rabb-a-babb 79: Heiðar
Nafn: Áskell Heiðar Ásgeirsson.
Árgangur: 1973.
Fjölskylduhagir: Giftur Völu Báru Valsdóttur og við eigum þrjár yndislegar dætur, Bergrúnu Sólu, Malen og Heiðdísi Pálu.
Búseta: Á Króknum.
Hverra manna ertu: Kominn af borgfirskum (þ.e. frá Borgarfirði eystri!) bændum og trillusjómönnum aftur í aldir.
Starf / nám: Er í stórskemmtilegu starfi sviðsstjóra Markaðs- og þróunarsviðs Sveitarfélagsins Skagafjarðar / Landfræðingur frá HÍ.
Bifreið: Nissan Terrano II.
Hestöfl: Hafa dugað okkur fram að þessu!
Hvað er í deiglunni: Að takast á við skemmtileg verkefni í vinnunni og uppeldi dætranna í vetur.
Hvernig hefurðu það?
Prýðilegt.
Hvernig nemandi varstu?
Rólegastur í bekknum (við vorum tveir, ég og Ingi frændi!).
Hvað er eftirminnilegast frá fermingardeginum?
Að ég var stærri en Ingi!
Hvað ætlaðir þú að verða þegar þú yrðir stór?
Atvinnumaður í fótbolta, ætluðu það ekki allir?
Hvað hræðistu mest?
Að eitthvað komi fyrir mína nánustu.
Hver var fyrsta platan sem þú keyptir (eða besta)?
Ég keypti The Unforgettable Fire með U2 árið 1984? breytti lífi mínu og nú á ég allt sem þeir hafa gefið út!
Hvaða lag er líklegast að þú takir í Kareókí?
Örugglega eitthvað sem ég uppgötva svo í miðju lagi að ég ræð ekki við.
Hverju missirðu helst ekki af í sjónvarpinu (fyrir utan fréttir)?
Liverpool.
Besta bíómyndin?
Ekki gott að segja, get alltaf hlegið að Monty Python.
Hvað gerir þú betur en allir aðrir á þínu heimili?
Voða fátt, náði þó að klambra saman palli á bak við hús, þannig að sennilega er ég besti smiðurinn á heimilinu.
Hvert er snilldarverkið þitt í eldhúsinu?
Þar er Vala mér miklu fremri, en ég get gert ágætar pizzur.
Hvað fer helst í innkaupakörfuna sem ekki er skrifað á tossamiðann?
Nammi og gos, það þarf ekki að skrifa það á miðann!
Hvað er í morgunmatinn?
Oftast Seríos.
Hver er uppáhalds bókin þín?
Mér fannst Karitas án titils mjög góð.
Ef þú gætir hoppað upp í flugvél og réðir hvert hún færi, þá færirðu hvert...
...Örugglega austur!
Hvað fer mest í taugarnar á þér í fari þínu?
Skortur á sjálfsaga.
Hvað fer mest í taugarnar á þér í fari annarra?
Hroki.
Enski boltinn - hvaða lið og af hverju?
Liverpool frá blautu barnsbeini, fyrst af því að pabbi heldur með Man Utd ? síðar vegna þess að þetta er frábært lið!
Hvaða íþróttamanni hefurðu mestar mætur á?
Ingi frændi er enn að spila með UMFB, 35 ára og vann sinn fyrsta titil um daginn þegar Borfirðingar unnu utandeildarkeppnina á Austurlandi.
Heim í Búðardal eða Diskó Friskó?
Veltur á stemmingunni!
Hver var mikilvægasta persóna 20. aldarinnar að þínu mati?
Þarna get ég ekki gert upp á milli mömmu og pabba, án þeirra samvinnu væri ég ekkert!
Hver væri titillinn á ævisögu þinni?
Hann var heppinn með konu!
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.