl. 14.34

Þau Anna Margrét Jónsdóttir og Sævar Sigurðsson á Sölvabakka í A-Hún. voru með ljúffengar uppskriftir í Feyki fyrir þremur árum. Humarsúpa, lambahryggur og rabarbarabaka geta ekki klikkað.

Forréttur:

Humarsúpa

  • 500 g  humar í skel
  • 3 fiskiteningar
  • 3 meðalstórar gulrætur
  • 2 hvítlauksrif
  • 2 l vatn
  • 1 laukur
  • 1 paprika, græn
  • 1 lítil dós tómatkraftur
  • 1 l rjómi (má líka nota matreiðslurjóma)
  •      ljós sósuþykkir
  •      smjör til að steikja skeljarnar

Aðferð: Skelflettið og hreinsið humarinn. Brúnið skelina í potti ásamt hvítlauknum við vægan hita. Bætið vatni, tómatkrafti, gróft skornum lauk, papriku og gulrótum út í og látið krauma í 4 tíma. Sigtið soðið og bætið fiskikrafti út í. Þykkið soðið með ljósum sósuþykki eftir smekk og bætið svo rjómanum saman við. 15 mín áður en súpan er borin fram er humarinn settur út í. Passið að súpan sjóði ekki eftir það, humarinn á bara að hitna í gegn.

Aðalréttur:

Úrbeinaður lambahryggur með grænmetis- og fetaostfyllingu.

  • 1 lambahryggur, um 2 kg (einnig má nota læri)
  • hnefafylli af spínati
  • 2-3 vorlaukar
  • 12 svartar ólífur, steinlausar
  • 1-2 hvítlauksgeirar
  • 2 tsk. ferskt timían eða 3/4 tsk. þurrkað
  • 100 g fetaostur
  • nýmalaður pipar
  • salt

Hryggurinn er úrbeinaður í heilu lagi án þess að hann sé tekinn í sundur við háþornið og lagður á bretti með skurðflötinn upp. Lundirnar lagðar ofan á. Spínatið og vorlaukurinn grófsaxað og ólífurnar skornar í helminga. Hvítlaukurinn saxaður smátt. Grænmetinu, timíani og fetaosti blandað saman í skál og kryddað með pipar og svolitlu salti. Hryggurinn einnig kryddaður með pipar og salti og fyllingunni dreift á miðjuna. Þá er hryggurinn vafinn saman utan um fyllinguna og bundinn saman með t.d. sláturgarni. Ofninn hitaður í 180°C og kjötið steikt í ofnskúffu í u.þ.b. 1 klst. Hækkið þá hitann í 215°C og steikið áfram í 10-15 mínútur, eða þar til hryggurinn hefur tekið góðan lit. Látið hann standa í a.m.k. 10-15 mínútur áður en hann er skorinn. Steikingartími fer að sjálfsögðu eftir þykkt hryggjarins, e.t.v. minni en e.t.v. meiri og best er að nota kjötmæli.

Eftirréttur:

Rabarbarabaka

  • 300 g rabarbari
  • 100 g bláber
  • 1 stórt mangó
  • 3 msk. púðursykur

Rabarbarinn saxaður og komið fyrir í ofnföstu fati. Púðursykri stráð yfir. Sett í 160°C heitan ofn og álþynna sett yfir. Þegar rabarbarinn er bakaður eru bláberin og mangóið sett saman við (má líka nota aðra ávexti sem til eru, t.d. vínber og jarðarber).

Bræðið síðan saman í potti:

  • 50 g smjör
  • 50 g púðursykur
  • 1 msk. sýróp
  • 100 g gróft haframjöl

Smurt yfir ávextina og bakað án álpappírs í 20 mínútur við 160°C. Borið fram með rjóma eða ís.

Verði ykkur að góðu!

