rabb-a-babb 57: Hulda Ragnheiður
Nafn: Hulda Ragnheiður Árnadóttir
Árgangur: Eðalárgangur
Fjölskylduhagir: Ég á mann, þrjú börn og eina fósturdóttur
Starf / nám: Fjármálastjóri Blönduósbæjar sem stendur og er í mastersnámi í bankastjórnun og alþjóðaviðskiptum á Bifröst
Bifreið: Skoda Oktavia, 2004
Hestöfl: Hef ekki vit á þeim nema þau séu á fjórum fótum
Hvað er í deiglunni: Útskrift í haust og búferlaflutningar
Hvernig hefurðu það? Oftast eftir mínu höfði og almennt mjög gott.
Hvernig nemandi varstu? Skipulögð og stjórnsöm sennilega….
Hvað er eftirminnilegast frá fermingardeginum? Bragðið af messuvíninu og oblátuátið.
Hvað ætlaðir þú að verða þegar þú yrðir stór? Saumakona…. stóð við það og tók sveinspróf í kjólasaumi, en nú sauma ég bara mér til ánægju.
Hvað hræðistu mest? Frostmark, hálku og mikið hvass-viðri, allt á sama augnablikinu
Hver var fyrsta platan sem þú keyptir (eða besta)? EGÓ.
Hvaða lag ertu líklegastur til að syngja í Kareókí? You Raise Me Up með Josh Groban.
Hverju missirðu helst ekki af í sjónvarpinu (fyrir utan fréttir)? Ég er sífellt að missa af einhverju í sjónvarpinu.
Besta bíómyndin? Casino Royale.
Hvað fer helst í innkaupakörfuna sem ekki er skrifað á tossamiðann? Innkaupamiðar eru ekki mín sterkasta hlið, ef ég man eftir að skrifa þá gleymi ég þeim gjarnan heima….
Hvað er í morgunmatinn? Skyrið er langbesta startið.
Uppáhalds málsháttur? Þeir sem bera ekki virðingu fyrir sjálfum sér geta ekki ætlast til að aðrir geri það.
Hvaða teiknimyndapersóna höfðar mest til þín? Íkorninn með hnetuna í Ice age II.
Hvert er snilldarverkið þitt í eldhúsinu? Skyrtertan slær alltaf í gegn.
Hver er uppáhalds bókin þín? Litla gula hænan, því hún kennir fólki svo margt.
Ef þú gætir hoppað upp í flugvél og réðir hvert hún færi, þá færirðu... Til Kúbu.
Hvað fer mest í taugarnar á þér í fari þínu? Læt öðrum eftir að dæma um það.
Hvað fer mest í taugarnar á þér í fari annarra? Óstundvísi.
Enski boltinn - hvaða lið og af hverju? Þarna ég alveg vita vonlaus, man ekki einu sinni hvað liðin heita.
Hvaða íþróttamanni / dómara hefurðu mestar mætur á? Kimi Raikkonen.
Heim í Búðardal eða Diskó Friskó? Diskó Friskó er meira í mínum anda, en ég á nú einhver meiri uppáhaldslög.
Hverjar voru mikilvægustu persónur 20. aldarinnar að þínu mati? Mamma og pabbi.
Ef þú ættir að dvelja alein á eyðieyju, hvaða þrjá hluti tækirðu með þér? Sólhlíf, veiðistöng og handklæði.
Hvað er best í heimi? Íslenska vatnið.
Fleiri fréttir
-
Fjögur víti dæmd í fjörugum jafnteflisleik í Hveragerði
feykir.is Skagafjörður, Íþróttir 20.05.2024 kl. 21.34Tindastólsmenn heimsóttu lið Hamars í Hveragerði í dag í 4. deildinni í fótboltanum. Stólarnir unnu fyrsta leikinn í deildinni á dögunum en lið Hamars hafði spilað tvo leiki og unnið báða. Liðin buðu upp á markaleik í dag en skiptu stigunum jafnt á milli sín eftir að dómarinn gaf báðum liðum tvær vítaspyrnur í leiknum – fjórar alls! – þar sem mögulega hefði ekki átt að dæma eina einustu. Lokatölur 3-3.Meira -
Þórir Guðmundur og Eva Rún valin best í vetur
feykir.is Skagafjörður, Íþróttir 20.05.2024 kl. 14.24Lokahóf Körfuknattleiksdeildar Tindastóls var haldið á Kaffi Krók síðastliðið föstudagskvöld og þar var gert upp sögulegt tímabil þar sem karlaliðið stóð ekki undir væntingum en kvennaliðið daðraði við að komast í efstu deild í fyrsta sinn á öldinni. Þórir Guðmundur Þorbjarnarson og Eva Rún Dagsdóttir voru valin bestu leikmennirnir af samherjum sínum.Meira -
Vor á ný er fínasta fínt með Slagaarasveitinni
feykir.is Austur-Húnavatnssýsla, Vestur-Húnavatnssýsla, Listir og menning 20.05.2024 kl. 14.02Hið þverhúnvetnska gæðaband, Slagarasveitin, sem skipað er mönnum á besta aldri, sendi í fyrrahaust frá sér samnefnda tólf laga breiðskífu. Útgáfunni fylgdi sveitin eftir með stórtónleikum í Iðnó í Reykjavík 22. september og daginn eftir stigu þeir á svið í Félagsheimilinu á Hvammstanga. Platan er fáanleg á föstu formi en ekki á Spotify en þangað hafa þeir félagar týnt eitt og eitt lag af plötunni og nú í byrjun maí streymdu þeir laginu Vor á ný.Meira -
Velkomin heim - Helga Einarsdóttir
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 20.05.2024 kl. 09.00Helga Einarsdóttir er yngst þriggja systra, dóttir Lillu frá Stóru Seylu, sem kannski ekki allir vita að heitir Margrét Erna Halldórsdóttir, og Einars Sigurjónssonar sem flutti ungur í Skagafjörðinn úr Garðabænum. Betri helmingur Helgu er hrein- ræktað borgarbarn og heitir Daníel Fjeldsted og eru börnin tvö, Kolbrún Ósk 4 ára og Viktor Einar 2 ára. Helga og Danni eins og hún kallar hann fluttu „heim“ í Helgu tilfelli fyrir rétt tæpu ári síðan. Helga er rekstrarverkfræðingur og starfar hjá Húsnæðis- og mannvirkjastofnun.Meira -
Minni halli á Skagaströnd en áætlanir gerðu ráð fyrir
feykir.is Austur-Húnavatnssýsla 19.05.2024 kl. 12.08Húnahornið segir frá því að Sveitarfélagið Skagaströnd hafi skilað 46,8 milljón króna neikvæðri rekstrarniðurstöðu í fyrra en síðari umræða um ársreikning sveitarfélagsins 2023 fór fram á sveitarstjórnarfundi þann 10. maí sl. Niðurstaðan var þó 8,7 milljónum króna betri en áætlun með viðaukum haft gert ráð fyrir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.