Tveir fiskréttir og Draumurinn hennar Dísu
„Við erum ansi dugleg að skiptast á um eldamennskuna og frágang, þó frágangurinn sé ekki eitthvað sem slegist er um. Það þarf ekki að koma neinum á óvart að við gleðjumst yfir góðum fisk eða fiskiréttum með ýmsum tilbrigðum. Við deilum með ykkur tveimur af okkar uppáhalds réttum sem við fengum fyrir ótrúlega mörgum árum og hafa frá þeirri stundu verið vinsælir hér á borðum,“ segja matgæðingar vikunnar í 5. tölublaði Feykis árið 2016 þau Ásdís Hrund Ármannsdóttir og Jón Helgi Pálsson á Hofsósi.
„Fyrst er að nefna deig sem við veltum fiski upp úr og steikjum svo í olíu á pönnu. Við kryddum fiskinn örlítið með aromat áður en honum er velt upp úr deiginu en það er eflaust smekksatriði hvort þess er þörf. Deigið fær skemmtilegan rauðan lit við steikingu.“
Réttur I
Spænskt fiskideig
5 góðar msk hveiti
1 tsk natron
1½ tsk túrmerik
½ tsk sítrónupipar
½ -1 tsk aromat
2 hvítlauksrif, pressuð
kalt vatn
Aðferð: Þurrefni og hvítlauk blandað saman í skál og unnið saman með vatni þar til deig er örlítið þykkara en venjulegt orlydeig. Með þessari útgáfu af steiktum fiski er gott að hafa t.d. gróf hrísgrjón og ferskt salat.
„Svo er það hinn rétturinn en hann nefnist bara alltaf Rauði rétturinn. Með honum höfum við einfaldlega gott snittubrauð eða hvítlauksbrauð.“
Réttur II
Rauði rétturinn
3 ýsu eða þorskflök, meðalstór og roðlaus/beinlaus
Aðferð: Kryddið örlítið með kryddi að eigin vali og veltið bitunum upp úr hveiti. Steikið mjög snöggt á pönnu. Sett í eldfast mót og útbúið sósuna.
Sósan:
½ l rjómi
2-4 msk tómatpúrra (pískað saman í skál með rjóma)
1 rauð paprika
2 hvítlauksrif
1 box sveppir
6-8 skinkusneiðar
½ bréf pepperoni
Aðferð: Þetta er allt skorið í litla bita og blandað saman við rjómasósuna. Helst eru það sveppirnir sem verða ágreiningsmál hjá yngra fólkinu og hefur lendingin verið að skera þá í 4 hluta, svo auðveldara sé að ýta þeim til hliðar. Þessu er því næst hellt yfir forsteikta fiskinn og rifnum osti dreift yfir. Sett í ofn við 180-200°C í u.þ.b. 20-30 mín.
„Svo látum við eina hráköku fljóta með.“
Eftirréttur
Draumurinn hennar Dísu
Botn:
1½ bolli döðlur
1 bolli kókosmjöl
1 góður bolli pecanhnetur
5 msk kakó
1-2 msk kókosolía (má sleppa)
Aðferð: Allt sett í matvinnsluvél og síðan þjappað í mót.
Toppurinn:
1 peli rjómi
200 g vanillu- eða jarðarberjaskyr
Aðferð: Rjóminn þeyttur, skyrinu bætt út í rétt áður en rjóminn er klár. Jarðarber, hindber eða bláber skorin og dreift yfir.
Verði ykkur að góðu!
Fleiri fréttir
-
Sigurður Örn til PLAY
feykir.is Austur-Húnavatnssýsla, Mannlíf 16.04.2024 kl. 15.32Flugfélagið PLAY hefur ráðið Sigurð Örn Ágústsson, frá Geitaskarði í Langadal, sem framkvæmdastjóra viðskiptaþróunar. Fram kemur í fréttatilkynningu á netsíðu PLAY að um er að ræða nýtt svið innan flugfélagsins en Siggi mun hafa það hlutverk að leiða frekari þróun þvert á öll svið flugfélagsins.Meira -
Fyrri umferð biskupskosninga lokið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 14.02Kosning biskups Íslands fór fram dagana 11.- 16. apríl og kosningu lauk á hádegi í dag, 16. apríl og niðurstaða kosninganna liggur fyrir þrjú voru í kjöri og féllu atkvæði þannig:Meira -
Háskólinn á Hólum hlýtur viðurkenningu fyrir framsækið og metnaðarfullt háskólastarf
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 13.50Háskólinn á Hólum hlaut á dögunum Byggðagleraugu Samtaka sveitarfélaga á Norðurlandi vestra fyrir framsækið og metnaðarfullt starf. Námið við háskólann er sértækt að því leyti að það byggir á traustum grunni fyrir mikilvægar framtíðar atvinnugreinar í samfélaginu þar á meðal íslenska hestinn, ferðaþjónustu í dreifbýli og fiskeldi, en skólinn hefur dregið til sín nemendur víðsvegar að úr heiminum. Í Háskólanum á Hólum er öflugt háskólastarf sem er í stöðugum vexti og nýsköpun.Meira -
Synjun Skagabyggðar um efnistöku í sveitarfélaginu stendur
feykir.is Austur-Húnavatnssýsla 16.04.2024 kl. 13.45Kröfu Vegagerðarinnar um að snúa við synjun Skagabyggðar um efnistöku í sveitarfélaginu var hafnað af Úrskurðarnefnd umhverfis- og auðlindamála nú í byrjun apríl. Málavextir voru þeir að í október 2023 óskaði Vegagerðin eftir heimild Skagabyggðar til efnistöku á unnu efni í námu norðan Hvammkotsbruna sem nýtt yrði í sjóvarnir við Réttarholt á Skagaströnd. Heildarmagn grjóts og sprengds kjarna í verkið var áætlað allt að 1.500 rúmmetrar. Þrátt fyrir synjun Skagabyggðar um efnistöku í sveitarfélaginu hefur Vegagerðin nú þegar hafið flutninga á efni úr námunum.Meira -
Ólíkir tónlistarheimar mætast á ferðalagi um landið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 16.04.2024 kl. 11.52Marína Ósk kemur úr heimi djass og Ragnar Ólafsson úr rokki. Þau leggja nú saman af stað í tónleikaferðalag saman um allt land 16.-28. apríl. Þau kynntust í Húsi máls og menningar, þar sem þau spila flest kvöld vikunnar fyrir fullu húsi. Semja nú saman söngvaskáldatónlist og gáfu meðal annars út lagið Er kólna fer ekki alls fyrir löngu. Þau heimsækja Gránu á Sauðárkróki á morgun – miðvikudaginn 17.apríl og hefjast tónleikarnir kl.20.30.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.