Svínakjöt í súrsætri sósu og rabarbarakaka
Þau Ragna Jóhannsdóttir og Pétur Valdimarsson á Sauðárkróki voru Matgæðingar vikunnar í 28. tölublaði Feykis 2012, Þau buðu upp á grænmetissúpu með tortellinni í forrétt, svínakjöt í súrsætri sósu í aðalrétt og rabarabaraköku með ristuðu kókosmjöli í eftirrétt.
Forréttur
Grænmetissúpa með Tortellini
- Kartöflur
- laukur
- blómkál
- gulrætur
- rófa
- brokkoli
- rauð og græn paprika
- sæt kartafla
- tortellini með osti og skinku
- grænmetisteningur
- kjúklingateningur
- salt
- pipar
- matreiðslurjómi
Aðferð:
Sérstaklega góð og seðjandi súpa.Magn grænmetis fer eftir smekk.Þvoið grænmetið og flysjið kartöflur, rófu gulrætur og lauk. Skerið svo allt í hæfilega bita. Setjið í pott ásamt Tortellini og látið vatn fljóta yfir, bætið grænmetis og kjúklingateningum út í. Sjóðið í um það bil 20 mín. og smakkið til ef þurfa þykir með meiri teningum og salti og pipar. Setjið að síðustu rjóma útí og látið suðu koma upp. Súpan er mjög góð ein og sér en líka er upplagt að hafa hvítlauksbrauð með.
Aðalréttur
Svínakjöt í súrsætri sósu
- 1 kg svínakjöt, í litlum bitum
- 250 gr bambusskot (bamboo shots)
- 1 græn paprika, í strimlum
- 2 laukar, í strimlum
- 1 tsk salt
- 2 msk koníak eða þurrt sérrí
- 2 egg
- 4 msk maizenamjöl
- 4 msk hveiti
Sósa:
- 6 msk edik
- 6 msk sykur
- 1 tsk salt
- 1 lítil dós tómatpuré
- 2 msk soyasósa
- 1 tsk sesamolía
Aðferð:
Blandið saman salti og koníaki, hrærið því saman við kjötið og látið standa í 15 mín. Hrærið saman egg, maizenamjölinu og hveiti og hrærið blöndunni saman við kjötið. Djúpsteikið kjötbitana í 3-5 mín eða þar til þeir eru fallega brúnaðir. Gætið þess að setja ekki of mikið á pönnuna í einu því þá kólnar olían. Þegar allt kjötið hefur verið steikt eru bambusskotin djúpsteikt í 2-3 mín, kjötið sett aftur á pönnuna og steikt áfram í 2 mín. Takið af pönnunni og hellið olíunni en skiljið eftir u.þ.b. 2 msk. Steikið þá laukinn og paprikuna í nokkrar mín, bætið öllu sem á að fara í sósuna saman við og látið sjóða í nokkrar mín eða þar til að sósan hefur þykknað. Bætið þá kjötinu og bambusskotunum saman við og blandið vel saman. Borið fram með soðnum hrísgrjónum.
Eftirréttur
Rabarbarakaka með ristuðu kókosmjöli
- ½ kg rabarbari, hreinsaður og skorinn
- 1 ½-2 dl sykur
- 1 tsk engifer
Lok:
- 2 stór egg
- 1 dl sykur
- 1 dl hveiti
- 1 tsk lyftiduft
- 2½ dl ristað kókosmjöl
Aðferð:
Hitið ofn að 180°C og smyrjið stórt eldfast mót. Blandið saman rabarbara, sykri og engifer í botninn á eldfasta mótinu. Bakið í 10 mín.
Lok: Ristið kókosmjölið þar til það er ljós brúnt. Þeytið egg og sykur ljóst og létt, blandið þurrefnunum saman við ásamt ristuðu kókosmjöli. Hellið yfir rabarbarann og bakið í u.þ.b. 35-40 mínútur eða þar til kakan er gegnbökuð. Berið fram með þeyttum rjóma og /eða ís.
Verði ykkur að góðu!
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.