Pottréttur og einfaldur og góður ís
Íris Sveinbjörnsdóttir hjúkrunarfræðingur og Eyþór Jónasson hestamaður, búsett við Iðutún á Sauðárkróki, voru matgæðingar vikunnar í 5. tölublaði Feykis árið 2017. „ Við ætlum að bjóða upp á pottrétt þar sem hægt er að nota annað hvort nautakjöt eða folaldakjöt og í eftirrétt mjög einfaldan og góðan ís,“ segja þau um uppskriftirnar sem þau bjóða lesendum Feykis upp á.
Aðalréttur
Pottréttur
Marinering miðað við 1 kg af kjöti:
4 eggjarauður
10 msk matarolía
4 tsk karrý
4 tsk kjötkraftur
1 tsk sykur
4 msk Worcestershiresause
Sósan:
4 msk sojasósa
4 msk kartöflumjöl
2 dl mjólk
½ l rjómi
Aðferð:
Kjötið skorið í gúllasbita og haft í marineringunni í a.m.k. þrjár klst. Best eftir því sem haft er lengur. Kjötið er brúnað á pönnu og hráefnunum í sósuna bætt við nema rjómanum. Leyft að malla í 20-25 mínútur. Rjómanum er síðan bætt við og leyft að malla í 10-15 mínútur. Gott að hafa hrísgjón og salat með.
Eftirréttur
Tobleroneís
5 dl rjómi
5 eggjarauður
5 eggjahvítur
2 msk sykur
400 g heslihnetu- og súkkulaðismjör frá Nusica eða Nutella
200 g Toblerone súkkulaði
1 hvítur marengsbotn
1 banani
60 g heslihnetur
Aðferð:
Rjóminn er þeyttur. Eggjarauður og 1 msk sykur þeytt saman, eggjahvítur og 1 msk sykur þeytt saman. Heslihnetu- og súkkulaðismjörið hitað þar til verður fljótandi. Tobleronið saxað niður og marengsbotninn brotinn niður.Öllu er blandað gróflega saman og sett í smelluform. Skilja aðeins eftir af súkkalaðismjörinu til skreytingar. Sett í frysti í minnst 5 klst. Skreytt með ristuðum hnetum, banana og súkkulaðismjörinu dreift yfir.
Fleiri fréttir
-
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira -
Það verður hasar í Síkinu í kvöld
feykir.is Skagafjörður, Íþróttir 18.04.2024 kl. 11.29Það er stórleikur í Síkinu í kvöld því þá fer fram fjórði leikurinn í einvígi Tindastóls og Snæfells í baráttunni um sæti í efstu deild. Stólastúlkur standa vel að vígi, eiga heimaleikinn í kvöld þar sem liðið getur tryggt sér 3-1 sigur í einvíginu. Það væri því vel við hæfi að sýna liðinu alvöru stuðning og fjölmenna í Síkið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.