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Hagur allra að samningar náist sem fyrst

    feykir.is Skagafjörður, Lokað efni 31.10.2024 kl. 14.56 gunnhildur@feykir.is
    Verkföll eru eins og áður hefur komið fram í níu skólum á landinu en kennarar eiga nú í samningaviðræðum við samninganefnd sveitarfélaganna um bætt kjör. Leikskólinn Ársalir á Sauðárkróki er einn þessara níu skóla en í Ársölum eru alls 65 starfsmenn á launaskrá og af þeim eru 26 í verkfalli. 
    Meira
  • Skandall í loftinu. Sennilega ein al flottasta hljómsveitarmynd sem tekin hefur verið á Íslandi. Að sögn Ingu Rósar þá þurfti nú nokkrar tilraunir til áður en stökkin tókust og festust á mynd. Vel gert! MYND: MIKAEL SIGURÐSSON

    Skandall sigraði Viðarstauk annað árið í röð

    feykir.is Austur-Húnavatnssýsla, Listir og menning, Lokað efni 31.10.2024 kl. 13.27 oli@feykir.is
    Hljómsveitin Skandall gerði sér lítið fyrir og sigraði í Viðarstauk sem haldinn var í 41. sinn nú á dögunum. Viðarstaukur er hljómsveitarkeppni innan Menntaskólans á Akureyri en hljómsveitin Skandall er að mörgu leyti óvenjuleg; ekki einungis er hún skipuð fimm stúlkum sem stunda nám í MA heldur eru þrjár þeirra úr Austur Húnavatnssýslu og ein þeirra spilar á flautu. Feykir lagði nokkrar spurningar fyrir aðalsöngkonu Skandals, Ingu Rós Suska.
    Meira
  • Svavar Atli Birgisson Slökkviliðsstjóri og Helga Einarsdóttir hjá HMS. MYND AÐSEND

    Ný brunavarnaáætlun Skagafjarðar tekur gildi

    feykir.is Skagafjörður, Austur-Húnavatnssýsla, Lokað efni 31.10.2024 kl. 13.20 gunnhildur@feykir.is
    Skagafjörður samþykkti þann 23. október síðastliðinn nýja brunavarnaáætlun sveitarfélagsins til næstu fimm ára og er þetta önnur stafræna brunavarnaáætlun landsins. Brunavarnaáætlunin er nú aðgengileg á vefsíðu viðkomandi sveitarfélags en einnig er hún birt á vef HMS.
    Meira
  • Eva Wium, fyrrum leikmaður Tindastóls, sækir að körfu Stólastúlkna í leiknum í gær. MYND: THORSPORT.IS

    Lið Þórs með grobbréttinn á Norðurlandi

    feykir.is Skagafjörður, Íþróttir, Lokað efni 31.10.2024 kl. 12.53 oli@feykir.is
    Lið Þórs og Tindastóls mættust í Höllinni á Akureyri í gærkvöld en um 220 áhorfendur mættu og fengu að sjá fjörugan leik og bæði lið sýndu fínan sóknarleik. Bæði lið frumsýndu erlenda leikmenn og var stuðningsfólk Tindastóls sérlega ánægt með það sem Mélissa Diawakana hafði fram að færa. Lið Þórs hafði yfirhöndina frá upphafi til enda en náði þó aldrei að hrista lið Tindastóls af sér. Sex stigum munaði þegar innan við mínúta var eftir en Stólastúlkur komust ekki nær sterku Þórsliði þar sem Maddie Sutton reyndist erfið. Lokatölur 102-95.
    Meira

  • Nú skiptir Feykir.is yfir í læstar fréttir

    feykir.is Skagafjörður, Austur-Húnavatnssýsla, Vestur-Húnavatnssýsla 31.10.2024 kl. 12.33 oli@feykir.is
    Eins og nefnt var í leiðara Feykis í síðustu viku þá hefur verið ákveðið að loka fyrir ókeypis aðgang að megninu af fréttum og öðru efni sem hingað til hefur staðið öllum opið á Feykir.is. Eru lesendur hvattir til að styrkja útgáfuna og gerast rafrænir áskrifendur.
    Meira
Yfirlit frétta