Rabb-a-babb 179: Þuríður Harpa
Nafn: Þuríður Harpa Sigurðardóttir.
Árgangur: Sá besti.
Fjölskylduhagir: Sambúð.
Búseta: Í Mekka sjálfstæðismanna.
Hverra manna ertu og hvar upp alin: Ég er dóttir Sigurðar H. Björnssonar frá Framnesi í Akrahreppi og Sigríðar I. Sigurbergsdóttur frá Svínafelli í Hornafirði. Alin upp í Nesjunum í Hornafirði með löngum stoppum í Varmahlíð.
Starf / nám: Formaður ÖBÍ, með ýmisskonar nám að baki s.s. BA í grafískri hönnun, diplóma á meistarastigi í fötlunarfræði og eitthvað fleira.
Hvað er í deiglunni: Að njóta ofurhita og sumars í Frakklandi.
Rabbið
Hvernig nemandi varstu? Kærulaus en nokkuð til friðs og því sennilega ekki mjög eftirminnileg.
Hvað ætlaðir þú að verða þegar þú yrðir stór? Var aldrei með það alveg á hreinu, ætlaði bara að gera eitthvað skemmtlegt.
Hvert var uppáhalds leikfangið þitt þegar þú varst krakki? Örugglega dúkka áður en ég lærði að lesa, eftir það var bókin best.
Besti ilmurinn? Ilmur af birki og blóðbergi eftir duglegan rigningarskúr á sólríkum sumardegi.
Hvað varstu að hlusta á þegar þú fékkst bílprófið? Love Over Gold (Dire Straits) og svo auðvitað Wham! Svaka blanda.
Hvernig slakarðu á? Góð tónlist, kertaljós og eitthvað gott að lesa – klikkar ekki.
Hverju missirðu helst ekki af í sjónvarpinu? Lövander fjölskyldan tekur þann sess einu sinni í viku.
Besta bíómyndin? Intouchable, sem er frönsk mynd byggð á ævi manns sem lamaðist í slysi. Mynd sem vekur mann til umhugsunar og er bæði sprenghlægileg og dapurleg en mest virkilega góð mynd. Mæli með henni
Hvaða íþróttamanni hefurðu mestar mætur á? Ég fylgist nú ekkert sérstaklega með íþróttum en Arna Sigríður Albertsdóttir, sem stefnir á að keppa á handhjóli á Ólympíuleikum fatlaðra í Tókýó 2020 finnst mér afbragðis íþróttamaður.
Hvað gerir þú betur en allir aðrir á þínu heimili? Tuða, það er algjörlega mín sérgrein.
Hvert er snilldarverkið þitt í eldhúsinu? Já, nú vandast málið, get sennilega ekki státað af snilld, en er ótrúlega góð í að drasla út og skapa mikla óreiðu þegar ég þarf að elda.
Hættulegasta helgarnammið? Súkkulaði- allt sem inniheldur súkkulaði.
Hvernig er eggið best? Stundum linsoðið, stundum harðsoðið og stundum steikt, bara ekki með hráa hvítu.
Hvað fer mest í taugarnar á þér í fari þínu? Tuð og óþolinmæði.
Hvað fer mest í taugarnar á þér í fari annarra? Hroki, yfirgangur og neikvæðni.
Uppáhalds málsháttur eða tilvitnun? „Lifðu sérhvern dag eins og hann sé þinn síðasti“ mér þykir þetta góð áminning en fer alltof sjaldan eftir henni sjálf.
Hver er elsta minningin sem þú átt? Standandi milli framsætanna í Skátinum á ferðalagi með foreldrum mínum sennilega í kringum þriggja ára aldurinn
Þú vaknar einn morgunn í líkama frægrar manneskju og þarft að dúsa þar einn dag. Hver værirðu til í að vera og hvað myndirðu gera? Það væri áhugavert að vakna í líkama Leonardo Da Vinci. Ég myndi vinna að einhverju stórkostlegu sköpunarverki.
Hver er uppáhalds bókin þín og/eða rithöfundur? Ég get ekki gert upp á milli margra uppáhaldsbóka, t.d. er Ósjálfrátt eftir Auði Jónsdóttur ein af þeim og höfundurinn einn af mínum uppáhalds. Svo las ég nýverið bókina Hver drap föður minn eftir Édouard Louis og er dáldið upptekin af því að vera enn að melta bókina, sem mér finnst mjög góð.
Orð eða frasi sem þú notar of mikið? Það kemur dagur eftir þennan dag, góður frasi og aldrei ofnotaður.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.